ផ្សាយថ្ងៃទី០២-០២-២០១២: ដកស្រងkpt-news.com
កែប ៖ ស្ត្រីម្នាក់ខណៈពេលបើកម៉ូតូទៅដឹកកូន
ត្រឡប់មកពីសាលារៀនវិញ ស្រាប់តែមកជួប
ហេតុការណ៍អាក្រក់ដោយសារជិះម៉ូតូបុកនឹង
ដុំថ្មនៅ ពាក់កណ្តាលទ្រូងផ្លូវ ដែលជ្រុះពីរថយន្ត បណ្តាលឱ្យម៉ូតូ
ដួលច្រងាប់ច្រងិលបង្កទៅជាគ្រោះថ្នាក់យ៉ាងធ្ងន់ ធ្ងរមកលើកូន
ស្រីដែលមានអាយុ៥ឆ្នាំ។ ហេតុការណ៍នេះបានកើតឡើង
កាលពីព្រឹកថ្ងៃទី០១ខែកុម្ភៈ ឆ្នាំ២០១២វេលាម៉ោង១១និង១៣
នាទីត្រង់ចំណុចផ្លូវលេខ៣៣អាខាងត្បូងមន្ទីរ គណបក្សប្រជាជន
ខេត្តកែបចំងាយប្រហែលជាង១០០ម៉ែត្រ ស្ថិតក្នុងភូមិ-សង្កាត់កែប
ក្រុង-ខេត្តកែប។សាក្សីដែលឃើញហេតុការណ៍នេះបាននិយាយថា
មុនពេលជួបឧបទ្ទវហេតុខាងលើគេឃើញស្ត្រីម្នាក់ដែលគេស្គាល់
ឈ្មោះ ឆៃលី អាយុប្រមាណ៣០ឆ្នាំបានបើកម៉ូតូមួយគ្រឿងម៉ាក
សេ១២៥ពណ៌ខ្មៅមកពីជើង ដោយមានដឹកកូនស្រីតូចម្នាក់ផងដែរ
លុះមកដល់ចំណុចគ្រោះថ្នាក់មិនដឹង ជាដូចម្តេចស្រាប់តែទៅបុកថ្ម
មួយដុំដែលរថយន្តដឹកហើយជ្រុះនៅ កណ្តាលផ្លូវបណ្តាលឱ្យគាត់
ដួលច្រងាប់ច្រងឹលហើយខណៈនោះកូនស្រី របស់គាត់បានបោក
ផ្ទប់ទៅនឹងថ្នល់រងរបួសផ្នែកខាងក្បាលយ៉ាងខ្លាំង ហើយត្រូវបាន
អ្នកដំណើរជួយដឹកតាមរថយន្តយកទៅសង្គ្រោះក្នុង មន្ទីរពេទ្យប
ផ្អែកខេត្តកែបភ្លាមៗផងដែរ។\សាក្សីដដែលបានបញ្ជាក់ទៀតថា
នៅពេលមានករណីគ្រោះថ្នាក់នេះ ក៍មិនបានរំខានដល់សមត្ថកិច្ច
ណាឡើយ ព្រោះក្រោយពេលកើតហេតុក្រុមគ្រួសាររបស់ក្មេងស្រី
រងគ្រោះ ក៏បានម្នីម្នានាំកូនទៅព្យាបាលនៅឯមន្ទីរពេទ្យភ្លាមៗ ថែម
ទាំងនាំយកម៉ូតូទៅឱ្យជាងជួសជុលផងដែរ។
ចំពោះហេតុការណ៍ដែលបានកើតឡើងខាងលើ មហាជនបានលើក
ឡើងថាគឺកើតឡើងព្រោះតែការបើកបរប្រហែសដោយមិនបាន
ពិនិត្យមើលឧបសគ្គនៅខាងមុខ។ជាមួយនេះរថយន្តដែលតែងតែ
ដឹកជញ្ជូនដីឬថ្ម ឆ្លងកាត់តាមដងផ្លូវជាតិហើយធ្វើឱ្យជ្រុះរប៉ាត់រប៉ាយ
នៅលើផ្លូវនោះ សមត្ថកិច្ចពាក់ព័ន្ធល្មមដល់ពេលដុះក្អែលស្រឿសសៃ
ពួកគេចេញម្តងហើយ ព្រោះនៅពេលថ្មីនេះគេឃើញញឹកញាប់ណាស់
ពេលដឹកជញ្ជូនគ្រួស-ដុំថ្មឬ ដីម្តងៗតែងតែកំពប់ធ្លាក់ពាស់ពេញទ្រូងផ្លូវនោះ៕
No comments:
Post a Comment