Friday, February 3, 2012
ក្រុមហ៊ុនស្ថាបនាកំណាត់ផ្លូវលេខ៣៣លក-កំពង់ត្រាចពេលធ្វើផ្លូវមិនបានចាក់ទឹកបង្កការលំបាកដល់អ្នកដំណើរ
ផ្សាយថ្ងៃទី០២-០២-២០១២: ដកស្រង kpt-news.com
កំពត ៖ កំណាត់ផ្លូវលេខ៣៣ពីទីរួមស្រុកកំពង់ត្រាចទៅកាន់
តំបន់ព្រំដែលលក -ព្រែកចាក ឥឡូវចាប់ស្ថាបនាបានប្រមាណ
២០ភាគរយហើយ តែពេលថ្មីៗនេះក៏ត្រូវមានការរិះគន់ពីសំណាក់ប្រជាពលរដ្ឋក៏ដូច ជាអ្នកធ្វើដំណើរគ្រប់រូបផងដែរ ដោយសា
រក្រុមហ៊ុនទទួលម៉ៅការសាងសង់ផ្លូវនេះមិនបានចាក់ទឹកតាម
គោល ការណ៍នៃការស្ថាបនា បណ្តាលឱ្យផ្លូវដែលមានចំងាយជាង១៥គីឡូម៉ែត្រនេះមាន
សភាពហុយ ទ្រលោម ហើយក៏បានធ្វើឱ្យអ្នកដំណើរផងទាំងពួងជួបការលំបាក ជាពិសេស
ក៏បានបណ្តាលឱ្យប្រជាពលរដ្ឋដែលមានលំនៅដ្ឋានអមសងខាងផ្លូវ ទាំងអម្បាលម៉ានជួប
បញ្ហាផ្នែកសុខភាពផងដែរ។ អ្នកដំណើរជាច្រើនដែលរស់នៅក្នុងតំបន់កំពុងស្ថាបនាផ្លូវ
ខាងលើបាន និយាយថា កាលពីធ្វើផ្លូវលើកដំបូងគេឃើញអ្នកម៉ៅការធ្វើផ្លូវនេះ យក
រថយន្តបាញ់ទឹកបន្សើមដីដើម្បីជាភាពងាយស្រួលដល់ការធ្វើដំណើររបស់ មហាជន
ប៉ុន្តែរហូតមកទល់នឹងពេលនេះមិនដឹងជាយ៉ាងម៉េចស្រាប់តែមិនដែលឃើញ រថយន្ត
បាញ់ទឹកមានវត្តមាននៅលើផ្លូវដែលកំពុងស្ថាបនានេះ ទៀតឡើយ។ប្រភពពីអ្នកដំ
ណើរក៏បានប្រាប់ទៀតថា ក្នុងរយៈពេលមួយថ្ងៃពេញគឺគេឃើញរថយន្តដឹកជញ្ជូន
អាចម៍ដីសុទ្ធតែ ធុនធំៗបើកបរទៅមកបន្តកន្ទុយគ្នា ដោយបានបង្កបញ្ហាគ្រប់ពេល
វេលា ព្រោះពេលនេះជារដូវរាំងស្ងួតមិនមានភ្លៀងធ្លាក់ទើបធ្វើឱ្យដងផ្លូវ លេខ៣៣
នេះត្រូវគ្របដណ្តប់ទៅដោយធូលីដីហុយទ្រលោមរកមើលអ្វីក៏មិនឃើញ ដែរ។
ចំពោះបញ្ហានេះអ្នកមានលំនៅដ្ឋានស្របតាមផ្លូវ៣៣នឹងត្រូវប្រឈម ភាពលំបាក
ខ្លាំងពីបញ្ហាសុខភាពនិងករណីគ្រោះថ្នាក់ចរាចរផងដែរ។ពាក់ព័ន្ធនឹងការស្ថាបនា
ផ្លូវលេខ៣៣នេះដែរ គេបានដឹងថា កន្លងមកអាជ្ញាធរដែនដីក៏បានកោះហៅអ្នក
បើកបររថយន្តដឹកដីទាំងអស់ដើម្បី អប់រំណែនាំ កុំឱ្យបើកបរលឿនក្នុងទីប្រជុំជន
ថែមទាំងបានជូនដំណឹងដល់អ្នកម៉ៅការស្ថាបនាផ្លូវនេះលៃលកបាញ់ទឹក ជៀស
វាងមានបញ្ហាដីហុយបង្កការលំបាកដល់អ្នកដំណើរផងនិងជួយទ្រទ្រង់ សុខភាព
ប្រជាពលរដ្ឋដែលរស់នៅក្នុងតំបន់នេះផង។តែនៅពេលចាប់ផ្តើម ដំណើរការធ្វើ
ផ្លូវកាលណា គឺអនុវត្តយករថយន្តបាញ់ទឹកជួយបង្ហាប់តែដំបូងលុះយូរៗទៅបែរ
ជាភ្លេច ការណែនាំពីសំណាក់អាជ្ញាធរហើយបង្កភាពស្មុគស្មាញកាន់តែទ្វេរឡើង
ហាក់មានចេតនាចង់កេងចំណេញពីការស្ថាបនាផ្លូវលេខ៣៣ឱ្យបានកាន់តែច្រើន
បើនិយាយឱ្យចំ ចំណេញផ្នែកម៉ៅការធ្វើផ្លូវមួយចំណែកហើយកេងចំណេញពីការ
ចំណាយជួល រថយន្តសំរាប់បាញ់ទឹកមួយចំណែកផងដែរ៕
Subscribe to:
Post Comments (Atom)
No comments:
Post a Comment