បុរសជាតិអូស្ដ្រាលីម្នាក់បើកម៉ូតូលឿនដូចហោះបុកខឿនផ្លូវស្លាប់ពេលបញ្ជូនទៅពេទ្យ
ផ្សាយថ្ងៃទី០៣-០៤-២០១២: ដកស្រង nokorwatnews.
ខេត្ដព្រះសីហនុ ៖ បុរសជនជាតិ អូស្ដ្រាលីម្នាក់បើកម៉ូតូយ៉ាងលឿនដូច ហោះ ចៃដន្យអាក្រក់បានទៅបុកខឿនផ្លូវ បណ្ដាលឱ្យដួលបោកក្បាលស្លាប់ ខណៈ បញ្ជូនទៅសង្គ្រោះ នៅវេលាម៉ោង២៣ និង២០នាទី ថ្ងៃទី២ ខែមេសា ឆ្នាំ២០១២ នៅត្រង់ចំណុចមុខធនាគារ UBC ស្ថិត នៅភូមិ១ សង្កាត់លេខ២ ក្រុងព្រះសីហនុ ខេត្ដព្រះសីហនុ ។ តាមមន្ដ្រីនគរបាលបានឱ្យដឹងថា បុរសដែលស្លាប់ខាង
លើមានឈ្មោះ TESFAMIKAELKIDANE អាយុ៦៧ ឆ្នាំ មានសញ្ជាតិអូស្ដ្រាលី ។ តាមសាក្
សីបានឱ្យដឹងថា នៅមុន ពេលកើតហេតុគេបានឃើញជនរងគ្រោះ ជិះម៉ូតូម៉ាកស្ដេបគ្មានស្លាកលេខ បើកពី ទិសខាងលិចមកកើតក៏បុកនឹងទ្រូងថ្នល់ នៅចំណុចខាងលើបណ្ដាលឱ្យបោកក្បាល លើទ្រូងថ្នល់ ។បន្ទាប់មករថយន្ដរបស់មន្ទីរ ព្យាបាល រស្មីកំពង់សោម ក៏បានដឹកយកទៅសង្គ្រោះ ប៉ុន្ដែដោយស្ថានភាពរបួសមានសភាព ធ្ងន់ធ្ងរពេក គេក៏បានដឹកទៅកាន់មន្ទីរ ពេទ្យបង្អែកខេត្ដព្រះសីហនុ (ចំការចេក) ហើយជនរងគ្រោះក៏បានដាច់ខ្យល់ស្លាប់ នៅតាមផ្លូវ ពេលរថយន្ដដឹកមិនទាន់ ដល់មន្ទីរពេទ្យផងនោះ ។ ម៉ូតូរបស់ជន រងគ្រោះត្រូវបានសមត្ថកិច្ចយកទៅរក្សា ទុកនៅការិយាល័យនគរបាលចរាចរណ៍ ផ្លូវគោកនៃស្នងការដ្ឋាននគរបាលខេត្ដ ព្រះសីហនុ ។ បញ្ហាគ្រោះថ្នាក់ខាងលើ ត្រូវបាននគរបាលអះអាងថា បណ្ដាល មកពីបើកបរខ្វះការប្រុងប្រយ័ត្ន ទើបធ្វើ ឱ្យគ្រោះថ្នាក់ដល់ជីវិត ។គួររំលឹកថា កន្លងមកនៅទឹកដីត្ដ ព្រះសីហនុ គឺតែងតែមានគ្រោះថ្នាក់ ចរាចរជាញឹកញាប់ហើយមួយចំនួនធំ កើតចេញពីជនបរទេស ជាពិសេសគឺ ពួកស្បែកស ដោយប្រើល្បឿននៃការ បើកបរលឿនហួសច្បាប់បានកំណត់ និង មួយចំនួនទៀតដោយសារតែការផឹកស៊ី បាត់បង់ស្មារតីក្នុងការបើកផងដែរ ៕
No comments:
Post a Comment