ខេត្តកំពត ៖ សាឡង់មួយគ្រឿងដែលកន្លងមកម្ចាស់វាបានយកមកសម្រា
ប់ដឹកខ្សាច់ចាក់ ការដ្ឋានសាងសង់កំពង់ផែ ស្ថិតក្នុងភូមិរលួសឃុំបឹងទូក
ស្រុកទឹកឈូ ។ ក្រោយពីចប់ការងារការដ្ឋាន ក៏បានផ្ញើទុកនៅការដ្ឋានមួយរយៈតូចចាំអូសយកទៅប្រទេសវៀតណាមវិញ។ ម្ចាស់សាឡង់ក៏បានជួលប្រជាពលរដ្ឋខ្មែរម្នាក់ឈ្មោះកៅ ស្រ៊ាង ភេទប្រុស អាយុ៤៥ឆ្នាំ មានទីលំនៅ
ភូមិកែបថ្មី ឃុំបឹងទូក ស្រុកទឹកឈូ ខេត្តកំពត ឱ្យជួយយាមដោយឱ្យប្រាក់ឈ្នួលមួយខែ២០០ដុល្លារ ។
តាមសម្តីពីឈ្មោះង្វៀង វាំងឌីប ភេទប្រុស អាយុ៥៧ឆ្នាំ ជនជាតិវៀតណាម ដែលអះអាងខ្លួនថាជាម្ចាស់សាឡង់បានរាយការណ៍ឱ្យនគរបាល ប៉ុស្តិ៍រដ្ឋបាលឃុំបឹងទូកដឹងថា កាលពីយប់ថ្ងៃទី៩ ធ្នូ បានបាត់សាឡង់មួយគ្រឿងដែលទុកនៅការដ្ឋានបូមដី ស្ថិតក្នុងភូមិរលួស ឃុំបឹងទូក ស្រុកទឹកឈូ ខេត្តកំពត ។ សាឡង់ដែលបាត់នេះមានពណ៌ខៀវចាស់ មានបណ្តោយ២០ម៉ែត្រ ទទឹង៧ម៉ែត្រ ជម្រៅ៣ម៉ែត្រ ពាក់ស្លាកលេខ55H.N050 ។
ម្ចាស់សាឡង់រូបនេះបានប្តឹងឱ្យសមត្ថកិច្ច ជួយស្រាវជ្រាវរកមុខសញ្ញាជនសង្ស័យ ដើម្បីចាប់ឃាត់ខ្លួនមកផ្តន្ទាទោសតាមច្បាប់ផងដែរ ។ ក្រោយពីម្ចាស់សាឡង់ដាក់ពាក្យបណ្តឹងឱ្យសមត្ថកិច្ច ជួយស្រាវជ្រាវវែកមុខជនសង្ស័យនោះ ម្ចាស់សាឡង់ក៏បានរាយការណ៍ជូនសមត្ថកិច្ចឱ្យដឹងផងដែរ គឺខ្លួនបានជួលឈ្មោះកៅ ស្រ៊ាង ភេទប្រុស ជាប្រជាពលរដ្ឋរស់នៅភូមិកែបថ្មី ឃុំបឹងទូក ស្រុកទឹកឈូ មុខរបរជាអ្នករត់ម៉ូតូឌុបឱ្យជួយចាំយាមសាឡង់នេះឱ្យខ្លួន ដោយគិតប្រាក់ឈ្នួលក្នុងមួយខែ២០០ដុល្លារ ។ ម្ចាស់សាឡង់បន្តទៀតថា ការទទួលយាមសាឡង់ពីឈ្មោះកៅ ស្រ៊ាង ឱ្យខ្លួននេះពុំទាន់ដល់ខែត្រូវបើកប្រាក់ទេ តែខ្លួនបានប្រគល់ប្រាក់ទៅឈ្មោះ កៅ ស្រ៊ាង ចំនួន២០០ដុល្លារមុន ដើម្បីឱ្យឈ្មោះនេះយកប្រាក់ធ្វើជាមធ្យោបាយបូមទឹកចេញពីសាឡង់ឱ្យ អស់ ទើបខ្លួនជាម្ចាស់សាឡង់ជួលគេអូស
