ថ្ងៃទី១៧-០១-២០១២: ដកស្រង www.blogger.com
កំពត៖ ឈើគ្រញូងមួយរថយន្តបំណងលោតឆ័ត្រ
ទៅក្រៅប្រទេសត្រូវបានកំលាំង អធិការដ្ឋានឈូង
សមុទ្រសហការជាមួយនឹងយោធាភូមិភាគ៣ព្រម
ទាំងសង្កាត់ រដ្ឋបាលព្រៃឈើកំពង់ត្រាចចាប់បង្ក្រាបកាលពីរាត្រីរំលង
អធ្រាត ឈានចូលថ្ងៃទី១៧ខែមករាឆ្នាំ២០១២វេលាម៉ោង១និង១៥នាទី
ត្រង់ចំណុច ស្ពានដែកជាប់គ្នារវាងខេត្តកំពត-កែបស្ថិតក្នុងភូមិស្លាបតា
អោន ឃុំស្វាយទងខាងត្បូង ស្រុកកំពង់ត្រាច ខេត្តកំពត។
តាមការឱ្យដឹងពីកំលាំងឈូងសមុទ្រក៏ដូចជាការទំលាយហេតុផលពី មន្ត្រីសង្កាត់ព្រៃឈើស្រុកកំពង់ត្រាចបានប្រាប់កម្ពុជាថ្មីថានា វេលាដូច
ខាងលើ ខណៈពេលកំលាំងជំនាញកំពុងបើករថយន្តល្បាតនៅត្រង់
ចំណុចស្ពានដែក ដែលជាភូមិសាស្ត្រមួយធ្លាប់លេចឮការចរាចរឈើ
គ្រញូងទៅក្រៅប្រទេសនោះ គាប់ជួនបានឃើញរថយន្តមួយគ្រឿង
កំពុងចតឈប់នៅជិតស្ពាន ឃើញបែបនេះកំលាំងសមត្ថកិច្ចចំរុះក៏
បើករថយន្តសំដៅមកកាន់ទីនោះតែ រថយន្តដែលដឹកបទល្មើសឈើ
ប្រណិតប្រហែលជាដឹងសភាពការក៏បើករថយន្ត ចាកចេញយ៉ាងប្រញាប់ប្រញាល់ ទើបកំលាំងជំនាញបើករថយន្តស្កាត់មុខតាមផ្លូវវាង
ហើយក៏ឃាត់រថយន្តល្មើសបានតែម្តង។សមត្ថកិច្ចបានបញ្ជាក់ទៀតថា
ឈើដែលបង្ក្រាបពេលនេះមិនច្រើនប៉ុន្មានទេដោយសារម្ចាស់ឡាន
ពេលចតនៅ មាត់ព្រែកគេបានទំលាក់ដាក់ទូកអស់ជាងពាក់កណ្តាល
ទៅហើយ លុះពេលឃើញរថយន្តរបស់កំលាំងសមត្ថកិច្ចទៅជិតដល់ក៏បើករថយន្តចេញដ៏ ប្រញាប់បំផុតទើបក្រុមជំនាញបើកឡានតាមច្រកផ្លូវផ្សេងទៀតរួចយក រថយន្តពាំងពីមុខទើបម្ចាស់រថយន្តចាក់សោ ហើយ
លោតចុះរត់បាត់ទាំងព្រលឹងចុងសក់តែម្តង។រថយន្តដែលដឹកឈើគ្រញូង
នេះ ទំនងជារបស់នាយទាហានក្នុងអង្គភាពណាមួយ។រថយន្តម៉ាកកាមរី
ហើមសេរី៩៣ ពាក់ស្លាកលេខ ភ្នំពេញ 2C-9526ពណ៌សំបកឪឡឹក។
សមត្ថកិច្ចអធិការឈូងសមុទ្របានឱ្យដឹងផងដែរថា ឈើគ្រញូងដែលកំលាំងបង្ក្រាបបានសុទ្ធតែជាប្រភេទឈើប្រណិតកម្មង់មានមុខ កាត់២តឹកច្រកការុងពណ៌ខៀវ តែមិនទាន់ដឹងពីចំនួននោះទេ ហើយខណៈនោះលោកក៏បានជួលជាងធ្វើសោឱ្យមកឆាបសោថ្មីដើម្បីបញ្ឆេះ រថយន្តដឹកបទល្មើសនេះទៅកន្លែងអធិការឈូងសមុទ្រដែលមានទីតាំងនៅក្នុង ខេត្តព្រះសីហនុ និងឈានទៅស្វែងរកម្ចាស់រថយន្តល្មើសនេះដើម្បីឱ្យមកទទួលខុសត្រូវ ចំពោះមុខច្បាប់៕
No comments:
Post a Comment