ផ្សាយថ្ងៃទី០២-០២-២០១២: ដកស្រងkpt-news.com
តាកែវ ៖ មន្ត្រីរដ្ឋបាលជលផលខេត្តតាកែវធ្វើការឃាត់ខ្លួន
យុវជនវ័យ១៩ឆ្នាំ ម្នាក់បញ្ជូនមកកាន់ការិយាល័យរដ្ឋបាល
ជលផលខេត្តពីបទទន្ទ្រានដី ព្រៃលិចទឹកដែលជាជម្រកមច្ឆ
ជាតិហើយក៏ជាតំបន់ហាមឃាត់របស់ មន្ត្រីជំនាញ។ លោក គឹមសារិទ្ធ
ប្រធានការិយាល័យរដ្ឋបាលជលផលខេត្តតាកែវបានឲ្យដឹងថា ជន
សង្ស័យដែលបានឃាតខ្លួននោះមានឈ្មោះ កយ កាំងភេទប្រុស
អាយុ១៩ឆ្នាំ រស់នៅភូមិ ព្រៃតាផ ឃុំ គោកធ្លក ស្រុក អង្គបូរី ខេត្ត
តាកែវ ហើយជនសង្ស័យរូបនេះត្រូវបានឃាត់ខ្លួនកាលពីវេលាម៉ោង៩និង៤០នាទីព្រឹក ថ្ងៃទី ៣១ ខែ មករា ឆ្នាំ ២០១២ នៅចំណុច
ជាប់ខាងកើតបឹងឡុងញ៉ង ស្ថិតនៅក្នុងឃុំ បូរីជលសារ។ ក្នុងករណី
ខាងលើនេះមន្ត្រីរដ្ឋបាលជលផលម្នាក់គាត់បាននិយាយថា ជន
សង្ស័យខាងលើទន្ទ្រានព្រៃលិចទឹកជាតំបន់ហាមឃាត់ ចំនួនផ្ទៃដី
៦ហិកតា ដើម្បីយកមកធ្វើកម្មសិទ្ធិរបស់ខ្លួន។ បើតាមការអះអាង
របស់បងស្រីសាច់ញាតិជនសង្ស័យខាងលើគាត់និយាយរៀបរាប់
ប្រាប់កម្ពុជាថ្មីកាលពីព្រឹកថ្ងៃទី ១ ខែ កុម្ភៈ ឆ្នាំ ២០១២ថា ជនសង្ស័យ
ខាងលើមិនមែនជាអ្នកទន្ទ្រានដីនោះទេ គ្រាន់តែជាអ្នកចាំរោងដី
ស្រែនោះឲ្យបងប្អូនសាច់ញាតិតែប៉ុណ្ណោះតែ សំណាងអាក្រក់ត្រូវ
បានកម្លាំងរដ្ឋបាលជលផលចុះដើរជួបនៅកន្លែងនោះ ក៏បានធ្វើ
ការឃាត់ខ្លួនតែម្ដង៕
No comments:
Post a Comment