ឥន្ទធនូស្ថិតនៅកណ្ដាលក្រុងកំពតកំពុង
ប្រឈមការបាក់ស្រុត ទាំងស្រុង នៅពេល
ខាងមុខបើពួកឈ្មួញសម្រុកបូមខ្សាច់ដូច
ព្យុះទាំងយប់ទាំង ថ្ងៃរាប់សិបសាឡង់
យក្សនាំចេញទៅប្រទេសក្រៅយ៉ាងគំ
ហុកដូចនេះ ។ទោះបីករណីបូមខ្សាច់
ទាំងអស់នេះមានច្បាប់ក៏ដោយ ប៉ុន្ដែ
ផលប៉ះពាល់កំពុងបានកើតឡើងជាបណ្ដើរៗ ហើយជាក់ស្ដែងស្ពានឥន្ទធនូប៉ុន្មានថ្ងៃចុង
ក្រោយនេះត្រូវសាឡង់ដឹក ខ្សាច់ប្រភេទយក្សបើកឆ្លងកាត់ក្រោមស្ពានកៀរសសរគ្រឹះស្ពាន ពេញទំហឹងបណ្ដាលឱ្យញ័រស្ពានយ៉ាងខ្លាំង២ថ្ងៃជាប់គ្នាបណ្ដាលឱ្យ ប្រជាពលរដ្ឋដែលកំពុង
ធ្វើដំណើរលើស្ពានភ្ញាក់ផ្អើរយ៉ាងខ្លាំង ប្រញាប់ប្រញាល់បើកបររត់ចេញ។ ម្យ៉ាងទៀតនៅចន្លាះ
ស្ពានកំពង់បាយនិងស្ពានឥន្ទធនូ គេសំគាល់ឃើញថាក្រុមឈ្មួញបានធ្វើសកម្មភាពបូមជាង២
ខែមកហើយយ៉ាង គំហុកមិនខានមួយថ្ងៃ ។ ដូចនេះប្រជាពលរដ្ឋក្រុងកំពតកើតក្ដីបារម្ភយ៉ាង
ខ្លាំងអំពីគ្រឹះ ស្ពានទាំង២ដែលប្រឈមការបាក់ស្រុតនៅពេលមុខបើក្រុមសម្រុកដូច សព្វថ្ងៃ
នេះ ។ប្រជាពលរដ្ឋរស់នៅក្នុងភូមិចំនួនពីរ គឺភូមិស្នំប្រាំពីរ និងភូមិមាក់ប្រាង ឃុំកំពង់ក្រែង ស្រុកទឹកឈូ ខេត្ដកំពត ជាង១៥០គ្រួសារបានបញ្ចេញប្រតិកម្មយ៉ាងខ្លាំងចំពោះសាឡង់បូមខ្សាច់ ធ្វើឱ្យបាក់ច្រាំងប៉ះពាល់ផ្លូវដើររបស់ពួកគាត់ និងធ្វើឱ្យប៉ះពាល់ផលដំណាំរួមទាំងផ្ទះសំបែងប្រសិនបើសាឡង់បូម ខ្សាច់បន្ដដំណើរការបូមខ្សាច់នៅកន្លែងដដែលមិនព្រមប្ដូរទីតាំងទេ នោះ ។ ជុំវិញការបូមខ្សាច់នេះជាមួយអ៊ំស្រីម្នាក់រស់នៅភូមិមាក់ប្រាង្គ ឃុំកំពង់ក្រែងស្រុកទឹកឈូបាននិយាយប្រាប់កាសែតនគរវត្ដក្នុង លក្ខខណ្ឌសុំមិនបញ្ចេញឈ្មោះថា ពួកគាត់មិនហាមឃាត់ពួកឈ្មួញបូមនោះទេ ប៉ុន្ដែការបូមខ្សាច់នេះគឺពួកឈ្មួញបានបូមតែមួយកន្លែងបណ្ដាលឱ្យ បាក់ច្រាំងយ៉ាងខ្លាំងបង្កផលប៉ះពាល់ដល់ផ្លូវដើរទាំងស្រុងនិងឈាន ដល់ប៉ះពាល់ផលដំណាំជាបន្ដបន្ទាប់រហូតដល់ផ្ទះសំបែង ។ ពលរដ្ឋទាំងពីរភូមិខាងលើបានបញ្ជាក់ប្រាប់ថា ពួកគេទាំងអស់គ្នាបានធ្វើលិខិតផ្ដិតមេដៃទៅឱ្យអាជ្ញាធរខេត្ដជួយ អន្ដរាគមន៍បញ្ឈប់ការបូមខ្សាច់របៀបនេះទៀតបើពុំដូច្នេះផ្លូវដែល ពួកគាត់ដើរទាំងអស់ត្រូវបំផ្លាញទាំងស្រុងរហូតដល់លំនៅឋានមិនខាន ទេ ។ លោកសោម វិចិត្រ ប្រធានមន្ទីរឧស្សាហកម្ម រ៉ែនិងថាមពលខេត្ដកំពតបានប្រាប់ដោយផ្ទាល់យ៉ាងខ្លីថា ការបូមខ្សាច់នេះគេមានអាជ្ញាបណ្ណត្រឹមត្រូវពីក្រសួងតែករណី ប៉ះពាល់យ៉ាងណានោះមន្ដ្រីជំនាញបានចុះទៅបោះពោងកំណត់ឱ្យបូមរួច ហើយ ។សូមបញ្ជាក់ថា ករណីបូមខ្សច់នៅក្នុងព្រែកកំពតដែលមានទ្រង់ទ្រាយធំប្រើដោយ គ្រឿងចក្រប្រភេទយក្សនេះទោះជាមានច្បាប់គ្រប់គ្រាន់ក៏ដោយបើបូម ខ្សាច់តែមួយកន្លែងដដែល និងបូមក្បែរគ្រឹះស្ពានយ៉ាងនេះមិនយូរមិនឆាប់ទ្រព្យសម្បត្ដិសាធារណៈ របស់រដ្ឋ ដូចជាស្ពានផ្លូវថ្នល់រួមទាំងផលដំណាំផ្ទះសំបែង ប្រជាពរដ្ឋមុខជារលាយពួកឈ្មួញបូមខ្សាច់ជាក់ជាមិនខាន ៕
No comments:
Post a Comment