ផ្សាយថ្ងៃទី០៩-0២-២០១២: ដកស្រងwww.bayontv.com.kh/news
ភ្នំពេញ៖ នេះជាដំណាក់កាលទី ០៣ហើយ ដែលរដ្ឋាភិបាលស៊ុយអ៊ែត
បានផ្ដល់ប្រាក់សម្រាប់គាំទ្រគម្រោងកសាងសមត្ថភាពស្ថាប័នវិទ្យា ស្ថាន
ជាតិស្ថិតិដំណាក់ទី០៣ ដល់មន្ត្រីវិទ្យាស្ថានជាតិស្ថិតិនៃក្រសួងផែនការ
ដែលមានទឹកប្រាក់ប្រមាណ៤,៥លានដុល្លាអាមេរិក ហើយជំនួយនេះ
ត្រូវបានចុះហត្ថលេខាដោយឯកឧត្តម ទេសរដ្ឋមន្ត្រី ឆាយ ថន រដ្ឋមន្ត្រី
ក្រសួងផែនការជាមួយលោកស្ត្រី គ្រីស្ទីណា គូនែល នាយកអង្គការស៊ី
ដា កាលពីរសៀលថ្ងៃទី០៨ ខែកុម្ភៈ ឆ្នាំ២០១២ នៅទីស្ដីការក្រសួង។
គួរបញ្ជាក់ថា ដំណាក់ទី០១ នៃគម្រោងចាប់ផ្ដើមពីថ្ងៃទី០១ ខែកុម្ភៈ
ឆ្នាំ ២០០៦ រហូតដល់ខែមិនា ឆ្នាំ ២០០៩ ។ ដំណាក់កាលទី០២ ចាប់
ផ្ដើមពីថ្ងៃទី០១ ខែមេសា ឆ្នាំ ២០០៩ រហូតដល់ ថ្ងៃទី៣១ ខែធ្នូ ឆ្នាំ
២០១១ ។បច្ចុប្បន្នដំណាក់កាលទី០៣ របស់គម្រោងចាប់ផ្ដើមពីខែ
មករា ឆ្នាំ ២០១២ រហូតដល់ខែធ្នូ ២០១៥ ។ ឯកឧត្តមទេសរដ្ឋមន្ត្រី
ឆាយ ថន មានប្រសាសន៍ថា ដំណាក់កាលទី០៣ នៃគម្រោងនេះ គឺ
ផ្ដោតលើគោលបំណងសំខាន់៣ ដែលនឹងត្រូវសម្រេចអោយបាន។
ទី១/ វិទ្យាស្ថានជាស្ថិតិមានសមត្ថិភាព ក្នុងការបន្ដការផលិតស្ថិតិពីកា
រអង្កេតគ្រួសារដែលរាជរដ្ឋាភិបាល ប្រើប្រាស់សម្រាប់ធ្វើការរៀបចំ
គោលនយោបាយ នឹងយុទ្ធសាស្ត្រនានា ដើម្បីប្រយុទ្ធប្រឆាំង និង
ភាពក្រីក្រ និងតាមដានការអភិវឌ្ឍន៍ ការកាត់បន្ថយភាពក្រីក្រ ។ ទី២
វិទ្យាស្ថានជាស្ថិតិមានសមត្ថិភាព ក្នុងការផលិតគណនេយ្យជាតិ និង
សន្ទស្សន៍ថ្លៃទំនិញប្រើប្រាស់ដែលនឹងត្រូវប្រើប្រាស់ជាប្រភព ផ្លូវការ
ដើម្បីតាមដានអភិវឌ្ឍន៍សេដ្ឋកិច្ច។ទី៣/ វិទ្យាស្ថានជាស្ថិតិ គឺជាស្ថាប័ន
សម្របសម្រួល នៃប្រព័ន្ធស្ថិតិជាតិ របស់ប្រទេសកម្ពុជា នឹងសមត្ថិភាព
គ្រប់គ្រងរួមទាំងរៀប ចំកិច្ចដំណើរការស្ថាប័នប្រកបដោយជំនាញខ្ពស់។
ឯកឧត្តម បានបន្ដទៀតថា ការកសាងសមត្ថភាព ស្ថិតិដល់មន្ត្រីវិទ្យា
ស្ថានជាស្ថិតិ គឺជាយុទ្ធសាស្ត្រដ៏សំខាន់ដែលនឹងមិនអាចខ្វះបាន។
ឯកឧត្តមទេសរដ្ឋមន្ត្រី បានសំដែងនូវការដឹងគុណ ចំពោះរដ្ឋាភិបាល
ស៊ុយអ៊ែត និងស្ថិតិស៊ុយអ៊ែត ដែលបានផ្ដល់នូវហិរញ្ញប្បទានយ៉ាងច្រើន
ដល់ការសាងសមត្ថភាព ស្ថាប័នវិទ្យាស្ថានជាតិស្ថិតិ តាមរយៈគម្រោងដ៏
សំខាន់នេះ បានរួមចំណែកយ៉ាងពិតប្រាកដ ដល់ការអភិវឌ្ឍន៍កម្ពុជា។
គម្រោងនេះ បានគាំទ្រផងដែរ ក្នុងការចងក្រងគណនេយ្យជាតិ និងសន្ទស្សន៍ថ្លៃទំនិញប្រើប្រាស់ដូចជាទិន្នន័យ ស្ដីពីកំណើនផលិតផល
ក្នុងស្រុកសរុប និងអតិផរណា ដែលទិន្នន័យទាំងនេះ មានសារៈសំខាន់
ខ្លាំងណាស់សម្រាប់រាជរដ្ឋាភិបាល និងអ្នកប្រើប្រាស់ទូទៅ៕
No comments:
Post a Comment