ផ្សាយថ្ងៃទី០៧-០៣-២០១២: ព័ត៌មាន kpt.news.kh
កំពត ៖ គ្រោះថ្នាក់ចរាចរមួយបានបង្កឡើងដោយម៉ូតូបើកកៀរបុរសចំណាស់ខណៈពេល ដែលកំពុងជិះកង់បណ្ដាលដួលទៅថ្នល់របួសធ្ងន់ហើយបើករត់គេចខ្លួន បាត់បន្សល់ទុកជនរងគ្រោះនៅកន្លែងកើតហេតុត្រូវបានសមត្ថកិច្ចដឹក យកទៅសង្គ្រោះនៅមន្ទីរពេទ្យសម្ភពបូកគោ។ ហេតុការណ៍នេះបានកើតឡើងកាលពីវេលាម៉ោង៨និង៤០នាទីថ្ងៃទី០៦ខែមីនា ឆ្នាំ២០១២ស្ថិតនៅក្នុងភូមិកំពង់
បាយខាងត្បូង សង្កាត់កំពង់បាយ ក្រុងកំពតខេត្តកំពត។តាមប្រភពព័ត៌មាន
ពីសាក្សីដែលបានដឹងហេតុការណ៍នេះបានឲ្យដឹងថាគេ បានឃើញជនរងគ្រោះជិះកង់ម្នាក់ឯងពីលិចទៅកើតខណៈពេលនោះក៏ឃើញម៉ូតូ មួយបានបើកមកពីក្រោយឌុបស្រីម្នាក់ហើយក៏ប៉ះនិងដៃកង់ជនរងគ្រោះ ដួលទៅថ្នល់អុកគូទសន្លប់ចំណែកអ្នកបង្កហេតុឃើញដូច្នេះក៏បើកម៉ូតូ ទៅបាត់តែម្ដង។
ប្រភពដដែលបានឲ្យដឹងទៀតថាខណៈពេលនោះសមត្ថកិច្ចប៉ូលិសបានមកដល់ ក៏ហៅតេអូតាមម៉ូតូដែលបង្កហេតុហើយក៏បានហៅម៉ូតូកង់៣ដឹកជនគ្រោះ ទៅគ្លីនិចសម្ភពបូកគោក។ប្រភពខាងលើបានបញ្ជាក់ឲ្យដឹងថាជនរងគ្រោះ
ឈ្មោះ សេង សៀង ភេទប្រុសអាយុ៦៨ឆ្នាំរស់នៅភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត ក្រោយពីបានដឹងចូលមន្ទីរពេទ្យខាងលើរួចក៏ត្រូវបានក្រុមគ្រួសារដឹក រថយន្តបន្តទៅមនី្ទរពេទ្យវៀតណាមសង្គ្រោះបន្តទៀត។ប៉ូលិសចរាចរក្រុងបាននិយាយនៅកន្លែងកើតហេតុថា
គួរឲ្យសោកស្ដាយណាស់ មនុស្សនៅច្រើនយ៉ាងនេះមិនគួរឲ្យជនបង្កហេតុរត់គេចខ្លួនរួចសោះមិន ព្រមជួយឃាត់ទុកប៉ូលិសក៏បានបញ្ជាក់ឲ្យកម្ពុជាថ្មីដឹងថាពេលនេះ សមត្ថកិច្ចបានទំនាក់ទំនងតាមគោលដៅតាមពិនិត្យរកមុខសញ្ញាដើម្បី ឃាត់ខ្លួនធ្វើតាមច្បាប់៕
No comments:
Post a Comment