ផ្សាយថ្ងៃទី០២-០២-២០១២: ដកស្រង kpt-news.com
កំពត ៖ ប្រជាពលរដ្ឋប្រមាណជាង១៥០គ្រួសារ
រស់នៅក្នុងភូមិចំនួនពីរគឺភូមិ ស្នាំប្រាំពីរ និងភូមិ
ម៉ាក់ប្រាង្គ ឃុំកំពង់ក្រែង ស្រុកទឹកឈូ ខេត្តកំពត
បានបញ្ចេញប្រតិកម្មយ៉ាងខ្លាំងចំពោះសាឡង់បូមខ្សាច់ធ្វើឲ្យបាក់
ច្រាំងប៉ះពាល់ផ្លូវដើររបស់ពួកគាត់ និងធ្វើឲ្យប៉ះពាល់ផលដំណាំ
រួមទាំងផ្ទះសំបែង ប្រសិនបើសាឡង់បូមខ្សាច់បន្តដំណើរការបូម
ខ្សាច់នៅកន្លែង ដដែលមិនព្រមប្ដូរទីតាំង។ ទាក់ទិននឹងការបូម
ខ្សាច់ខាងលើកម្ពុជាថ្មីបានជួបជាមួយអ៊ុំ ស្រីម្នាក់ឈ្មោះឡុង ចាន់
អូនអាយុ៥៨ឆ្នាំនៅភូមិម៉ាក់ប្រាង្គ ឃុំកំពង់ក្រែង ស្រុកទឹកឈូ ខេត្ត
កំពត បានប្រាប់ឲ្យកម្ពុជាថ្មីដឹងនៅកន្លែងបូមខ្សាច់នោះថា ពួកគាត់
មិនហាមឃាត់ក្នុងការបូមនោះទេ ប៉ុន្តែការបូខ្សាច់នេះគឺពួកឈ្មួញ
បានបូមតែមួយកន្លែងបណ្តាល ឲ្យបាក់ច្រាំងយ៉ាងខ្លាំងបង្កផលប៉ះ
ពាល់ដល់ផ្លូវដើរទាំងស្រុង និងឈានដល់ប៉ះពាល់ផលដំណាំជា
បន្តបន្ទាប់រហូតដល់ផ្ទះសំបែងមិន ខានឡើយ។
អ៊ុំប្រុសម្នាក់ទៀតឈ្មោះតិន ម៉ាត់លីក៏បានបញ្ជាក់ប្រាប់ទាំងប្រតិ
កម្មយ៉ាងខ្លាំងថាពួកឈ្មួញ នេះពេលបូមបាក់ច្រាំងរហូតដល់ផ្លូវ
ហើយ ពួកគាត់ទាំងអស់គ្នាបានស្រែកឲ្យឈប់បូមខ្លាចក្រែងបាក់
ផ្លូវ ប៉ុន្តែខាងក្រុមហ៊ុននាំគ្នាស្រែកតបវិញថាបាក់ៗទៅមិនមែន
ផ្លូវរបស់គេទេ! បើចង់តវ៉ាទៅតវ៉ានៅខេត្តចុះ ព្រោះក្រុមហ៊ុនមាន
ច្បាប់បូមខ្សាច់ត្រឹមត្រូវ។
ពលរដ្ឋទាំងពីរភូមិបានបញ្ជាក់ប្រាប់ឲ្យដឹងទៀតថាពួកគេទាំងអស់
គ្នាបានធ្វើលិខិតផ្ដិតមេដៃទៅឲ្យអាជ្ញាធរខេត្តជួយអន្ដរាគមន៍ បញ្ឈប់
ការបូមខ្សាច់របៀបនេះទៀត បើពុំដូច្នេះផ្លូវដែលពួកគាត់ទាំងអស់គ្នា
បានកសាងឡើងនេះមុខជា ត្រូវគេបូមខ្សាច់បំផ្លាញរហូតដល់លំនៅ
ដ្ឋានមិនខាន់នោះទេ។ទាក់ទិនការបូមខ្សាច់ដែលធ្វើឲ្យមានការប៉ះ
ពាល់យ៉ាងខ្លាំងដូចជា ការបាក់ច្រាំងនិងបំផ្លាញផ្លូវលំនៅដ្ឋានរបស់
ពួកគាត់នោះកម្ពុជា ថ្មីបានជួបជាមួយលោកសោម វិចិត្រ ប្រធានមន្ទីរឧស្សាហកម្ម រ៉ែនិងថាមពលខេត្តកំពត បានបញ្ជាក់ឲ្យដឹងថាការបូមខ្សាច់
នេះគេមានអាជ្ញាប័ណ្ណត្រឹមត្រូវ ពីក្រសួងប៉ុន្តែការប៉ះពាល់យ៉ាងណា
នោះមន្ត្រីបានចុះទៅកំណត់និង បោះពោងឲ្យបូមតាមការកំណត់ហើយ។
No comments:
Post a Comment