បុគ្គលិករដ្ឋបាលក្រុងបាងកកត្រៀមខ្លួនសម្រាប់ការងារជម្លៀសទឹកជំនន់
ផ្សាយថ្ងៃទី២០-០៩-២០១១: អន្ដរជាតិៈ ដកស្រង postkhmer
ក្រុងបាងកកៈ សាលាក្រុងបាងកកបានត្រៀមបុគ្គលិក និងសម្ភារដើម្បីជួយជម្លៀសអ្នកស្រុកនៅក្នុងសហគមន៍ចំនួន២៧ ខណៈទឹកជំនន់បានមកដល់ កាលពីថ្ងៃចន្ទ។
លោកសាន់យ៉ា ឈីរ៉ានិមិត ប្រធាននាយកដ្ឋានបណ្តាញបង្ហូរទឹកសម្អុយនៃរដ្ឋបាលក្រុងបាងកក (BMA) បាននិយាយថា សហគមន៍ទាំងនេះ ងាយនឹងរងគ្រោះព្រោះវាស្ថិតនៅខាងក្រៅទំនប់ការពារទឹកជំនន់នៅតាមដងទន្លេចៅប្រាយ៉ា។
បុគ្គលិករបស់ BMA នឹងជួយជម្លៀសអ្នកស្រុកប្រសិនបើចាំបាញ់។ BMA មានបាវខ្សាច់៤លាន សម្រាប់ទប់ទល់នឹងទឹកជំនន់។
កម្ពស់ទឹកនៅក្នុងទន្លេចៅប្រាយ៉ា បានចាប់ផ្តើមឡើង ខណៈទឹកជោរកាន់តែខ្លាំង កាលពីរាត្រីថ្ងៃអាទិត្យ។
លោកសាន់យ៉ា បាននិយាយថា ទន្លេនេះត្រូវគេរំពឹងថា នឹងឡើងដល់១,៧៥ម៉ែត្រនៃ នីវ៉ូសមុទ្រមធ្យម ស្ថិតក្នុងរង្វង់សមត្ថភាពរបស់ជញ្ជាំងការពារទឹកជំនន់កម្ពស់២,៥ ម៉ែត្រ។
ទឹកជំនន់ធំនៅខ្សែទឹកខាងលើ បានបង្កទឹកជំនន់កាន់តែអាក្រក់ឡើងក្នុងខេត្តជាច្រើននៅខ្សែទឹកខាងក្រោម ខណៈវាហូរមកពីភាគខាងជើង។
នៅខេត្តផាធុមថានី ទ្វារទឹកជាច្រើន ត្រូវគេបិទដើម្បីកាត់បន្ថយលំហូរទឹកចូលមកក្រុងបាងកក។ នៅខេត្តអាយុធ្យា ទំនប់មួយត្រូវបានគេទប់ជាថ្មី។ នៅខេត្តសុខោទ័យ ភាគច្រើននៃទីប្រជុំជនក្នុងស្រុកមឿង ត្រូវទឹកលិចមួយម៉ែត្រ បន្ទាប់ពីអាងស្តុកទឹកមេម៉ុកខ្សែទឹកខាងលើនៅខេត្ត ឡាំប៉ាង ត្រូវបានបង្ហូរទឹកចេញ។ នៅ កាឡាស៊ីនភ្លៀងធ្លាក់ខ្លាំង ធ្វើឲ្យអាង ស្តុកទឹកឡាំប៉ាវហូរហៀរ៕
No comments:
Post a Comment