ផ្សាយថ្ងៃទី៣១-០១-២០១២: ដកស្រង www.bayontv.com.kh/news
ភ្នំពេញ៖ កាលពីរសៀលថ្ងៃទី៣០ ខែមករា ឯកឧត្តម សែម
សុខា រដ្ឋលេខាធិការតំណាងរដ្ឋមន្រ្តីក្រសួងសង្គមកិច្ច អតីត
យុទ្ធជន និងយុវនីតិសម្បទារ បានបើកវគ្គបណ្តុះបណ្តាលការ
ព្យាបាលអ្នកជម្ងឺបាក់សសរឆ្អឹងខ្នង និងបញ្ហាលើសរសៃប្រសាទ
ជាយខាងរបស់មនុស្ស។លោកស្រីវេជ្ជបណ្ឌិត ជេន វូ ប្រធាន
ក្រុមគ្រូឧទ្ទេសនាមការព្យាបាលចលនាមកពីប្រទេសអូស្រ្តាលី
បានគូសបញ្ជាក់ថា ក្រុមអ្នកជំនាញវេជ្ជសាស្រ្តអូស្រ្តាលី និងអង្គ
ការអតីតយុទ្ធជនអន្តរជាតិកម្ពុជា (VIO) បានចាត់ទុកការបណ្តុះ
បណ្តាលអ្នកព្យាបាលដោយចលនា គឺមានតួនាទីក្នុងការផ្តល់
សេវាស្តារលទ្ធភាពពលកម្មជូនជនពិការ។
លោក បាក់ តូក្យូ នាយកអង្គការអតីតយុទ្ធជនអន្តរជាតិកម្ពុជា
មានប្រសាសន៍ថា វគ្គបណ្តុះបណ្តាល គឺផ្តោតលើការព្យាបាលជម្ងឺ
បាក់សសរឆ្អឹងខ្នង និងបញ្ហាលើសរសៃប្រសាទជាយខាង ដើម្បីប
ង្កើនចំណេះដឹងដល់អ្នកបច្ចេកទេសផលិតអវយវសិប្បនិម្មិត និង
រណប អ្នកបម្រើការនៅមជ្ឈមណ្ឌលស្តារ និងគ្រូពេទ្យនៅតាម
មន្ទីររដ្ឋ និងឯកជន។
ឯកឧត្តម សែម សុខា មានប្រសាសន៍ថា ក្រសួងសង្គមកិច្ច អតី
តយុទ្ធជន និងយុវនីតិសម្បទារ គឺផ្តោតការយកចិត្តទុកដាក់ចំពោះ
វិស័យស្តារលទ្ធភាពពលកម្មកាយ សម្បទារជនពិការដោយពង្រឹង
សមត្ថភាពអ្នកបច្ចេកទេសផលិត អវយវសិប្បនិម្មិត និងរណប និង
អ្នកព្យាបាលដោយចលនាដើម្បីផ្តល់សេវាជូនជនពិការប្រកបដោយ
ប្រសិទ្ធភាពខ្ពស់។ឯកឧត្តមរដ្ឋលេខាធិការ មានប្រសាសន៍ថា ច្បាប់
ស្តីកិច្ចការពារ និងលើកកម្ពស់សិទ្ធិជនពិការ គឺកំពុងរៀបចំលិខិតបទ
ដ្ឋានគតិយុទ្ធជាច្រើនដើម្បីធានាប្រសិទ្ធភាព ក្នុងការអនុវត្ត។ ក្នុង
គោលដៅកសាងសង្គមគ្មានឧបសគ្គ គ្មានការរើសអើង និងគោរព
សិទ្ធិមនុស្សជាមូលដ្ឋាន គឺស្របតាមក្របខ័ណ្ឌនៃសហសវត្ស
(BIWAKO) សកម្មភាពឆ្ពោះទៅរកការធ្វើសមាហរណកម្មជន
នៅក្នុងសង្គម គឺមានសិទ្ធិស្មើគ្នា និងគ្មានឧបសគ្គរារាំង។
ឯកឧត្តម មានប្រសាសន៍ទៀតថា ក្រសួងសង្គមកិច្ច គឺជម្រុញ
ធ្វើការផ្លាស់ប្តូរការជួយជនពិការដែលផ្អែកលើជំនួយ មនុស្សធម៌
ទៅជារបៀបការកសាងសមត្ថភាពជូនជនពិការវិញ ព្រោះការ
ពឹងផ្អែកលើជំនួយមនុស្សធម៌មិនអាចធានានិរន្តភាពនៃការរស់
នៅរបស់ជនពិការ៕
No comments:
Post a Comment