iREACH kepcommunity: ក្រុមការងារយុវជនគណបក្សប្រជាជនកម្ពុជា ខេត្តកំពតប្រជុំឯកភាពលើការងារសង្កេតការណ៍ការបោះឆ្នោត ឃុំសង្កាត់ ៣ មិថុនា ២០១២

Friday, April 27, 2012

ក្រុមការងារយុវជនគណបក្សប្រជាជនកម្ពុជា ខេត្តកំពតប្រជុំឯកភាពលើការងារសង្កេតការណ៍ការបោះឆ្នោត ឃុំសង្កាត់ ៣ មិថុនា ២០១២

ផ្សាយថ្ងៃទី២៦-០៤-២០១២: ដកស្រងbayontv.com.kh

កំពត៖ ដោយទទួលការឯកភាពរបស់ឯកឧត្តម ខូយ ឃុនហ៊ួរ ប្រធានគណៈកម្មាធិការគណបក្សប្រជាជនកម្ពុជា ខេត្តកំពត ប្រគល់ភារកិច្ច ជាភ្នាក់ងារសង្កេតការគណបក្សគ្រប់ការរិយាល័យបោះឆ្នោតទូទាំង ខេត្តកំពត ក្រុមការងារយុវជនគណបក្សប្រជាជនកម្ពុជាខេត្តកំពត បានអនុវត្តតាមគោលការណ៍ណែនាំពីគណៈឃោសនា ចលនាមហាជន ដែលមានឯកឧត្តម អ៊ឹង ម៉េងហ៊ួរ ជាប្រធានត្រូវបានឯកភាព រៀបចំឯកសារបណ្ដុះបណ្ដាលភ្នាក់ងារសង្កេតការ បោះឆ្នោត ឃុំសង្កាត់ ដែលប្រារព្ធធ្វើនៅថ្ងៃទី០៣ ខែមិថុនា ឆ្នាំ ២០១២នាពេលខាងមុខ។ ក្រុមការងារយុវជនខេត្តក្រុង-ស្រុក ត្រូវបានប្រជុំឯកភាពគ្នា រៀបចំសមាសភាព ដែលត្រូវបណ្ដុះបណ្ដាល មានប្រធាន អនុប្រធាន ខេត្ត ក្រុង ស្រុក ហើយនឹងបញ្ចូលអ្នកដែលបានទទួលការបណ្ដុះបណ្ដាលទៅបណ្ដុះបណ្ដាលសមា ជិកបន្ដនៅមូលដ្ឋាន ដើម្បីយល់ដឹងអំពីរបៀបនៃការបោះឆ្នោតនិតិវិធីផ្សេងៗ នៃការបោះឆ្នោត ។
លោក ហ៊ុន សារពេជ្រ និងលោក ចាន់ សុភា បានឲ្យដឹងថា ក្រុមការងារយុវជនខេត្តត្រូវអនុវត្ត ភារកិច្ចតាមគោលការណ៍ដែលថ្នាក់ដឹកលើបានប្រគល់ និងយកមតិឯកភាពភាគច្រើន ។លោក ហ៊ុន សារពេជ្រ ប្រធានក្រុមការងារ យុវជនខេត្តបានបញ្ជាក់ថា ក្រុមការងារយុវជនទាំងអស់ ត្រូវមានកតញ្ញូតាធម៌ ខន្ដី គុណធម៌ អោយជាប់ជានិច្ចក្នុងខ្លួន ហើយប្រត្តិបត្តិការងារដោយស្មារតី ភ្ញាក់រលឹកខ្ពស់ ទើបជាយុវជនឈានមុខ រឺយុវជនគម្រូល្អ សម្រាប់បម្រើមាតុភូមិ ជួយការងារសង្គម ដោយសេចក្ដី ថ្លៃថ្នូរ មានឧត្តមប្រយោជន៍ល្អប្រពៃ ក្រោមការដឹកនាំ ដ៏ខ្ពង់ខ្ពស់ និងឈ្លៀសវៃបំផុត របស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវកិត្តិព្រឹទ្ធបណ្ឌិត។លោក ហ៊ុន សារពេជ្រ និងលោក ចាន់ សុភា បានបញ្ជាក់ថា យុវជនខេត្តរបស់យើងត្រូវកត់ត្រាទុកក្នុងបេះដូងនូវថ្ងៃបុណ្យ ទាំង៤ របស់គណបក្សដែលសម្រេចបានកន្លងមក។គួរបញ្ជាក់ថា ក្រោយអង្គប្រជុំបានបញ្ចប់ ក្រុមការងារយុវជនបានទទួលទានអាហារសាមគ្គី យ៉ាងរីករាយ៕

No comments:

Subscribe to: Post Comments (Atom)