ផ្សាយថ្ងៃទី0២-០២-២០១២: ដកស្រង www.nokorwatcenter.com
ខេត្ដតាកែវ ៖ ប្រជាពលរដ្ឋ
ប្រមាណ ជាង២០០គ្រួសារ
មកពីស្រុកចំនួន២គឺ ស្រុក
ព្រៃកប្បាស និងស្រុកអង្គរ
បូរីបាន ចោទលោកមេឃុំ
គោកធ្លក និងបក្ខពួក ថា បានបង្ខំឱ្យពួកគាត់បង់ពន្ធដីស្រែ ប្រាំងក្នុង
មួួយហិកតា១២០.០០០រៀល បើពុំដូច្នេះទេ មន្ដ្រីជលផលសង្កាត់បូរី
ជលសារនឹងចុះមករឹបអូសស្រូវពូជដុត រោងចាំស្រែ ប្រមូលយកសម្ភារ
ផ្សេងៗ និងចាប់យកម្ចាស់ស្រែទៅព្រមាននិង ផាកពិន័យទៀតផង។
តាមសម្ដីប្រជាពលរដ្ឋជាច្រើនរូប រស់នៅភូមិបាក់ដៃដែលសុំមិនបញ្ចេញ ឈ្មោះបាន
ឱ្យនគរវត្ដដឹងថា កន្លងមកពួក គាត់បានបង់ពន្ធលើដីស្រែតាមរយៈ លោកមេភូមិបាក់
ដៃឈ្មោះឆែប ក្នុង១ ហិកតា១២០.០០០រៀល ពេលប្រមូល លុយ លោកឆែប ជាប្រធាន
ភូមិបាន ប្រាប់ប្រជាជនថា លោកធ្វើតាមបញ្ជា របស់មេឃុំគោកធ្លកឈ្មោះហ៊ឹម សុះ
ហើយបើប្រជាពលរដ្ឋណាមិនព្រមបង់ ពន្ធទេ បើមន្ដ្រីជលផលចុះចាប់លោកមេឃុំ មិិនទទួលខុសត្រូវដោះស្រាយឡើយ។លោកឆែប មេភូមិបាក់ដៃបានប្រាប់ នគរវត្ដតាមរយៈទូរស័ព្ទថា កាលពីឆ្នាំ ២០១១ លោកបានទទួលបញ្ជាពីលោក ហ៊ឹម សុខ មេឃុំគោកធ្លកឱ្យដើរប្រមូល លុយពីប្រជាពលរដ្ឋដែលធ្វើស្រែនៅ ទីនោះពិតប្រាកដមែន។ លោកឆែប បាន បន្ដទៀតថា ហេតុផលដែលលោកដើរ ប្រមូលលុយដីនេះ បណ្ដាលមកពីដីតំបន់ នោះជាដីហាមឃាត់ ព្រោះរាជរដ្ឋា ភិបាលបានប្រកាសដីនៅតំបន់ប្រឡាយ សូន្យពីរក្នុងស្រុកអង្គរបូរីជាប់ព្រំប្រទល់ ស្រុកបូរីជលសារដែលជាតំបន់អភិរក្ស ដើម្បីទុកឱ្យស្មៅត្រែងព្រៃលិចទឹកដុះ សម្រាប់ជាជម្រកត្រី មិនឱ្យមានការរុក រានធ្វើស្រែទេ។
ទោះបីជាយ៉ាងណាក៏ដោយ ក៏ពលរដ្ឋ នៅតែចោទលោកមេឃុំគោកធ្លកថា បើរដ្ឋាភិបាលហាមឃាត់ដីក្នុងតំបន់នេះ មែន ហេតុអ្វីលោកមេឃុំជួលដីក្នុងតំបន់ ហាមឃាត់នេះឱ្យទៅជនជាតិវៀតណាម រាប់សិបហិកតា ក្រៅពីនោះនៅមានខ្សែ ស្រឡាយមួយចំនួនទៀតមានសិទ្ធិធ្វើស្រែ លើដីទាំងនេះរាប់ពាន់ហិកតាតាមទំនើង ចិត្ដ ដោយគ្មានការហាមឃាត់យ៉ាង ដូច្នេះ។ ប្រជាពលរដ្ឋបានបន្ដដោយប្រៀប ធៀបថា បើដីនោះជាតំបន់ហាមឃាត់ ហើយប្រជាពលរដ្ឋដែលចូលទៅធ្វើស្រែ នៅទីនោះ ត្រូវមានទោស លោកមេឃុំ គោកធ្លកក៏ត្រូវមានទោសដូចគ្នាដែរ ព្រោះលោកបានបើកដៃឱ្យក្រុមជនជាតិ វៀតណាមជួលដីនោះធ្វើស្រែយ៉ាងច្រើន សន្ធឹកសន្ធាប់ជាងពលរដ្ឋខ្មែរទៅទៀត។
