ថ្ងៃទី២៥-០១-២០១២: ដកស្រង kpt-news.com
ភ្នំពេញ៖ កាលពីរសៀលថ្ងៃទី២៤ ខែមករា ឆ្នាំ ២០១២ ឯកឧត្តម ម៉ម
ប៊ុនហេង រដ្ឋមន្ត្រីក្រសួងសុខាភិបាល បានអនុញ្ញាតអោយឯកឧត្តម
ម៉ាក ហ្គោឌីង ឯកអគ្គរាជទូតថ្មី នៃចក្រភពអង់គ្លេសប្រចាំកម្ពុជាចូល
ជួបសំដែងការគួរសម និងពិភាក្សាការងារ នៅទីស្ដីការក្រសួង។
នៅក្នុងជំនួបនេះ ឯកឧត្តម ម៉ម ប៊ុនហេង បានលើកឡើងពីការខិតខំ
ប្រឹងប្រែងរបស់ក្រសួងសុខាភិបាលក្នុងការ ប្ដេជ្ញាចិត្ត ដើម្បីកាត់បន្ថយ
អោយបានជាអតិបរមា នូវអាត្រាមរណៈភាព របស់មាតានិងទារក។
បច្ចុប្បន្នក្រសួងសុខាភិបាលបានសហការជាមួយ អង្គការដៃគូរអភិវឌ្ឍន៍
នានា ធ្វើការណែនាំពីអាហារូបត្ថម្ភ ចំពោះស្រ្តីមានផ្ទៃពោះ និងក្រោយ
ពេលឆ្លងទន្លេ។ឯកឧត្តម ម៉ាក ហ្គោឌីង បានលើកឡើងថា វិស័យសុខា
ភិបាលនៅកម្ពុជាកំពុងតែមានការរីកចម្រើន បើប្រៀបធៀបទៅនឹងឆ្នាំ
១៩៩៩ ដែល កាលនោះ ទាំងប៉ុស្ដិ៍សុខភាព មណ្ឌលសុខភាព គឺមាន
តិចតួចណាស់ ប្រជាពលរដ្ឋមានការលំបាក ក្នុងការមកទទួលសេវាសុខាភិបាល ប៉ុន្ដែពេលបច្ចុប្បន្នចំនួន មណ្ឌលសុខភាពបានកើនឡើង
ស្ទើរគ្រប់ទីកន្លែងបង្កលក្ខណៈងាយស្រួល ដល់ប្រជាជនមានទទួលសេ
វា ស្របពេលដែលផ្លូវគមនាគមន៍ និងហេដ្ឋារចនាសម្ព័ន្ធ កំពុងមានការរីកចម្រើន៕
No comments:
Post a Comment