សមត្ថកិច្ចអះអាងថា អ្នកពុលត្រីកំពតនៅខេត្តកណ្តាល បានធូរស្បើយហើយ
ផ្សាយថ្ងៃទី២៦-០៤-២០១២: ដកស្រង.bayontv.com.kh
ភ្នំពេញ៖ មន្រ្តីនគរបាលបានថ្លែងឲ្យដឹងថា
ភាគច្រើននៃជនរងគ្រោះរស់នៅក្នុងខេត្ត
កណ្តាលដែលពុលដោយសារត្រីកំពត និងដែលបានចូលសម្រាកព្យាបាលក្នុង
មន្ទីរពេទ្យដើម្បីទទួលការសង្រ្គោះបន្ទាន់នោះ
បានធូរស្រាលពីជម្ងឺព្រមទាំងបាន
វិលត្រឡប់ទៅលំនៅដ្ឋានរបស់ពួកគេវិញហើយ
រហូតមកដល់ថ្ងៃព្រហស្បតិ៍នេះ។លោក លន ចន្ថាអធិការរងស្រុកស្អាង ខេត្តកណ្តាល បានមានប្រសាសន៍
នៅព្រឹកថ្ងៃព្រហស្បតិ៍នេះថា
ជនរងគ្រោះដែលបានចេញពីមន្ទីរពេទ្យក្រោយពី
ស្ថានភាពបានធូរស្បើយទាំងនេះ គឺរួមមានលោកណា វណ្ណៈ អាយុ ២៨
ឆ្នាំ និង លោក ខាន់ វិត អាយុ ២៥ ឆ្នាំ និង
ប្អូនប្រុសម្នាក់របស់គាត់ គឺកុមារា ខាន់ សុឃីម អាយុ ១២ ឆ្នាំ ។
សូមបញ្ជាក់ថា កាលពីថ្ងៃអង្គារក្នុងសប្តាហ៍នេះ
ប្រជាពលរដ្ឋចំនួន ០៥ នាក់បានទទួលទានត្រីកំពតជុំគ្នា
បន្ទាប់ពីពួកគេនេសាទនៅបឹងមួយ ក្នុងភូមិពាមសាលាឃុំស្អាង
ស្រុកស្អាង ខេត្តកណ្តាល ហើយសមត្ថកិច្ចបានសន្និដ្ឋានថា
ពួកគេពិតជាពុលត្រីកំពតនោះមែន។ក្នុងចំណោមប្រជាពលរដ្ឋទាំង០៥នាក់ដែលបានទទួលទានត្រីកំពតនោះគឺ
មានម្នាក់បានស្លាប់បាត់បង់ជីវិតនៅឯមន្ទីរពេទ្យឈ្មោះណែម នី
អាយុ ៤៧ ឆ្នាំ រីឯ ០៤ នាក់ផ្សេងទៀត
ក៏ត្រូវបានបញ្ជូនទៅកាន់មន្ទីរពេទ្យដើម្បីទទួលការសង្រ្គោះ
បន្ទាន់ដែរ។លោកលន ចន្ថាបានមានប្រសាសន៍ថា
ជនរងគ្រោះម្នាក់ទៀត គឺលោក ខុន ឃន អាយុ ៣២ ឆ្នាំ
ពេលនះកំពុងស្ថិតនៅក្រោមការព្យាបាលក្នុងមន្ទីរពេទ្យកាល់ម៉ែត្រ
នៃរាជធានីភ្នំពេញនៅឡើយ ហើយលោករំពឹងថា លោកខុន ឃន នឹង
អាចចេញមកផ្ទះសម្បែងវិញនៅល្ងាចថ្ងៃព្រហស្បតិ៍នេះ
ព្រោះជនរងគ្រោះម្នាក់នេះ ក៏បានធូរស្រាលច្រើនដែរ។លោកលន ចន្ថាបានអះអាងថា
កន្លងមកកាលពីពេលកន្លងទៅសមត្ថកិច្ចក៏ធ្លាប់បានណែនាំប្រជាពល
រដ្ឋមានការប្រុងប្រយ័ត្នចំពោះចំណីអាហារ
មុនពេលយកទៅទទួលទានដែរ៕
No comments:
Post a Comment