ពេលស្រវឹងស្រាឃើញក្រមុំចាស់នៅផ្ទះតែឯងចូលចាប់រំលោភទីបំផុតជាប់ខ្នោះ
ថ្ងៃទី១៦-០១-២០១២: ដកស្រង
kpt-news
កំពត ៖ បុរសម្នាក់ពេលផឹកស្រាស្រវឹងបែរជាដាច់ដាប
ទៅចាប់ក្រមុំចាស់ប៉ង រំលោភ តែមិនទាន់បានសំរេចដោយសារស្ត្រីក្រមុំរងគ្រោះស្រែកឱ្យគេជួយ គាប់ជួនឪពុកមាទៅទាន់វាយ២-៣ដៃទៅលើបុរសកំហូច ហើយប្តឹងសមត្ថកិច្ចឱ្យចាប់ខ្លួនតែម្តង។ បុរសសង្ស័យពីបទ
រំលោភត្រូវសមត្ថកិច្ចឃាត់ខ្លួនបាននៅត្រង់ចំណុច ភូមិអន្ទងបែក ឃុំអង្គ រមាស ស្រុកដងទង់ ខេត្តកំពត កាលពីរសៀលថ្ងៃទី១៤ខែមករាឆ្នាំ២០១២ ដែលជាលំនៅដ្ឋានរបស់ជនសង្ស័យ។ហេតុការណ៍ខាងលើត្រូវបានលោក
វរសេនីយ៍ទោ គង់ សុខន នាយការិយាល័យព្រហ្មទណ្ឌកំរិតធ្ងន់ខេត្តកំពតនិយាយប្រាប់ដោយស្រង់តាម បណ្តឹងស្ត្រីរងគ្រោះថា កាលពីយប់វេលាម៉ោង២០ ស្ត្រីរងគ្រោះឈ្មោះ គិន ណាវី អាយុ៣១ឆ្នាំមានទីលំនៅរួមគ្នាជាមួយបុរសកំហូច បានមកលេងផ្ទះរបស់ជនសង្ស័យហើយខណៈនោះបុរសនោះក៏បានទៅទិញស្រា១លីត្រ មកផឹកជុំគ្នា ក្នុងនោះក៍មានប្រពន្ធជនសង្ស័យចូលរួមផងដែរ លុះជួបជុំពិសារបាយ និងសេពគ្រឿងស្រវឹងរួចរាល់ស្ត្រីរងគ្រោះក៏បានលាត្រឡប់ទៅផ្ទះវិញ ហើយក្នុងពេលដំណាលគ្នានោះដែរបុរសសង្ស័យឈ្មោះ អ៊ុំ ភឿង អាយុ៤៣ឆ្នាំ ក៏បានដើរតាមពីក្រោយរហូតដល់ផ្ទះស្ត្រីរងគ្រោះ ពេលនោះស្ត្រីក្រមុំចាស់បានសួរទៅបុរសសង្ស័យថា មកផ្ទះខ្ញុំមានការអ្វី តែបុរសកំហូចខាងលើមិនឆ្លើយតបនោះទេ បែរជាស្ទុះមកចាប់ដៃហើយផ្តួលទាញសារ៉ុងថែមទាំងសង្កាត់ពីលើបំណង រំលោភទៅហើយ ទើបស្ត្រីរងគ្រោះស្រែកហៅឱ្យអ្នកក្បែរខាងជួយ គាប់ជួនឪពូកមារបស់នារីរងគ្រោះឮសូរសំរែក ក៏រត់មកផ្ទះកើតហេតុភ្លាមទើបឃើញបុរសសង្ស័យកំពុងធ្វើសកម្មភាពពោប នៅពីលើស្ត្រីរងគ្រោះបំរុងចាត់ការទៅហើយឃើញបែបនេះពូបង្កើតដែលមាន ឈ្មោះ ទឹម ប្រុស អាយុ៣៨ឆ្នាំចាប់បុរសកំហូចដាល់២-៣ដៃបន្ធូរកំហឹងបណ្តាលឱ្យជនសង្ស័យ ធ្លាក់ពីលើផ្ទះមកដល់ដី ហើយក៏ជាឱកាសមួយធ្វើឱ្យបុរសកំហូចគេចខ្លួនបានទាំងយប់។លោកគង់ សុខន បានឱ្យដឹងទៀតថាក្រោយ
ពីមានរឿងរ៉ាវកើតឡើងស្ត្រីរងគ្រោះក៏រត់មកប្តឹងប៉ូលិស
តែម្តង ហើយសមត្ថកិច្ចក៏តាមរកជនសង្ស័យទៅដល់ផ្ទះរួចឃាត់ខ្លួនមកកាន់ ស្នងការដ្ឋានខេត្តកំពត ដើម្បីសួរនាំធ្វើកំណត់ហេតុតាមនីតិវិធីតែម្តង។ បើស្រង់តាមការឆ្លើយសារភាពពីសំណាក់បុរសសង្ស័យបាននិយាយថានៅ យប់កើតហេតុម៉ោងប្រមាណ២១ក្រោយពីផឹកស្រាស្រវឹងជោកជាំពេកក៏មើលទៅឃើញ ក្រមុំចាស់នេះបែបទំនង ទើបមានអារម្មណ៍ចង់រួមភេទហើយគាត់រកវិធីចាប់រំលោភតែម្តង ដឹងអីអត់ទាន់បានសំរេចផងស្រាប់តែ ពូគេតាមទាន់ហើយវាយស្ទើរទ្រោមខ្លួនទៀតផង។បន្ទាប់ពីបានចំលើយសារភាព សមត្ថកិច្ចបានបំពេញសំណុំបែបបទទៅឱ្យតុលាកាចាត់ការបន្តនាព្រឹក ថ្ងៃទី១៦ខែមករាឆ្នាំ២០១២នេះហើយ៕
No comments:
Post a Comment