ផ្សាយថ្ងៃទី០៦-០៣-២០១២: ដកស្រង kpt-news.com
តាកែវ ៖ ប្រជាពលរដ្ឋប្រមាណ៣០០នាក់បានចូលរួមក្នុងពិធីទទួលអណ្ដូងទឹកស្អាត ដោយបញ្ចេញនូវស្នាមញញឹមត្រេកអរយ៉ាងខ្លាំងខណៈដែលអណ្ដូងទឹកស្អាត ចំនួន១០ជាទឹកចិត្តសប្បុរសធម៌លោក Tadamasa Goto Chaiman តាមរយៈមូលនិធិបាយ័នបានប្រកាសប្រគល់អោយប្រជាពលរដ្ឋប្រើប្រាស់ជា ផ្លូវការនាព្រឹកថ្ងៃទី៤ខែមីនាឆ្នាំ២០១២ហើយអណ្ដូងទឹកស្អាតដែល អាស្រ័យផលនៅក្នុងពេលនេះបានធ្វើឡើងស្របពេលប្រជាពលរដ្ឋក្នុងភូមិ កំពុងត្រូវការចាំបាច់ក្នុងការដោះ
ស្រាយយកមកប្រើប្រាស់ប្រចាំថ្ងៃ ហើយក្រុមការងារបាននិងកំពុងបន្តផ្ដល់អណ្ដូងទឹកស្អាតតាមសំណើជូន ប្រជាពលរដ្ឋប្រើប្រាស់ទឹកស្អាត។ តាមរបាយ
ការណ៍ការណ៍របស់អាជ្ញាធរឃុំជំរះពេនបានបញ្ជាក់ថាឲ្យតែ ខែប្រាំងប្រជាពល
រដ្ឋនៅក្នុងឃុំនេះតែងតែខ្វះខាតក្នុងការប្រើប្រាស់ ដោយសារតែផ្ទះប្រជាពល
រដ្ឋមួយចំនួមិនមានអណ្ដូងទឹកប្រើប្រាស់ដូច្នេះ ពួកគាត់ត្រូវទៅរែកទឹកពីតំបន់ឆ្ងាយយកមកប្រើប្រាស់ដូចជាទឹកនៅតាម វត្តជាដើមម្យ៉ាងវិញទៀតទឹកទាំងនោះមិនមានអនាម័យសំរាប់សុខភាពនោះទេ។លោកហួត ឃាងវេង
តំណាងលោកជំទាវ ហ៊ុន ម៉ាណា អគ្គនាយិកានៃអគ្គនាយកដ្ឋានវិទ្យុនិងទូរទស្សន៍បាយ័ននិងជាប្រធាន មូលនិធិមានប្រសាសន៍ថាកម្មវិធីអណ្ដូងទឹកស្អាតមានអណ្ដូងទឹកជាច្រើន ត្រូវបានស្ថាបនានិងដាក់អោយប្រើប្រាស់ជាបន្ដបន្ទាប់។ហើយកម្មវិធី ស្វាយគមន៍ជានិច្ចចំពោះសប្បុរជនទាំងឡាយដែលមានចំណង់ចង់បរិចាកថវិកា ផ្ទាល់ខ្លួនក្នុងកម្មវិធីអណ្ដូងទឹកស្អាត។
គួររំលឹកថាកម្មវិធីអណ្ដូងទឹកស្អាតបានប្រគល់និងកំពុងសាងសង់ជា បន្តបានប្រមាណជាង២០០អណ្ដូងក្នុងនោះអណ្ដូងទឹកជាអំណោយរបស់សម្ដេចតេ ជោនិងលោកជំទាវមួយចំនួនបានផ្ដល់ប្រជាពលរដ្ឋតាមតំបន់ដាច់ស្រយាលឆ្ងាយ ពីប្រភពទឹកតាមបណ្ដាខេត្តនានាទូទាំងប្រទេសអោយបានប្រើប្រាស់ ទឹកស្អាតនិងមានអនាម័យ។លោក ហួត ឃាងវេង បានផ្ដាំផ្ញើអោយប្រជាពលរដ្ឋដែលអាស្រ័យផលអណ្ដូងទឹកស្អាតត្រូវខិតខំ រួមគ្នាថែរក្សាការពារធ្វើយ៉ាងណារក្សាការពារអណ្ដូងទឹកអោយមានអនាម័យ និងប្រើប្រាស់យូរអង្វែង។ក្នុងឱកាសនោះក្រុមការងារក៏បានចែកអំណោយ សម្ដេចតេជោ ហ៊ុន សែន និងលោកជំទាវកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ជូនប្រជាពលរដ្ឋដេលបានចូលរួមក្នុងម្នាក់ៗទទួលបានសារុង១និងថវិកា១ម៉ឺន រៀល៕
No comments:
Post a Comment