ចាប់រំលោភក្មេងស្រីអាយុ៦ឆ្នាំមិនបានសម្រេច បែរជាជាប់ខ្នោះសមត្ថកិច្ចទៅវិញ
ផ្សាយថ្ងៃទី២៣-១១-២០១១: ដកស្រង nokorwatnews
ខេត្ដកំពតៈ បុរសម្នាក់ត្រូវក្រុមគ្រួសារកុមារីរងគ្រោះចាប់ក្របួចជាប់ រួចបញ្ជូនទៅឱ្យសមត្ថកិច្ចដោះស្រាយបន្ដក្នុង ករណីសង្ស័យថាបានចាប់រំលោភក្មេងស្រីអនីតិជនមិនបានសម្រេចរួចមក ។ ហេតុការណ៍នេះបានកើតឡើងកាលពី វេលាម៉ោង១២អធ្រាត្រឈានចូលថ្ងៃទី២៣ ខែវិច្ឆិកា ឆ្នាំ២០១១នៅភូមិសុវណ្ណសាគរ សង្កាត់កំពង់កណ្ដាល ក្រុង- ខេត្ដ
កំពត ។
បើយោងតាមសេចក្ដីរាយការណ៍បានឱ្យដឹងថា បុរសជាប់សង្ស័យឈ្មោះជា យូហាន់ អាយុ៣០ឆ្នាំ មុខរបរធ្វើស្រែ មាន ប្រពន្ធនិងកូនក្នុងបន្ទុក រស់នៅភូមិកំពង់គ្រុង ឃុំកំពង់គ្រែង ស្រុកទឹកឈូ ខេត្ដកំពត ។ រីឯកុមារីរងគ្រោះឈ្មោះ ហ.ស.ណ. អាយុ៦ឆ្នាំ ស្នាក់នៅជាមួយឪពុកម្ដាយក្នុងខេត្ដកំពត ។
ប្រភពបានបន្ដទៀតថា នៅមុនពេលកើតហេតុ ជនសង្ស័យឈ្មោះ ជា យូហាន់ បានមកជួបជុំគ្នាផឹកស៊ីនៅផ្ទះមិត្ដភក្ដិដែលនៅជាប់ផ្ទះកុមារីរងគ្រោះ ។ លុះដល់ពាក់កណ្ដាលអធ្រាត្រ ខណៈដែលពួក គេស្រវឹងស្រារៀងៗខ្លួនរួចមក ជនសង្ស័យបានទៅដេកនៅផ្ទះកុមារីរងគ្រោះ ។ បន្ទាប់មក នៅវេលាម៉ោងប្រមាណ ជិត១២យប់ ស្របពេលក្មេងស្រីរងគ្រោះដើរចូលបន្ទប់ទឹក ខណៈនោះជនសង្ស័យក៏ដើរ ចូលទៅក្នុងបន្ទាប់ទឹករួចចាប់ក្មេងស្រីរំលោភ ប៉ុន្ដែត្រូវនាងស្រែកយំធ្វើឱ្យដឹងឮដល់ម្ដាយកុមារីរងគ្រោះ ក៏នាំគ្នាចាប់ ជនសង្ស័យប្រគល់ជូនសមត្ថកិច្ចទាំងយប់តែម្ដង ។
ជនសង្ស័យបានសារភាពនៅចំពោះសមត្ថកិច្ចថាខ្លួនពិតជាបាន ចាប់រំលោភកុមារីរងគ្រោះបែបនេះ ក៏ដោយសារតែស្រវឹងស្រាខ្លាំងពេក ៕
No comments:
Post a Comment