រដ្ឋមន្រ្តីក្រសួងសុខាភិបាលព្រមានសាជាថ្មីអំពីជម្ងឺផ្តាសាយ បក្សីក្រោយពីជម្ងឺនេះបានផ្ទុះឡើងថែមទៀតនៅក្នុងឆ្នាំ២០១២នេះ
ថ្ងៃទី១៦-០១-២០១២: ដកស្រង
bayontv
ភ្នំពេញ៖ មន្រ្តីជាន់ខ្ពស់ ក្រសួងសុខាភិបាលបានព្រមានជាថ្មីម្តងទៀតថា ជម្ងឺផ្តាសាយបក្សីH5N1នៅតែបន្តគំរាមគំហែងដល់ប្រជាពលរដ្ឋក្នុង ប្រទេសកម្ពុជាដដែលរហូតមកដល់ឆ្នាំ ២០១២នេះ បន្ទាប់ពីជម្ងឺនេះបានសម្លាប់ប្រជាពលរដ្ឋកម្ពុជាអស់ជាង ១០ នាក់ កាលពីឆ្នាំ២០១១កន្លងទៅ។ការព្រមានបែបនេះ បានកើតឡើងបន្តិចក្រោយពីក្រុមមន្ត្រីបានរកឃើញថា កុមារាអាយុ២ឆ្នាំម្នាក់ មកពី
ខេត្តបន្ទាយមានជ័យបានឆ្លងនូវជម្ងឺផ្តាសាយបក្សី ហើយកុមារាម្នាក់នោះបានធ្លាក់ខ្លួនឈឺកាលពីថ្ងៃទី៣ខែមករា ឆ្នាំ២០១២។កុមារារូបនេះគឺជាអ្នកទី១៩ដែលឆ្លងនូវជម្ងឺផ្តាសាយបក្សីក្នុង ប្រទេសកម្ពុជានិងជាអ្នកទី ១ដែលឆ្លងនូវជម្ងឺផ្តាសាយបក្សីក្នុងប្រទេសកម្ពុជានៅក្នុងឆ្នាំ ២០១២នេះ ។ឯកឧត្តមម៉ម ប៊ុនហេងរដ្ឋមន្រ្តីក្រសួងសុខាភិបាលកាលពីល្ងាចថ្ងៃអាទិត្យទី ១៥ ខែមករា បានសម្តែងការព្រួយបារម្ភអំពីជម្ងឺផ្តាសាយបក្សីក្នុងប្រទេស កម្ពុជា។ឯកឧត្តមម៉ម ប៊ុនហេង មានប្រសាសន៍ថា មន្រ្តីសុខាភិបាលនៅតែតាមដានជាប់ជានិច្ច ចំពោះជម្ងឺផ្តាសាយបក្សីពី
ព្រោះជម្ងឺនេះមិនទាន់បាត់នៅឡើយទេ។ជម្ងឺផ្តាសាយបក្សីចាប់ផ្តើមកើតមាននៅក្នុងប្រទេសកម្ពុជាតាំងពី ឆ្នាំ ២០០៥មកម្ល៉េះ ហើយ គិតត្រឹមឆ្នាំ ២០១១ ក្រុមមន្ត្រីសុខា
ភិបាលរកឃើញថា ជម្ងឺនេះបានកើតមានលើប្រជាពល
រដ្ឋចំនួន១៨នាក់ ដែលក្នុងនោះ ធ្វើឲ្យប្រជាពលរដ្ឋស្លាប់បាត់បង់ជីវិតចំនួន ១៦ នាក់។ ជម្ងឺផ្តាសាយបក្សី គឺជាជម្ងឺផ្តាសាយមួយដែលជាធម្មតាចម្លងរវាងសត្វបក្សីឈឺទៅ បក្សី ផ្សេងទៀត ប៉ុន្តែជួនកាលវាអាចចម្លងពីបក្សីទៅមនុ
ស្ស ។ ជម្ងឺផ្តាសាយបក្សីលើមនុស្សជាជម្ងឺធ្ងន់ធ្ងរដែលត
ម្រូវឲ្យមានការ ព្យាបាលនៅមន្ទីរពេទ្យបានទាន់ពេលវេលា៕
No comments:
Post a Comment