ថ្ងៃទី១២-០១-២០១២: ដកស្រងnokorwatcenter
ខេត្តព្រះសីហនុ ៖ នៅវេលាម៉ោងប្រមាណ៥ជិតភ្លឺ ថ្ងៃទី១២ខែមករានេះ មានអគ្គីភ័យបានឆាបឆេះតូបលក់ដូរមួយនៅតាមមាត់សមុទ្រឆ្នេរ អូឈើទាល តែសំណាងល្អណាស់មិនបណ្តាលឲ្យឆេះរាលដាលដល់តូបអ្នកដ៏ទៃឡើយ ដោយសារតែរថយន្តពន្លត់អគ្គីភយ័របស់ស្នងការដ្ខាននគរបាលខេត្ត ព្រះសីហនុចំនួន ២គ្រឿង និងម្ចាស់តូបព្រមទាំងប្រជាពលរដ្ឋនៅជិតខាងបានជួយធ្វើ អន្តរាគមន៍ទាន់ពេលវេលា។
លោកវរសេនីយ៍ត្រីហ៊ឹម សុធារ៉ានាយរង ការិយាល័យបង្ការនិងពន្លត់អគ្គីភ័យខេត្តព្រះសីហនុបានអោយដឹងថា ៖ក្នុងកិច្ចប្រតិបត្តិការពន្លត់អគ្គីភ័យនេះ ដឹកនាំដោយលោកវរះសេនីយ៍ទោ បេ ស៊ីវណ្ណា នាយការិយាល័យបង្ការនិងពន្លត់អគ្គីភ័យ ដោយប្រើប្រាស់រថយន្តពន្លត់អគ្គីភ័យចំនួន២គ្រឿង ប៉ុន្តែប្រើទឹកអស់តែមួយឡានទេភ្លើងក៍បានថមថយនិងរលត់អស់ទៅ ដោយ
ពេលនោះមានប្រជាពលរដ្ឋនិងម្ចាស់តូបដែលនៅក្បែរៗគ្នា បានចូលរួមជួយយ៉ាងសស្រាក់
សស្រាំផងដែរ ។ លោក ហ៊ឹម សុធារ៉ា បានបន្តថា ការសង្គ្រោះអគ្គីភ័យនៅពេលនេះ យើងធ្វើអន្តរាគមន៍បានទាន់ពេលវេលាល្អណាស់មិនបណ្តាលអោយឆេះ រាលដាលដល់តូបដទៃឡើយ ពីព្រោះតូបលក់ដូរនៅតាមតំបន់មាត់សមុទ្រទាំងអស់ រាប់រយតូបសុទ្ធតែសឹងប្រក់ស្បូវ ប្រសិនបើសង្គ្រោះមិនបានទាន់ពេលវេលាទេនោះ នឹងអាចកើតនូវសោកវិនាសកម្មយ៉ាង
ធ្ងន់ធ្ងរមិនខានឡើយ។ ក្រោយពីសង្គ្រោះបានទាន់ពេលដូចនេះប្រជាពលរដ្ឋនិងម្ចាស់តូប ទាំងឡាយ ជាជនបរទេសផងនោះ នាំគ្នាសប្បាយរីករាយឡើងវិញ ។លោកអនុសេនីយ៍ទោ
សុខន ស៊ីមន នាយនគរបាលប៉ុស្តិ៍រដ្ឋបាលសង្គាត់លេខ៤ ក្រុងព្រះសីហនុ បានបញ្ជាក់ថា៖ តូបនេះឈ្មោះកល្យាណសាកមានម្ចាស់ឈ្មោះ ហួត ណារ៉ែន ភេទស្រី អាយុ ៣២ឆ្នាំ ។ហើយអគ្គីភ័យនេះផ្តើមឡើងពីការផ្ទុះសេខ្សែភ្លើងពីព្រោះប ណ្តុំបារ៉ែតភ្លើងឆេះខ្លោចទាំងអស់តែមិនមានការខូចខាតធ្ងន់ធ្ងរ ទេ ឆេះតែដំបូលស្បូវប៉ុណ្ណោះ ៕
No comments:
Post a Comment