ផ្សាយយុទ្ធសាស្រ្តជាតិគាំពារសង្គមសម្រាប់
ជន ក្រីក្រ និងងាយរងគ្រោះនៅកម្ពុជា ត្រូវ
បានប្រារព្ធធ្វើនៅសាលាខេត្តព្រះសីហនុ
កាលពីព្រឹកថ្ងៃទី២០ ខែកុម្ភៈ ២០១២ ក្រោម
អធិបតីភាពឯកឧត្តម ម៉ម ប៊ុនហេង រដ្ឋមន្រ្តី
ក្រសួងសុខាភិបាល។ ឯកឧត្តម ហៃ ហេង
អគ្គលេខាធិការរង និងលោកវេជ្ជបណ្ឌិត សយ អ៊ីង អនុប្រធាននាយកដ្ឋានសុខាភិបាល
សន្តិសុខស្បៀង និងអាហាររូបត្ថម្ភនៃក្រុមប្រឹក្សាស្តារ និងអភិវឌ្ឍន៍វិស័យកសិកម្ម និង
ជនបទនៃទីស្តីការគណៈរដ្ឋមន្រ្តី បានបកស្រាយនូវខ្លឹមសារសង្ខេបគោលបំណង និង
គោលដៅនៃយុទ្ធសាស្រ្តជាតិគាំពារសង្គមសម្រាប់ជនក្រីក្រ និងជនងាយរងគ្រោះទទួល
បានការគាំទ្រមានស្បៀង អនាម័យទឹក និងជម្រក។ល។ ដើម្បីបំពេញតាមតម្រូវការរបស់
ពួកគាត់ក្នុងដំណាក់កាលមានគ្រោះ អាសន្ន និងវិបត្តិ ទទួលបានប្រយោជន៍ពីសំណាញ់
សុវត្ថិភាពសង្គម ដើម្បីកាត់បន្ថយភាពក្រីក្រ និងសន្តិសុខស្បៀង និងពង្រឹងការអភិវឌ្ឍ
មូលធនមនុស្ស តាមរយៈការបង្កើនគុណភាព អាហាររូបត្ថម្ភ សុខភាពមាតា ទារក និង
កុមារ ការលើកកំពស់ការអប់រំ និងការលុបបំបាត់ពលកម្មកុមារ ជាពិសេសទម្រង់ធ្ងន់ធ្ងរ។
ឯកឧត្តម ម៉ម ប៊ុនហេង បានសង្កត់ធ្ងន់ថា រាជរដ្ឋាភិបាលកម្ពុជា បានរៀបចំបង្កើតយុទ្ធ
សាស្រ្តជាតិ គាំពារសង្គម សម្រាប់ជនក្រីក្រ និងងាយរងគ្រោះ ដោយមានទស្សនវិស័យ
អោយប្រជាជនកម្ពុជាគ្រប់រូប ពិសេសជនក្រីក្រ និងជនងាយរងគ្រោះនឹងទទួលបានផល
ប្រយោជន៍ពីសំណាញ់សុវត្ថិភាពសង្គម និងរបបសន្តិសុខសង្គម អោយកាន់តែប្រសើរ
ឡើង ដែលជាផ្នែកមួយនៃយុទ្ធសាស្រ្តជាតិ គាំពារសង្គមដ៏មានប្រសិទ្ធភាព សមស្រប
ដែលអាចអនុវត្តន៍ និងមាននិរន្តរភាព៕
No comments:
Post a Comment