ផ្សាយថ្ងៃទី០៨-០២-២០១២: ដកស្រងwww.bayontv.com.kh/news
ភ្នំពេញ៖ ប្រទេសកម្ពុជា បានទទួលធ្វើជាម្ចាស់ផ្ទះសំរាប់កិច្ចប្រជុំគណៈ
កម្មាធិការ អចិន្ត្រៃយ៍រដ្ឋសភា និយាយភាសាបារាំង ហើយកិច្ចប្រជុំនេះ
បានបើកដំណើរការនៅវិមានរដ្ឋសភា កាលពីព្រឹកថ្ងៃទី០៨ កុម្ភៈ ឆ្នាំ ២០១២នេះ ក្រោមអធិបតីភាពសម្តេចពញាចក្រី ហេង សំរិន ប្រធាន
រដ្ឋសភាជាតិ។ថ្នាក់ដឹកនាំសភាតាមបណ្តាប្រទេសនិយាយភាសាបា
រាំងចំនួន១៤ ប្រទេស បានមកចូលរួមក្នុង កិច្ចប្រជុំនេះ ដើម្បីពិភាក្សា
ដាក់ចេញនូវសំណូមពរសមស្រប និងជាក់ស្តែងនានាសំរាប់ជួយដល់
សភានៃប្រទេសនីមួយៗ ក្នុងការគាំទ្រដល់រដ្ឋាភិបាលរបស់ខ្លួនអោយ
ជំនះរាល់ឧបសគ្គ និងការលំបាកនានានិងដើម្បីពង្រឹងពង្រីកទំនាក់ទំ
នងកិច្ច សហប្រតិបត្តិការក្នុងរង្វង់បណ្តាប្រទេសនិយាយភាសារបារាំង
ផងដែរ។ព្រះមហាក្សត្រព្រះរាជាណាចក្រកម្ពុជា បានចេញព្រះរាជសារ
ជូនជាកិត្តិយសដល់កិច្ចប្រជុំនេះហើយដែលត្រូវ បានសម្តេចពញាចក្រី
ហេង សំរិន លើកយកមកអានទាំងស្រុងជូនអង្គប្រជុំ។ក្នុងព្រះរាជសារ
សង្កត់ធ្ងន់ថា ប្រជាជនកម្ពុជាពិតជា មានមោទនៈភាពក្រៃលែងក្នុងការ
ទទួលរៀមចំកិច្ចប្រជុំនេះ ដែលជានិច្ចកាលស្មោះត្រង់នឹងកិច្ចសន្យារបស់
ខ្លួននិងតែងបាន បំពេញតួនាទី ដើម្បីជួយគាំទ្រដល់រដ្ឋ និងរដ្ឋាភិបាលនៃប្រទេស ដែលប្រើប្រាស់ភាសាបារាំងអោយអភិវឌ្ឍន៍ក្នុងមាគ៌ាត្រឹមត្រូវ ប្រកបដោយវិបុលភាពនិងចីរភាព។ថ្លែងបើកកិច្ចប្រជុំនេះ សម្តេចពញាចក្រី ហេង សំរិន បានលើកឡើងថា កិច្ចប្រជុំនេះជាព្រឹត្តិ ការណ៍អន្តរជាតិមួយមានអត្ថ
ន័យយ៉ាងធំធេង ក្នុងបរិបទថ្មីនៃសាកលភាវូបនីយយកម្មក្នុងតំបន់ និងលើ
ពិភពលោកមួយទៀតដែលប្រទេសកម្ពុជា ទទួលរៀបចំធ្វើជាម្ចាស់ផ្ទះ
បន្ទាប់ពីការរៀបចំកិច្ចប្រជុំមហាសន្និបាត AIPA លើកទី៣២ ប្រកបដោយ
ជោគជ័យ។សម្តេចលើកឡើងថា ប្រទេសកម្ពុជាមានការជំពាក់ចិត្តដ៏
ជ្រាលជ្រៅជាមួយអង្គការហ្វ្រង់ កូហ្វូនី ដែលជាចលនាមួយកើតឡើងនៅឆ្នាំ១៩៦២ដោយឆន្ទៈ របស់បិតាស្ថាបនិក ក្នុងនោះមានអតីតព្រះមហាក្សត្រនរោត្តមសីហនុ ដែលតាំងពីពេលនោះមក ប្រទេសកម្ពុជាតែងលើកតំលៃអង្គការហ្រ្វង់កូហ្វូនី និងភាសាបារាំង។សម្តេចលើកឡើងថា ក្នុងនាមសភាកម្ពុជា នឹងផ្តល់ការគាំទ្រយ៉ាងពេញទំហឹងដល់ការគោរព ឧត្ត
មគតិទាំងឡាយរបស់អង្គការហ្រ្វង់កូហ្វូនី។កិច្ចប្រជុំគណៈកម្មាធិការអ
ចិន្ត្រៃយ៍រដ្ឋសភានិយាយភាសាបារាំងនេះ នឹងប្រព្រឹត្តទៅរយៈពេល៣ថ្ងៃ៕
No comments:
Post a Comment