ប្រភពពីប្រជាពលរដ្ឋបានប្រាប់ឱ្យ ដឹង ថា ឆ្នាំ២០១២នេះ លោកមេឃុំហ៊ឹម សុះ មិនបានប្រើលោកឆែប ឱ្យដើរប្រមូល ទៀតទេ គឺលោកចាត់តាំងតំណាងថ្មីមួយ ទៀត គឺបានវ៉ាតឱ្យដើរប្រមូលលុយថ្លៃ ធ្វើស្រែលើដីហាមឃាត់វិញម្ដង។ តែ ដោយសារបែករឿងពុករលួយចេញមក ក្រៅ លោកមេឃុំក៏ផ្អាកដំណើរការប្រមូល លុយវិញហើយកាលពីពេលថ្មីៗនេះ លោកមេឃុំបានប្រើមនុស្សឱ្យដើរស៊ើប ការណ៍រកមុខអ្នកណាដែលធ្វើឱ្យរឿងពុក រលួយដ៏សម្ងាត់នេះធ្លាយចេញទៅក្រៅ។ បុរសចំណាស់ម្នាក់បានប្រាប់ថា នៅ ថ្ងៃទី៣១ ខែមករា ឆ្នាំ២០១២ លោកមេ ឃុំនិងក្រុមជលផលសង្កាត់បូរីជលសារបានចុះទៅចាប់កូនប្រជាពលរដ្ឋ ម្នាក់ដែល មានឪពុកឈ្មោះកែវ រស់នៅភូមិព្រែក តាផ ឃុំគោកធ្លក ស្រុកអង្គរបូរី ខេត្ដ តាកែវ ពីបទញុះញង់បះបោរ និងបាន បង្ខំឱ្យឆ្លើយសារភាពគ្រប់បែបយ៉ាង។ បច្ចុប្បន្នបុរសម្នាក់ដែលត្រូវគេចាប់ខ្លួននោះ ត្រូវនាយខណ្ឌជលផលខេត្ដតាកែវឃុំខ្លួន ដែលតាមការពិតពួកគេគ្រាន់តែជំទាស់ ទៅនឹងការប្រមូលលុយពន្ធដីលើការធ្វើ ស្រែក្នុងតំបន់នោះប៉ុណ្ណោះ។
លោកឆែប ប្រធានភូមិបាក់ដៃបាន ខ្សឹបប្រាប់ប្រជាពលរដ្ឋថា លុយដ៏ច្រើន សន្ធឹកសន្ធាប់នេះ ប្រមូលទៅឱ្យលោក គឹម សារឹទ្ធ នាយខណ្ឌជលផលខេត្ដ បើ មិនឱ្យទេ ពួកយើងធ្វើស្រែមិនបានទេ។ រីឯលោកវ៉ាត តំណាង របស់លោកហ៊ឹម សុះ មេឃុំគោកធ្លក បានឱ្យដឹងថាថ្មីៗ នេះលោកដើរប្រមូលបានលុយរាប់ លានរៀលហើយ តែដោយសភាពការណ៍ មិនស្រួល ព្រោះលោកមេឃុំចង់ទម្លាក់ កំហុសនេះដាក់គាត់ លោក វ៉ាត ក៏សង លុយទាំងនោះទៅប្រជាពលរដ្ឋវិញ ដោយ និយាយថា ពួកយើងធ្វើស្រែឆ្នាំនេះ ប្រហែលជាមិនបានសុខទេ ព្រោះលុយ ដែលគេបង្ខំទារនោះ ឥឡូវគេមិនយក ទេ ហើយឱ្យសងត្រឡប់មកវិញ។
