សមាគមថែទាំសុខភាពគ្រួសារកម្ពុជា(រ៉ាក់) រៀបចំប្រគុំតន្រ្តី និង កម្មវិធីសំនួរ ចម្លើយ ស្តីពីមេរោគអេដស៍ និង សុខភាព បន្តពូជដល់កម្មករ កម្មការីនីរោងចក្រកាត់ដេរណានគូហ្គាមិន
ផ្សាយថ្ងៃទី០៩-០៤-២០១២: ដកស្រង .bayontv.com.kh
ព្រះសីហនុ៖ ក្រុមការងារអប់រំផ្សព្វផ្សាយសុខភាព តាមរោងចក្រ សហគ្រាស នៃសមាគមថែទាំសុខភាពគ្រួសារកម្ពុជា (រ៉ាក់) រៀបចំការប្រគុំតន្ត្រី និង កម្មវិធីសំនួរចម្លើយស្តីពីមេរោគអេស៍ និង សុខភាពបន្តពូជដល់កម្មករ កម្មការីនីរោងចក្រកាត់ដេរ ណានគូ ហ្គាមិន ស្ថិតនៅឃុំបិតត្រាង ស្រុកព្រៃនប់ ខេត្តព្រះសីហនុ នៅល្ងាចថ្ងៃទី ៨ ខែ មេសា ឆ្នាំ ២០១២ ។លោក សឹង គ័រលីង នាយករោងចក្រកាត់ដេរ ណានគួ ហ្គាមិន បានកោតសរសើរយ៉ាងជ្រាលជ្រៅចំពោះការយកចិត្តទុកដាក់ និង ការគាំទ្រពីណាក់អង្គការ រ៉ាក់ដែលបានចូលរួមយ៉ាងសកម្ម ដើម្បីចូលរួមទប់ស្កាត់ការរីករាលដាលនៃជំងឺអេដស៍ ដែលជាបញ្ហាចំបង ដែលរាជរដ្ឋាភិបាលកំពុងយកចិត្តទុកដាក់។មានប្រសាសន៍ក្នុងពិធីនេះ លោក សរ សំសុធា បានគូសបញ្ជាក់ថា គោលបំណងនៃការរៀបចំអោយមានកម្មវិធីនាពេលនេះ គឺដើម្បីផ្តល់ដំណឹងជាសាធារណៈស្តីពីការអប់រំផ្សព្វផ្សាយអំពី មេរោគអេដស៍និងសុខភាពបន្តពូជនៃសមាគមថែទាំសុខភាពគ្រួសារកម្ពុជា រ៉ាក់ដល់កម្មករ កម្មការីនីនៅតាមរោងចក្រ សហគ្រាស ផ្តល់ឱកាសអោយក្រុមមិត្តអប់រំមិត្តនៅក្នុងរោងចក្របានបង្ហាញខ្លួន អោយគេស្គាល់ក្នុងចំណោមកម្មករទាំងអស់ លើកទឹកចិត្តដល់ពួកគេ ដើម្បីអោយគេ ស្វែងយល់បានច្រើនអំពីបញ្ហានានាដែលទាក់ទងនឹងសុខភាពបន្តពូជ ជំងឺអេស៍ កាមរោគ ការសេពគ្រឿងញៀន ផ្សព្វផ្សាយព័ត៌មានអោយបានជ្រួតជ្រាបក្នុងចំណោមកម្មករ អំពីសេវាកម្មព្យាបាល ព្រមទាំងទីកន្លែងសំរាប់ផ្តល់ប្រឹក្សារកមេរោគ និង រក្សាការសំងាត់ប្រកបដោយប្រសិទ្ធិភាពខ្ពស់ ព្រមទាំងការសំរេចចិត្តនានាដែលមានឥទ្ធិពលល្អលើអនាគតរបស់ពួកគេ ផងដែរ ៕
No comments:
Post a Comment