ផ្សាយថ្ងៃទី២១-០២-២០១២: ដកស្រងwww.bayontv.com.kh
ភ្នំពេញ៖ទំនាក់ទំនងទ្វេភាគីរវាងព្រះរាជាណាចក្រកម្ពុជា និងសាធារណរដ្ឋប្រជាមានិតចិន
លើវិស័យពាណិជ្ជកម្មទេសចរណ៍ និងវិនិយោគកាន់តែមានភាពល្អប្រសើរថែមទៀត និង
ជួយបានច្រើនដល់វិស័យវិនិយោគទេសចរណ៍ និងពាណិជ្ជកម្មក្នុងប្រទេសកម្ពុជា កាលពី
ឆ្នាំ២០១១កន្លងទៅថ្មីៗនេះ ។ទីភ្នាក់ងារសារព័ត៌មានផ្លូវការរចិនឈ្មោះស៊ីន ហួរ ដែលដក
ស្រង់ស្ថិតិរបស់ក្រុមប្រឹក្សាអភិវឌ្ឍន៍កម្ពុជាបានផ្សាយឲ្យ ដឹងថា ក្នុងឆ្នាំ២០១១ ប្រទេសកម្ពុ
ជាទាក់ទាញបានការវិនិយោគពីប្រទេសចិនតម្លៃ១.១៩០លាន ដុល្លារអាមេរិក គឺកើនឡើង
ចំនួន ៧១ ភាគរយពីចំនួន ៦៩៤ លានដុល្លារអាមេរិកក្នុងឆ្នាំ២០១០។គម្រោងវិនិយោគចំនួន
២២ គម្រោងនៃប្រទេសចិន កាលពីឆ្នាំមុននេះ គឺផ្តោតទៅលើការអភិវឌ្ឍន៍អចលនទ្រព្យ អា
ជីវកម្មរ៉ែ រោងម៉ាស៊ីនកិនស្រូវ និងរោងចក្រកាត់ដេរសម្លៀកបំពាក់ជាដើម ។ដោយឡែកទាក់
ទិននឹងពាណិជ្ជកម្មទ្វេភាគីវិញ គឺមានតម្លៃសរុបចំនួន ២.៥០០ លានដុល្លារអាមេរិក គឺកើនឡើង
ចំនួន៧៣,៥ភាគរយក្នុងឆ្នាំ ២០១១ គឺជាអត្រាកំណើនដ៏ខ្ពស់ បំផុតក្នុងចំណោមពាណិជ្ជកម្មទ្វេ
ភាគីរវាងប្រទេសចិនជាមួយបណ្តា ប្រទេសជាសមាជិកសមាគមប្រជាជាតិអាស៊ីអាគ្នេយ៍ ហៅ
កាត់ថា អាស៊ានដទៃទៀត នេះបើយោងតាមភ្នាក់ងារសារព័ត៌មាន ស៊ីនហួរដដែល ដែលបាន
ដកស្រង់ស្ថិតិរបស់ស្ថានទូតចិន ។មន្រ្តីក្រុមប្រឹក្សាអភិវឌ្ឍន៍កម្ពុជា ពុំអាចទំនាក់ទំនងសុំការ
បញ្ជាក់ ឬ អត្ថាធិប្បាយបន្ថែមណាមួយបានទេនៅព្រឹកថ្ងៃច័ន្ទទី២០ ខែកុម្ភៈនេះ។លោកគង់
សុភារ័ក្ស ប្រធាននាយកដ្ឋានស្ថិតិ និងព័ត៌មាននៃក្រសួងទេសចរណ៍បានអះអាងថា ចំនួនភ្ញៀវទេសចរចិន គឺជាប់លំដាប់ទី ៣ ក្នុងចំណោមភ្ញៀវអន្តរជាតិដែលចូលមក កំសាន្តក្នុងប្រទេស
កម្ពុជា និងមានកំណើនខ្ពស់រហូតដល់ទៅ៣៩ភាគរយ។លោកគង់ សុភារ័ក្ស បានរំឭកថា កាល
ពីឆ្នាំ ២០១០ ភ្ញៀវទេសចរចិនដែលចូលមកទស្សនាប្រទេសកម្ពុជាមានចំនួនតែ១៨ម៉ឺន នាក់
លុះដល់ឆ្នាំ២០១១ កើនឡើងដល់ ២៥ ម៉ឺននាក់ ហើយលោកព្យាករណ៍ថា នៅក្នុងឆ្នាំ២០១២
នេះ ចំនួនភ្ញៀវទេសចរចិនអាចនឹងកើនឡើងដល់៣០ម៉ឺននាក់។ជាមួយគ្នានេះ លោកគង់
សុភារ័ក្ស ក៏បានថ្លែងឲ្យដឹងថា ក្រសួងទេសចរណ៍មាន យុទ្ធសាស្រ្តជាច្រើនដើម្បីទាក់ទាញ
ភ្ញៀវទេសចរចិន ឲ្យចូលមកទស្សនានៅក្នុងប្រទេសកម្ពុជាបាន កាន់តែច្រើនថែមទៀតនៅ
ថ្ងៃអនាគត។ប្រទេសកម្ពុជា និងប្រទេសចិន មានទំនាក់ទំនងយូរលង់យ៉ាងជិតស្និទ្ធបំផុត
ដោយប្រទេសចិនបានផ្តល់ ជំនួយមកឲ្យកម្ពុជាយ៉ាងច្រើនសន្ធឹកសន្ធាប់ ដើម្បី ជួយដល់ការអភិវឌ្ឍន៍លើវិស័យជាច្រើន ជាពិសេសលើវិស័យហេដ្ឋារចនាសម័្ពន្ធ ដូចជាស្ពាន ផ្លូវ
ប្រព័ន្ធធារាសាស្រ្ត ៕
No comments:
Post a Comment