វេជ្ជបណ្ឌិតក្លែងក្លាយជាមួយនឹងកំប៉េះគូទប៉ោងធំដែលប្រើសារធាតុស៊ីម៉ង់ និង ជ័រកៅស៊ូប៉ះកង់ចាក់បញ្ចូលត្រូវបានចាប់ខ្លួនសារជាថ្មី
ផ្សាយថ្ងៃទី២៥-១១-២០១១: អន្ដរជាតិដកស្រង cen
ត្រីខ្ទើយដែលរងការចោទប្រកាន់ពីបទចាក់បញ្ចូលអង្គធាតុជ័រកៅស៊ូនិងស៊ីម៉ង់ចូលគូទស្ត្រីរងគ្រោះត្រូវបានប៉ូលិសចាប់ខ្លួនម្តងទៀតបន្ទាប់ពីជនរងគ្រោះទី២ចូលមកប្តឹង ។
ស្ត្រីឈ្មោះ អូនៀល រ៉ុន ម៉ូរីស អាយុ ៣០ ឆ្នាំត្រូវបានចាប់ខ្លួនជាលើកទីពីរក្នុងការចោទប្រកាន់ជាថ្មីមួយទៀត បន្ទាប់ពីស្ត្រីរងគ្រោះម្នាក់ទៀតបានចូលខ្លួនមកអះអាងថាខ្លួនចាញ់បោកដោយករណីឆបោកក្នុងការវះកាត់កែសម្ផស្សដែលមានជាប់ការចោទប្រកាន់នេះដែរ ។
លើកនេះ បុរសម្នាក់ឈ្មោះ ខូរ៉េ អាឡិចសង់ដឺ ប៊ែងស៍ អាយុ ៤០ ឆ្នាំ ក៏ត្រូវបានចាប់ខ្លួន និង រងការចោទប្រកាន់ផងដែរពីបទចូលរួមផ្សំគំនិតជាមួយនាង ម៉ូរីស ដែលបុរសរូបនេះក៏បានយកនូវចំណែកប្រាក់ចំណេញរបស់នាងម៉ូរីសទៅទាំងអស់ផងដែរ ។
ប៉ូលិសនិយាយថា នាងម៉ូរីស ដែលធ្លាប់ត្រូវបានដោះលែងម្តងដោយធ្វើកិច្ចសន្យា និង បុរសឈ្មោះ ប៊ែងស៍ទាំងពីរនាក់ត្រូវបានឃុំខ្លួននៅគុក Miami-Dade County ។ នាងម៉ូរីសត្រូវបានចាប់ខ្លួនជាលើកដំបូងនៅទីក្រុង North Lauderdale ។
នាងត្រូវបានចោទប្រកាន់ពីបទប្រឌិតការព្យាបាលដោយគ្មានអាជ្ញាប័ណ្ណរួមជាមួយនឹងការធ្វើឲ្យរបួសរាងកាយដ៏ធ្ងន់ធ្ងរ បន្ទាប់ពីអ្នកជំងឺម្នាក់បានត្អូញត្អែរថាស្ត្រីខ្ទើយរូបនេះបានចាក់បញ្ចូលសារធាតុស៊ីម៉ង់ និង ជ័រសម្រាប់ប៉ះកង់ចូលក្នុងកំប៉េះគូទរបស់នាង ។
យោងតាមរបាយការណ៍ចាប់ខ្លួនបានឲ្យដឹងថា អ្នកជំងឺរូបនេះបានទៅផ្ទះរបស់នាងម៉ូរីស និង បង់លុយចំនួន ៧០០ ដុល្លារសម្រាប់ការចាក់ថ្នាំ ៦ម្ជុល នៅលើកំប៉េះគូទទាំងសងខាងដើម្បីឲ្យមើលទៅធំជាងមុន និង ស្អាតជាងមុន ៕
No comments:
Post a Comment