ជប៉ុនមានបំណងជួយអភិវឌ្ឍន៍វិស័យផ្គត់ផ្គង់ទឹកនៅកម្ពុជា
ភ្នំពេញ៖ ក្នុងការរួមចំណែកអភិវឌ្ឍន៍វិស័យផ្គត់ផ្គង់ទឹកស្អាតនៅកម្ពុជា រាជរដ្ឋា
ភិបាលជប៉ុន តាមរយៈអង្គការ JICA ជាពិសេសជាមួយរដ្ឋាករទឹកទីក្រុង គីតាឃ្យូស៊ូ បានសហការជាមួយកម្ពុជា ក្នុងវិស័យទឹកស្អាតលើផ្នែកកសាងសមត្ថភាពធនធានមនុស្សចំនួន២គ ម្រោង ក្រោមហិរញ្ញប្បទានឥតសំណងពីរដ្ឋាភិបាលជប៉ុន។ គឺគម្រោងកសាងសមត្ថភាពរដ្ឋាករទឹកកម្ពុជា ជំហានទី១ដែលបានអនុវត្តពីឆ្នាំ២០០៣ ដល់២០០៧ ដោយផ្ដោតលើការកសាងសមត្ថភាពធនធានមនុស្សរបស់រដ្ឋាករទឹកក្រុង ភ្នំពេញ លើផ្នែកដំណើរការ និងថែរក្សា និងគម្រោងកសាងសមត្ថភាពធនធានមនុស្ស របស់រដ្ឋាករទឹកសាធារណចំនួន៨ គឺគម្រោងកសាងសមត្ថភាពរដ្ឋាករទឹកនៅកម្ពុជាជំហានទី២ ដោយផ្ដោតលើការកសាងសមត្ថភាពដល់មន្រ្ដីអង្គភាពខេត្តពោធិសាត់ បាត់ដំបង កំពង់ធំ កំពង់ចាម សៀមរាប ស្វាយរៀង កំពត និងខេត្តព្រះសីហនុ លើផ្នែកបច្ចេកទេសរួមមានការត្រួតពិនិត្យគុណភាពទឹក ការដំណើរការ និងថែរក្សាប្រព័ន្ធផលិតកម្ម ការគ្រប់គ្រងប្រព័ន្ធបណ្ដាញ ការដំណើរការ និងថែរក្សាប្រព័ន្ធអគ្គិសនី និងមេកានិច ក្នុងនោះគម្រោងក៏បានជួយដល់ខេត្តទាំង៨ នូវការដាក់បណ្ដាញថ្មីចំនួន១គីឡូម៉ែត្រ ក្នុងមួយខេត្ត ព្រមទាំងជួយនូវសម្ភារៈ សម្រាប់តាមរកទឹកលេចធ្លាយមួយចំនួន ទូបញ្ជាអគ្គិសនីនិងត្រង់ស្វូអគ្គិសនីជាដើម។ គម្រោងនេះ និងបញ្ចប់នៅខែមីនា ឆ្នាំ២០១២ខាងមុខ៕
No comments:
Post a Comment