iREACH kepcommunity: ពិធីជួបជុំនារីតាមសមាគមក្នុងភូមិ-ឃុំនៅស្រុកព្រៃនប់អបអរ8មីនា

Wednesday, March 7, 2012

ពិធីជួបជុំនារីតាមសមាគមក្នុងភូមិ-ឃុំនៅស្រុកព្រៃនប់អបអរ8មីនា

ផ្សាយថ្ងៃទី០៦-០៣-២០១២: ដកស្រង kohsantepheapdaily.com.kh

ខេត្តព្រះសីហនុ ៖ កាលពីថ្ងៃទី២៩ កុម្ភៈកន្លងមកនេះ នៅសាលាស្រុកព្រៃនប់ មានរៀបចំពិធីសំណេះសំណាលជាមួយមន្ត្រីថ្នាក់ដឹកនាំសមាគមនារី ប្រចាំតាមភូមិ-ឃុំ ជុំវិញស្រុក ដោយមានការអញ្ជើញចូលរួមពីលោកជំទាវ ឡូ គីម អនុរដ្ឋលេខាក្រសួងកិច្ចការនារី លោកស្រីប្រាក់ ច័ន្ទសុខា អភិបាលរងខេត្ត និងជាប្រធានសមាគមនារីខេត្ត លោកស្រីជ្រា ពៅ លូគឹមឈុន លោកស្រីណាំ ណាវី អនុប្រធានកិត្តិយសសមាគមនារីខេត្ត លោកស្រីសៅ កាន ប្រធានមន្ទីរកិច្ចការនារីខេត្ត លោកស្រីហ៊ៀក ហ៊ីមុល្លី ប្រធានក្រុមប្រឹក្សាស្រុក ព្រមទាំងលោកស្រីប្រធាន-អនុប្រធានសមាគមនារីតាមភូមិ-ឃុំស្រុកចូល រួមចំនួន៥៧នាក់ ។លោកស្រីប្រាក់ ច័ន្ទសុខា ប្រធានសមាគមនារីខេត្ត បានមានមតិសំណេះសំណាល និងផ្តាំផ្ញើដល់សមាគមនារីតាមភូមិ-ឃុំ ស្រុក ទាំងអស់ឱ្យបង្កើនការយកចិត្តទុកដាក់ដល់នារីៗទាំងអស់នៅតាមមូល ដ្ឋានរបស់ខ្លួន ត្រូវធ្វើជាគំរូល្អដល់នារីទូទៅ និងកូនចៅជំនាន់ក្រោយ ជាពិសេសត្រូវជំរុញឱ្យកូនៗចូលរៀនឱ្យបានគ្រប់គ្នា ។
លោកជំទាវ ឡូ គីម អនុរដ្ឋលេខាធិការក្រសួងកិច្ចការនារី បានមានមតិសំណេះសំណាល និងលើកឡើងពីប្រវត្តិសង្ខេបដែលស្ត្រីបានក្រោកឡើងតស៊ូនៅ ឆ្នាំ១៩១០ ដើម្បីទាមទារប្រាក់បៀវត្សរ៍ស្មើគ្មា ការងារស្មើគ្នា ដែលទាំងអស់នេះឆ្លុះបញ្ចាំងឱ្យឃើញថា នារីៗត្រូវតែមានភាពក្លាហានដើម្បីជួយជាតិ និងសង្គមគ្រួសារឱ្យកាន់តែរីកចម្រើននៅក្នុងសម័យតេជោដែលកំពុង មានការអភិវឌ្ឍជឿនលឿនយ៉ាងក្រៃលែង ។ លោកជំទាវបន្តថា នៅថ្ងៃខាងមុខនេះ គឺថ្ងៃទី៨ មីនា ជាថ្ងៃខួបលើកទី១០១នៃទិវាអន្តរជាតិនារី ដែលសម្រាប់ឆ្នាំនេះប្រារព្ធធ្វើក្រោមប្រធានបទ «អ្នកម្តាយដ៏ឆ្នើមរបស់ខ្ញុំ» នៅក្នុងឱកាសនោះដែរ លោកជំទាវ និងគណៈប្រតិភូ បានឧបត្ថម្ភដល់នារីទីទ័លក្រចំនួន១១នាក់ ក្នុងម្នាក់ៗទទួលបាន១០ម៉ឺនរៀល និងជូនដល់ប្រធាន-អនុប្រធានសមាគមនារីតាមភូមិ-ឃុំដែលមកចូលរួម ចំនួន៥៧នាក់ ម្នាក់ៗទទួលបានក្រមា១ សារុង១ ប៊ីចេងកន្លះគីឡូក្រាម អាវយឺត១ ថ្នាំពេទ្យប២ន្ទះ ទឹកក្រូច ទឹកបរិសុទ្ធ និងប្រាក់ចំនួន២ម៉ឺនរៀល ៕

No comments:

Subscribe to: Post Comments (Atom)