ផ្សាយថ្ងៃទី០២-០២-២០១២: ដកស្រងkohsantepheapdaily.com.kh
ខេត្តព្រះសីហនុ ៖ រថយន្តដឹកដីធុនធំមួយ
គ្រឿងបានរេចង្កូតធ្លាក់ជ្រោះមួយកន្លែង
ជម្រៅ៥០ ម៉ែត្រ កាលពីវេលាម៉ោង៣និង
៤៥នាទីរសៀលថ្ងៃទី១ កុម្ភៈ ២០១២ នៅចំណុចចំណោទលោកយាយ
ម៉ៅ ស្ថិតក្នុងក្រុមទី១៥ ភូមិ៣ សង្កាត់លេខ១ ក្រុងព្រះសីហនុ តែមិន
បណ្តាលឱ្យនរណាម្នាក់។យោងតាមប្រភពពីសមត្ថកិច្ចបានឱ្យដឹងថា រថយន្តដែលធ្លាក់ជ្រោះដោយខ្លួនឯងនេះម៉ាកហុីយ៉ាន់ដាយ ពណ៌
សជាកម្មសិទ្ធរបស់ថៅកែឈ្មោះស៊ុយ ងួន បើកបរដោយឈ្មោះវង់
ណយភេទប្រុសអាយុ២៥ឆ្នាំ រងរបួស រួមជាមួយព្រូម្នាក់ទៀតឈ្មោះ
តូច ណុប ភេទប្រុស អាយុ១៨ឆ្នាំ រស់នៅខេត្តព្រះសីហនុ។ តាមសា
ក្សីនៅក្បែរកន្លែងកើតហេតុបាននិយាយថា មុនពេលកើតហេតុគេ
បានឃើញរថយន្តដឹកដីមួយគ្រឿងបើកចុះ ចំណោទចូលក្រុងព្រះ
សីហនុ ពីកើតទៅលិច ខណៈមកដល់ចំណុចកើតហេតុមិនដឹងជា
យ៉ាងម៉េច ស្រាប់តែឃើញរថយន្តរេចង្កូតហោះផ្លោងធ្លាក់ចូលទៅ
ក្នុង ជ្រោះជម្រៅប្រមាណ៥០ម៉ែត្រ។ លុះមួយសន្ទុះក្រោយមក
ឃើញជនរងគ្រោះម្នាក់ក្នុងចំណោម២នាក់បានរងរបួស ឯម្នាក់ទៀតដែលជាព្រូឡាននោះពុំមានគ្រោះថ្នាក់អ្វីនោះទេ។នេះ
ពិតជាមហាសំណាងមែន ព្រោះបើយើងពិនិត្យមើលពីស្ថានភាព
រថយន្តធ្លាក់ក្នុងជ្រោះ នោះមនុស្សនៅក្នុងរថយន្តពិតជាគ្រោះថ្នាក់
ដល់ជីវិតជាក់ជាមិនខាន។តាមសម្ដីអ្នកបើកបរបាននិយាយថា
មូលហេតុដែលរថយន្តរបស់ខ្លួនបើកធ្លាក់ក្នុងជ្រោះនេះគឺបណ្តាល
មកពីគាំងចង្កូត និងដាច់ហ្វ្រាំង៕
No comments:
Post a Comment