គ្រោះធម្មជាតិធ្វើឱ្យប៉ះពាល់ធ្ងន់ដល់ផ្ទះប្រជាពលរដ្ឋប្រមាណ២៦ខ្នងក្នុងខេត្ដចំនួន២
ផ្សាយថ្ងៃទី២៣-១១-២០១១: ដកស្រង nokorwatnews
ខេត្តកំពតៈ សេចក្ដីរាយការណ៍ពីខេត្ដកំពតបានឱ្យដឹងថា នៅចន្លោះពីម៉ោង២៣ដល់
ម៉ោង២៤ និង២០នាទីករំលងអាធ្រាត្រថ្ងៃ ទី២១ ខែឈានចូលថ្ងៃទី២២ ខែវិច្ឆិកា ឆ្នាំ២០១១ មានគ្រោះធម្មជាតិមួយបានកើតឡើងនៅក្នុងភូមិត្រញំងឈើទាល ឃុំច្រេស
និងភូមិស្រែសំរោង ឃុំស្រែសំរោង ស្រុកជុំគិរី ខេត្ដកំពត បណ្ដាលឱ្យផ្ទះប្រជាពល
រដ្ឋប្រមាណ១២ ខ្នងទទួលរងការខូចខាតយ៉ាងដំណំ ។បច្ចុប្បន្ននេះអាជ្ញាធរមូលដ្ឋាន
ក៏ដូចក្រុមមនុស្សធម៌របស់កាកបាទក្រហម កម្ពុជាបាននិងកំពុងចុះទៅដល់គោល
ដៅគ្រួសាររងគ្រោះដើម្បីផ្ដល់ជំនួយ ។
គួររំលឹកផងដែរថា នៅឯខេត្ដតាកែវឯណោះវិញ ភ្លៀងកក់ខែមួយមេលាយឡំដោយខ្យល់បានធ្វើឱ្យផ្ទះចំនួន១៤ ខ្នង នៅក្នុងស្រុកចំនួន៣ ក្នុងខេត្ដតាកែវ បានបាក់រលំរាបដល់ដី និងផ្ទះមួយចំនួនទៀតបានប៉ើងដំបូលគ្មានសល់ កាលពី រាត្រីថ្ងៃទី២១ ខែវិច្ឆិកា ឆ្នាំ២០១១ វេលា ម៉ោង២២និង៣០នាទី ។
តាមមន្ដ្រីនគរបាលខេត្ដតាកែវបាន ឱ្យដឹងថា ផ្ទះដែលបាក់រលំមានចំនួន៧ ខ្នងនៅស្រុកទ្រាំង ស្ថិតក្នុងភូមិកាលពោធិ ឃុំសំបូរ នៅស្រុកបុរីជលសា ផ្ទះ៥ខ្នង បានដួលរលំ និង២ខ្នងទៀតនៅស្រុកត្រាំ កក់ ស្ថិតក្នុងឃុំញ៉េងញ៉ង ក៏បានដួលរលំ និងប៉ើងដំបូលផងដែរ ។ អ្នកភូមិរស់នៅស្រុកត្រាំកក់បានឱ្យ ដឹងនៅរសៀលថ្ងៃទី២២ ខែវិច្ឆិកា ថា នៅ មុនពេលមានខ្យល់ព្យុះ ក៏មានភ្លៀងធ្លាក់ តិចៗ ហើយធ្វើឱ្យផ្ទះរបស់គាត់ប៉ើងដំបូល ជាច្រើនម៉ែត្រ រួចសសរក៏ធ្លាក់ពីជើង តាងរលំបាក់ខ្ទេចតែម្ដង ។
អ្នកភូមិម្នាក់ទៀតបានបញ្ជាក់ថា សន្ធឹកខ្យល់ខ្លាំងដូចជាសំឡេងយន្ដហោះ បានបក់បោកពីទិសខាងកើត ដែលធ្វើឱ្យ អ្នកភូមិភ័យរន្ធត់យ៉ាងខ្លាំង ហើយអ្នកដែល មានផ្ទះក្បឿងខ្ពស់ៗបាននាំគ្នារត់ចុះដី ព្រោះតែខ្លាចរលំ ។ ចំណែកផ្ទះពលរដ្ឋខ្លះ ដែលប្រក់ស័ង្កសីបានប៉ើងខូចទាំងស្រុង ។ អាជ្ញាធរបានអះអាងថា ក្រៅពីផ្ទះ ប្រជាពលរដ្ឋ ដើមឈើមួយចំនួនក៏បាន រលំសង្កត់ពីលើផ្ទះបំផ្លាញទ្រព្យសម្បត្ដិ មួយចំនួនរបស់ប្រជាពលរដ្ឋដែរ ។
អាជ្ញាធរនៅពុំទាន់បានបញ្ជាក់ពីការ ខូចខាតភ្លៀងកក់ខែមួយមេ ធ្វើឱ្យផ្ទះប្រជា ពលរដ្ឋបាក់រលំនេះនៅឡើយទេ ។
គួរបញ្ជាក់ថា នៅរដូវនេះ ជារដូវ កត្ដិកធ្លាក់ខ្យល់ទៅហើយ នៅតែមាន ភ្លៀងនិងរន្ទះ
បានសម្លាប់មនុស្ស ។ ជាក់ ស្ដែង កាលពីចុងសបា្ដហ៍កន្លងទៅនេះ នៅក្នុងខេត្ដកែប
ប្រជានេសាទ៣នាក់ម្នាក់ បានស្លាប់ និង២នាក់ទៀតរងបួសឆេះ ខ្លោចខ្លួន ដោយសារតែភ្លៀងរលឹមតិចៗ និងរន្ទះបានបាញ់ពួកគេ ៕
No comments:
Post a Comment