យកទៅផ្ញើនៅស្នាក់ការនគរបាលព្រំដែនទឹកដែលនៅខាងកើត ការដ្ឋាននេះប្រហែលជាង៦០០ម៉ែត្រ ។ តាំងពីប្រគល់ការងារនេះឱ្យឈ្មោះកៅ ស្រ៊ាង ធ្វើ ខ្លួនពុំបានទៅដល់សាឡង់ទេ ដោយខ្លួនជាប់ចេញចូលទៅខេត្តកោះកុង ។ ប៉ុន្តែការប្រគល់ឱ្យឈ្មោះកៅ ស្រ៊ាង បូមទឹកនេះ ខ្លួនចេះតែរង់ចាំមើលថា តើពេលណាគេបូមទឹកចេញពីសាឡង់អស់ ខ្លួននឹងទៅជួលគេអូសមកទុកកន្លែងបូ៉លិសព្រំដែនទឹក ប៉ុន្តែចាំបាត់ៗមួយថ្ងៃហើយមួយថ្ងៃទៀត ឈ្មោះកៅ ស្រ៊ាង នៅតែប្រាប់គាត់ថា មិនបានបូមទេចាំថ្ងៃស្អែករហូត ។ ពេលគាត់មានពេលទំនេរក៏បានទូរស័ព្ទដាស់តឿនឱ្យឈ្មោះកៅ ស្រ៊ាង បូមទឹកចេញពីសាឡង់ឱ្យបានឆាប់ៗរូបគាត់ប្រញាប់ជួលទូកគេអូស មកដាក់កន្លែងផ្សេងទាន់រូបគាត់ឆ្លៀតពេលទំនេរ ។ ស្រាប់តែនៅថ្ងៃទី៩ ធ្នូ វេលាម៉ោង១០ព្រឹក ឈ្មោះកៅ ស្រ៊ាង បានទូរស័ព្ទទៅប្រាប់ខ្លួនជាម្ចាស់សាឡង់នៅខេត្តកោះកុងថា សាឡង់ត្រូវបានចោរលួចបាត់ទៅហើយ ។
ឈ្មោះង្វៀង វាំងឌីប ជាម្ចាស់សាឡង់ ក្រោយពេលឮឈ្មោះកៅ ស្រ៊ាង អ្នកចាំយាមសាឡង់ប្រាប់តាមទូរស័ព្ទដូច្នេះ ខ្លួនក៏មកកាន់ខេត្តកំពត ហើយប្តឹងជនសង្ស័យដើម្បីឃាត់ខ្លួនដោះស្រាយតាមច្បាប់ ។ តាមប្រភពព័ត៌មានពីម្ចាស់សាឡង់បានឱ្យដឹងថា គេបានឃើញសមត្ថកិច្ចប៉ុស្តិ៍កោះហៅអ្នកយាមសាឡង់នោះមក សាកសួរដែរ ប៉ុន្តែពុំទាន់មានប្រភពច្បាស់ការណ៍ពីសមត្ថកិច្ចថា ជនណាជាមុខសញ្ញាឃុបឃិតលួចសាឡង់នោះនៅឡើយទេ ៕ </h3></p>
យកទៅផ្ញើនៅស្នាក់ការនគរបាលព្រំដែនទឹកដែលនៅខាងកើត ការដ្ឋាននេះប្រហែលជាង៦០០ម៉ែត្រ ។ តាំងពីប្រគល់ការងារនេះឱ្យឈ្មោះកៅ ស្រ៊ាង ធ្វើ ខ្លួនពុំបានទៅដល់សាឡង់ទេ ដោយខ្លួនជាប់ចេញចូលទៅខេត្តកោះកុង ។ ប៉ុន្តែការប្រគល់ឱ្យឈ្មោះកៅ ស្រ៊ាង បូមទឹកនេះ ខ្លួនចេះតែរង់ចាំមើលថា តើពេលណាគេបូមទឹកចេញពីសាឡង់អស់ ខ្លួននឹងទៅជួលគេអូសមកទុកកន្លែងបូ៉លិសព្រំដែនទឹក ប៉ុន្តែចាំបាត់ៗមួយថ្ងៃហើយមួយថ្ងៃទៀត ឈ្មោះកៅ ស្រ៊ាង នៅតែប្រាប់គាត់ថា មិនបានបូមទេចាំថ្ងៃស្អែករហូត ។ ពេលគាត់មានពេលទំនេរក៏បានទូរស័ព្ទដាស់តឿនឱ្យឈ្មោះកៅ ស្រ៊ាង បូមទឹកចេញពីសាឡង់ឱ្យបានឆាប់ៗរូបគាត់ប្រញាប់ជួលទូកគេអូស មកដាក់កន្លែងផ្សេងទាន់រូបគាត់ឆ្លៀតពេលទំនេរ ។ ស្រាប់តែនៅថ្ងៃទី៩ ធ្នូ វេលាម៉ោង១០ព្រឹក ឈ្មោះកៅ ស្រ៊ាង បានទូរស័ព្ទទៅប្រាប់ខ្លួនជាម្ចាស់សាឡង់នៅខេត្តកោះកុងថា សាឡង់ត្រូវបានចោរលួចបាត់ទៅហើយ ។
No comments:
Post a Comment