កែប ៖ បុរសម្នាក់ត្រូវសមត្ថកិច្ចសំរេចបំពេញសំណុំឯកសារបញ្ជូនទៅ សាលាដំបូងខេត្តកំពតក្រោមការចោទប្រកាន់លើ
ករណីឃាតកម្មគ្រោងទុក ជាមុនដែលបានប្រព្រឹត្តិឡើងកាល
ពីយប់ថ្ងៃសៅរ៍ទី០៤ខែកុម្ភៈឆ្នាំ ២០១២ ហើយបុរសខាងលើ
ត្រូវសមត្ថកិច្ចឃាត់ខ្លួនកាលពីថ្ងៃទី០៦ខែកុម្ភៈវេលា ម៉ោង១១និង៥០នាទីថ្ងៃត្រង់នៅ
ត្រង់ចំណុចភូមិដំណាក់ចង្អើ សង្កាត់ព្រៃធំ ក្រុងកែប។សមត្ថកិច្ចការិយាល័យព្រហ្ម
ទណ្ឌ័កំរិតធ្ងន់ខេត្តកែបបានប្រាប់ ឱ្យដឹងថា ការឃាត់ខ្លួនបុរសសង្ស័យខាងលើបន្ទាប់
ពីមានករណីខ្មាន់កាំភ្លើងលប បាញ់ប្រហារមកលើស្ត្រីម្នាក់បណ្តាលឱ្យរងរបួសធ្ងន់
កាលពីយប់វេលា ម៉ោង១៩និង៥០នាទីត្រង់ចំណុផ្ទះស្ត្រីរងគ្រោះឈ្មោះ សុទ្ធ ណៃ
គីម អាយុ៥៨ឆ្នាំស្ថិតក្នុងភូមិអំអែង ឃុំអង្កោល ស្រុកដំណាក់ចង្អើរ ខេត្តកែប ទើប
សមត្ថកិច្ចបានស្រាវជ្រាវតាមជំនាញអស់រយៈពេល២ថ្ងៃទើបធ្វើការ ឃាត់ខ្លួនជន
សង្ស័យម្នាក់ឈ្មោះ ម៉ែន ម៉ាត់ ហៅឡុង ម៉ាត់ភេទប្រុសអាយុ៤៨ឆ្នាំជនជាតិខ្មែរ
ឥស្លាម មានទីលំនៅក្នុងភូមិដំណាក់ចង្អើរ សង្កាត់ព្រៃធំ ក្រុង-ខេត្តកែប ហើយ
យកមកសាកសួរនៅស្នងការដ្ឋាននគរបាលខេត្តកែបតែម្តង។សមត្ថកិច្ចបាន
ប្រាប់ទៀតថាក្រោយពីឃាត់ខ្លួនមកសួរចម្លើយរហូតមកដល់ព្រឹក ថ្ងៃទី០៨ខែ
កុម្ភៈឆ្នាំ២០១២នេះបើគិតទៅចំនួន៤៨ម៉ោងទៅហើយតែពុំទាន់ បានទទួល
លទ្ធផលអ្វីឡើយទើបសមត្ថកិច្ចសម្រេចបញ្ជូនបុរសសង្ស័យនេះ ទៅសាលា
ដំបូងខេត្តកំពតចាត់ការបន្តនៅព្រឹកថ្ងៃទី០៨ កុម្ភៈនេះហើយ។បើតាមប្រភព
ជាក់លាក់ជាច្រើនបានលួចប្រាប់ថា កាលពីឆ្នាំមុនបុរសសង្ស័យឈ្មោះ មែន
ម៉ាត់ ធ្លាប់ចងសម្ព័ន្ធភាពស្នេហានឹងស្ត្រីម្នាក់ឈ្មោះ សុទ្ធ ផល្លី ហៅទូច លុះ
ក្រោយមកក៏មានការបែកបាក់គ្នាទៅវិញដោយស្ងប់ស្ងាត់។ប៉ុន្តែកន្លងមក
