ផ្សាយថ្ងៃទី០៦-០៣-២០១២: ដកស្រងkpt-news.com
កំពត ៖ ឧប្បត្តិហេតុគ្រោះថ្នាក់ចរាចរមួយបណ្ដាលឲ្យមនុស្សម្នាក់បានរង របួសដោយសារតែរថយន្តCR-Vបុកនឹងម៉ូតូ ពេលប្រជែងគ្នាបើកឡើងស្ពាន។ ជនរងគ្រោះត្រូវបានគេដឹកទៅសង្គ្រោះនៅមន្ទីរខេត្ត។ គ្រោះថ្នាក់ចរាចរនេះបានកើតឡើងកាលពីវេលា
ម៉ោង១៨និង៤០នាទី ថ្ងៃ០៤ ខែមីនា ឆ្នាំ២០១២ ត្រង់ចំណុចផ្លូវបំបែកស្ពានថ្មីស្ថិតនៅក្នុងភូមិកំពង់បាយខាង ត្បូង សង្កាត់កំពង់បាយ ក្រុងកំពត ខេត្តកំពត។
តាមសម្ដីសាក្សីនៅកន្លែងកើតហេតុនោះបាននិយាយឲ្យដឹងថារថយន្ត CR-V បានបើកពីត្បូងបត់ឡើងស្ពានខណៈពេលនោះក៏មានម៉ូតូជនរងគ្រោះបាន បើកពីកើតមកលិចសំរុកឡើងស្ពានក៏ប៉ះចំហៀងខាងស្ដាំរថយន្តក៏ បណ្ដាលឲ្យរបួសតែម្ដង។យោងតាមប្រភពព័ត៌មានពីមន្ត្រីប៉ូលិសចរាចរក្រុងបានប្រាប់ឲ្យ កម្ពុជាថ្មីដឹងថាករណីគ្រោះថ្នាក់នេះគឺជនរងគ្រោះមានឈ្មោះហេង សម្បត្តិ ភេទប្រុស អាយុ៣០ឆ្នាំ រស់នៅភូមិអណ្ដូងខ្មែរ សង្កាត់អណ្ដូងខ្មែរ ក្រុងកំពត ខេត្តកំពត បានរងរបួសធ្ងន់ត្រូវបានសង្គ្រោះមន្ទីរពេទ្យ។
ប៉ូលិសបានបញ្ជាក់ឲ្យដឹងថារីឯអ្នកបើកបររថយន្តមានឈ្មោះសុខ សិទ្ធរុងភេទប្រុសអាយុ៤៤ឆ្នាំរស់នៅសង្កាត់ទួលសង្កែ ក្រុងភ្នំពេញ ក្រោយពីកើតហេតុសមត្ថកិច្ចបានចុះទៅធ្វើការវាស់វែងយកវត្ថុតាង ទាំងពីរមករក្សាទុកនៅអធិការដ្ឋាននគរបាលក្រុងរង់ចាំធ្វើការដោះ ស្រាយតាមផ្លូវច្បាប់៕
No comments:
Post a Comment