ក្មេងស្រីអាយុជាង១ឆ្នាំលង់ទឹកស្លាប់ពេលម្តាយទៅច្រូតស្រូវ
ខេត្តកំពត ៖ ក្មេងស្រីម្នាក់ទើបមានអាយុត្រឹមតែមួយខូបកន្លះបានលង់ទឹកស្លាប់កាលពីវេលាម៉ោង២រសៀលថ្ងៃទី១៧ ធ្នូ ខណៈឪពុកម្តាយមិននៅជាប់ទៅសីុឈ្នួលច្រូតស្រូវឱ្យគេនៅឆ្ងាយពីផ្ទះប្រមាណជា២គីឡូម៉ែត្រ ។
មុនពេលរងគ្រោះគេឃើញមានក្មេងៗអាយុប្រហាក់ប្រហែលគ្នាប្រមាណជាង៤-៥នាក់បាននាំគ្នាដើរចេញពីផ្ទះទៅទិសខាងកើតប្រហែលជា៣០០ម៉ែត្រពីភូមិដែលក្មេងខ្លះក៏ឡើងបេះអម្ពិល ខ្លះក៏ចុះលេងទឹក ក្រោយមកបានត្រឡប់មកផ្ទះវិញ រយៈពេលមួយម៉ោង ក្រោយទើបមានគេឆោឡោថា បាត់ក្មេងស្រីរងគ្រោះ លុះពួកអ្នកភូមិដើររកក៏ឃើញក្មេងស្រីខាងលើស្លាប់ក្នុងទឹកប្រឡាយទៅហើយ ទើបអ្នកភូមិជិះម៉ូតូទៅហៅឪពុកម្តាយដល់ស្រែ។ បើតាមការរៀបរាប់ពីពួកអ្នកភូមិនិយាយថា គ្រួសារនេះក្រីក្រណាស់ ។
ស្ត្រីជាម្តាយកុមារីរងគ្រោះបាននិយាយថា គ្រួសារគាត់ជាគ្រួសារក្រីក្របំផុតក្នុងភូមិមានកូនបីនាក់ ហើយកូនដែលស្លាប់នេះជាកូនទី៣ ។ ការស្លាប់នេះដោយសារគាត់ជាម្តាយមិននៅផ្ទះ ព្រោះជាប់រវល់ទៅស៊ីឈ្នួលច្រូតស្រូវឱ្យគេ ដើម្បីបានលុយផ្គត់ផ្គង់ជីវភាព៕
No comments:
Post a Comment