មួយរយៈក៍មានករណីមួយកើតឡើងដោយសារការជំលោះរវាងបុរសឈ្មោះ
មែន ម៉ាត់ នឹងស្ត្រី ឈ្មោះ សុទ្ធ ផល្លី នេះហើយក៍មានការគំរាមកំហែងពីសំ
ណាក់បុរសជាប់សង្ស័យខាងលើប៉ងសំលាប់ មួយពូជផងដែរ ថែមទាំងមាន
ការជះទឹកអាស៊ីដមកលើស្ត្រីឈ្មោះ សុទ្ធ ផល្លី ដែលជាគូរកំណាន់ទៀតផង
ប៉ុន្តែមិនមានបញ្ហាធ្ងន់ធ្ងរនោះទេ។ចំពោះការឃាត់ខ្លួនបុរសនេះ ក៍ព្រោះតែមាន
ការជំពាក់វាក់វិននឹងបញ្ហាជាច្រើនកាលពីជិតមួយឆ្នាំ មកនោះ ទោះបីជន
សង្ស័យមិនព្រមឆ្លើយសារភាព ក៏សមត្ថកិច្ចបានសំរេចចោទប្រកាន់រួចជាស្រេច។
សូមរំលឹកផងដែរថា កាលពីយប់ថ្ងៃសៅរ៍ទី០៤ខែកុម្ភៈឆ្នាំ២០១២ មានករណីផ្ទះ
អាវុធ១គ្រាប់បង្កភាពភ្ញាក់ផ្អើលទាំងយប់ ស្ថិតក្នុងផ្ទះដ៍ស្កឹមស្កៃមួយកន្លែង ក្នុងភូមិ
អំពែង ឃុំអង្កោល ស្រុកដំណាក់ចង្អើរ ហើយក៍បានបណ្តាលឱ្យស្ត្រីចំណាស់ជា
ម្ចាស់ផ្ទះរងរបួសធ្ងន់ផងដែរ។ចំពោះ ការបាញ់ប្រហារនេះ ក្នុងចំណោមមនុស្ស
ប្រុសស្រី៤នាក់ ឃាតករបំណងបាញ់ផ្តាច់ជីវិតទៅលើស្ត្រីម្នាក់ដែលជាកូនស្ត្រីរង
គ្រោះ ប៉ុណ្ណោះ ប៉ុន្តែដោយសារយប់ងងឹតមើលមិនច្បាស់ ទើបឃាតកបាញ់ច្រឡំ
ត្រូវស្ត្រីជាម្តាយបែបនេះទៅវិញ។ចំពោះរឿងហេតុ ការណ៍បាញ់ប្រហារខាងលើ
តាមការបញ្ជាក់ពីក្រុមគ្រួសារដែលមានគ្នាទាំងអស់ ចំនួន៤នាក់ជិះរថយន្តចេញ
មកពីកន្លែងពិធីមង្គលកាមួយស្ថិតក្បែរ ផ្ទះកើតហេតុប្រមាណជាង២០០ម៉ែត្រ
ប៉ុណ្ណោះ លុះស្ត្រីរងគ្រោះឈ្មោះ សុទ្ធ ណៃគីម ចុះពីលើរថយន្តទៅចាក់សោរទ្វា
របំណងចូលផ្ទះ ក៏មានករណីមានខ្មាន់កំភ្លើងបាញ់ប្រហារមួយគ្រាប់តែម្តង តែ
ការផ្ទុះអាវុធនេះតាមការអះអាងពីស្ត្រីឈ្មោះ សុទ្ធ ផល្លី ដែលត្រូវជាកូនស្ត្រីរង
គ្រោះនិយាយថា គឺជាករណីបាញ់ច្រឡំមនុស្សតាមការពិតឃាតករបំណង
បាញ់មកលើរូបនាងដែលជា កូនរបស់គាត់តែប៉ុណ្ណោះ៕
No comments:
Post a Comment