Thursday, March 22, 2012
ពលរដ្ឋម៉ិចស៊ីកូចលាចលដោយការរញ្ជួយដី៧,៤រិចទ័រ
ផ្សាយថ្ងៃទី២១-០៣-២០១២: ព័ត៌មានអន្ដរជាតិដកស្រង nokorwatnews
មានការរញ្ជួយដីយ៉ាងខ្លាំង វាយ ប្រហារទីក្រុងម៉ិចស៊ីកូ ធ្វើឱ្យពលរដ្ឋស្លន់ ស្លោរត់ចេញមកក្រៅ ។ ការរញ្ជួយដី នោះ បានបំផ្លាញផ្ទះសម្បែងរាប់រយខ្នង ប៉ុន្ដែមកទល់ពេលនេះ មិនទាន់មាន របាយការណ៍ណាមួយ ស្ដីពីអ្នកស្លាប់និង រងរបួសនោះឡើយ ។ បណ្ដាមន្ដ្រីរាជការបុគ្គលិករួម ទាំង ក្រុមគ្រូពេទ្យផងដែរ បានរត់ចេញមក ក្រៅទាំងភ័យស្លន់ស្លោ ក្រោយពេលរញ្ជួយ ដី៧,៤រិចទ័រ អូសបន្លាយរយៈពេលជាង ១នាទី ធ្វើឱ្យពលរដ្ឋទូទាំងទីក្រុងម៉ិចស៊ីកូ ស៊ីធីចលាចលប្រជ្រៀតគ្នារត់ចេញមក ក្រៅ។ សម្ភារនានាធ្លាក់ចុះដី អគារខ្ពស់ៗ កម្រើកញាប់ញ័រ ហើយទីផ្សារភាគហ៊ុន ត្រូវផ្អាកភ្លាមៗផងដែរ ។ ការរញ្ជួយដី នេះ មានទ្រង់ទ្រាយធំបំផុត បន្ទាប់ពី រញ្ជួយដីកម្រិត៨,១រិចទ័រ កាលពីឆ្នាំ ១៩៨៥ បណ្ដាលឱ្យពលរដ្ឋរាប់ពាន់នាក់ នៅទីក្រុងម៉ិចស៊ីកូបាត់បង់ជីវិត ។
ដែលរស់នៅក្នុងទីក្រុងម៉ិចស៊ីកូ បានឱ្យ ដឹងថា នាងមិនធ្លាប់ជួបប្រទះស្ថានភាព បែបនេះឡើយ តាំងពីតូចក្រូចឆ្មារ ។ នាងបានរៀបរាប់ទៀតថា “ទូរទស្សន៍ របស់ខ្ញុំធ្លាក់ចុះដីបែកខ្ទេច អគារអង្រួន រង្គើយ៉ាងខ្លាំង ពេលនោះខ្ញុំ មិនដឹងធ្វើ យ៉ាងណានោះឡើយ ក្រៅពីឱបកូនឆ្កែ តូចរបស់ខ្លួន”។ កម្លាំងជួយសង្គ្រោះបានដាក់ ពង្រាយ នៅតំបន់រងការរញ្ជួយដី ។ នៅរដ្ឋ Guer- rero មានផ្ទះ៨០០ខ្នងបាក់ស្រុត ចំណែក នៅក្នុងរដ្ឋអូសាកា ក៏មានផ្ទះ៦៨ខ្នង ខូចខាតផងដែរ ។ ក្រៅពីនេះនៅមាន មនុស្ស៥នាក់រងរបួសធ្ងន់ទៀតផង ។
Subscribe to:
Post Comments (Atom)
No comments:
Post a Comment