លោកហ៊ឹម សុះ មេឃុំគោកធ្លក បាន ឱ្យដឹងថា លោកពុំមានពាក់ព័ន្ធរឿងនេះ ទេ ប៉ុន្ដែលោកមិនធ្វើអត្ថាធិប្បាយតប ទៅនឹងការចោទប្រកាន់ថា តើលុយដែល លោកមេភូមិបាក់ដៃប្រមូលឱ្យលោក មេឃុំយ៉ាងច្រើនសន្ធឹកស្ធាប់នោះ លោក មេឃុំយកទៅណាទេ។
ប្រជាពលរដ្ឋបានប្រាប់ឱ្យដឹងថា ដី ដែលអាចធ្វើស្រែប្រាំងបានក្នុងតំបន់នោះ មានប្រមាណ៣.០០០ហិកតា ជាប់ព្រំ ប្រទល់ស្រុក២ គឺស្រុកព្រៃកប្បាសនិង ស្រុកអង្គរបូរី។ ចំណែកដីដែលប្រជាពល រដ្ឋចូលទៅធ្វើស្រែ ហើយត្រូវបង់ពន្ធឱ្យ លោកមេឃុំ១២ម៉ឺនរៀលក្នុង១ហិកតា ក្នុង១ឆ្នាំនោះ មានប្រមាណ១.៥០០ ហិកតា ក្រៅពីនេះ គឺគេជួលទៅឱ្យជន ជាតិវៀតណាមចូលទៅធ្វើស្រែក្នុងតម្លៃ ប្រហាក់ប្រហេលគ្នា។
អភិបាលស្រុកព្រៃកប្បាសលោក ឈាវ ហ៊ បានឱ្យនគរវត្ដដឹងថា រឿងទារ លុយពីប្រជាពលរដ្ឋនេះ លោកមិនដឹងទេ ហើយលោកក៏ធ្លាប់បានហៅលោកមេឃុំ មសួរដែរ តែលោកមេឃុំបានបដិសេធ មិនទទួលស្គាល់ ចំណែកថ្នាក់លើមិនបាន អនុញ្ញាតឱ្យលោកមេឃុំធ្វើបែបនេះទេ ព្រោះខុសពីគោលការណ៍រដ្ឋាភិបាល។
លោកឈាវ ហ៊ បន្ថែមទៀតថា លោក មេឃុំរូបនេះធ្វើការពុំសូវស្ដាប់ថ្នាក់លើទេ ធ្វើតាមតែចិត្ដខ្លួនឯង ដូចជាដកមេភូមិ ឬតែងតាំងមេភូមិពុំដែលឆ្លងយោបល់ ថ្នាក់ស្រុកឡើយ ឱ្យតែមេភូមិណាដែល លោកមិនពេញចិត្ដ គឺលោកមេឃុំដក ចេញភ្លាម ។
ប្រជាពលរដ្ឋទូទាំងឃុំគោកធ្លក សំណូមពរលោកអភិបាលខេត្ដមេត្ដាជួយ អន្ដរាគមន៍ដោះស្រាយជូនប្រជាពលរដ្ឋ ផង ពិសេសទៅលើកូនចៅប្រជាពលរដ្ឋ ម្នាក់ឱ្យបានរួចចេញពីការឃុំឃាំងផង ព្រោះក្មេងប្រុសម្នាក់នេះគ្មានកំហុសដូច ការចោទប្រកាន់ពីលោកគឹម សារឹទ្ធ នាយខណ្ឌជលផលខេត្ដតាកែវនោះឡើយ។
ពួកគាត់ក៏សំណូមពរដល់អង្គភាព ប្រឆាំង អំពើពុករលួយមេត្ដាស៊ើបអង្កេតករណី ពុករលួយក្នុងឃុំគោកធ្លកផង ព្រោះលុយ ដែលលោក ហ៊ឹម សុះ ប្រមូលពីប្រជា ពលរដ្ឋថ្លៃចូលទៅធ្វើស្រែក្នុងតំបន់នោះ ក្នុងមួយឆ្នាំៗរាប់រយលានរៀល មិនដឹង ជាលោកមេឃុំនិងលោកជលផលយក លុយនោះទៅណាទេ ហើយរឿងរ៉ាវរហូត ដល់មានការចាប់កូនចៅប្រជាពលរដ្ឋ នោះ ក៏ដោយសារតែរឿងលុយថ្លៃជួល ដីធ្វើស្រែនេះដែរ ពុំមានបទល្មើសអ្វី ក្រៅពីនោះឡើយ ៕
No comments:
Post a Comment