ថ្ងៃទី០៤-០១-២០១២: ដកស្រងnokorwatnews.com
ខេត្ដតាកែវ ៖ សហគមន៍បាស្រែ ឃុំបាស្រែ ស្រុកអង្គរបុរី ខេត្ដតាកែវ បានចុះអនុវត្ដគម្រោងទម្លាក់គល់ឈើជាង២ពាន់គល់នៅក្នុងតំបន់ អភិរក្សពូជត្រី មេអន្លង់ព្រីង ដោយមានការចូលរួមពីអាជ្ញាធរពាក់ព័ន្ធក្នុងស្រុក ជាពិសេសលោកអ៊ឹម ផាត នាយរងផ្នែកជលផលអង្គរបុរី តំណាងឱ្យលោកគឹម សារិទ្ធ នាយខណ្ឌជលផលខេត្ដតាកែវ ក៏មានវត្ដមានក្នុងឱកាសនោះដែរ។
មន្ដ្រីអាជ្ញាធរបានបញ្ជាក់ថា សហគមន៍នេះបានបង្កើតឡើងដោយមានការយកចិត្ដទុកដាក់និងគាំទ្រយ៉ាង ខ្លាំងពីអាជ្ញាធរដែនដី។ សហគមន៍នេះមានតួនាទីយ៉ាងសំខាន់ក្នុងការអភិរក្សតំបន់អន្លង់ព្រីង ដើម្បីថែរក្សាមេពូជត្រីការអភិរក្ស តំបន់អន្លង់ព្រីងឱ្យត្រីបង្កាច់ពូជបានច្រើនឡើងវិញដើម្បីឆ្លើយ តបនឹងគោលនយោបាយរបស់រាជរដ្ឋាភិបាល។
តាមសំដីរបស់លោកអ៊ឹម ផាតបានឱ្យដឹងផងដែរថា ការបង្កើតសហគមន៍នេះឡើងមានផលប្រយោជន៍ច្រើនណាស់ ពិសេសការបង្កើនពូជត្រីនិងបរិមាណត្រីឱ្យកើតកូនកើតចៅកាន់តែ សម្បូរបែបសម្រាប់បម្រើដល់បងប្អូនប្រជាពលរដ្ឋទាំងក្នុងតំបន់និង ក្រៅតំបន់។ ជាពិសេសជួយឱ្យបងប្អូនមានជីវភាពធូរធារមានការងារធ្វើកាត់បន្ថយ ភាព ក្រីក្រចូលរួមចំណែកបម្រើប្រទេសជាតិបានមួយចំណែកធំ។
លោកអ៊ឹម ផាត បានបន្ថែមទៀតថា សហគមន៍នេះបានកើតឡើងគឺមានការគាំទ្រពីប្រជាពលរដ្ឋដែលមានការលះបង់ ខ្ពស់គិតផលប្រយោជន៍រួមជាធំ។
នាឱកាសនោះលោកបានអំពាវនាវផងដែរ ដល់បងប្អូនប្រកបមុខរបរនេសាទទាំងអស់ សូមកុំមកនេសាទក្នុងតំបន់អភិរក្សអន្លង់ព្រីងដែលជាតំបន់ហាមឃាត់ នេះឱ្យសោះដើម្បីកុំឱ្យរំខានដល់ការបង្កាត់មេពូជត្រីពងនិងកូន៕
No comments:
Post a Comment