ដើរមកពីមើលគេរាំធុងបាស់ត្រូវម៉ូតូបុកពីក្រោយប្រេះលលាដ៍ក្បាល និងឈាមកកក្នុងខួរក្បាល
ថ្ងៃទី២៦-០១-២០១២: ដកស្រង
kohsantepheapdaily
ខេត្តកំពត ៖ បុរសម្នាក់រងរបួស
ក្បាលធ្ងន់ធ្ងររហូតលែងមាន
សង្ឃឹមប្រពន្ធកូន បម្រុងយកចេញពីមន្ទីរពេទ្យត្រឡប់ទៅផ្ទះវិញ បន្ទាប់ពីបុរសនោះដើរមកពីមើលគេរាំធុងបាស់ក្នុងភូមិត្រូវម៉ូតូ បុកពីក្រោយពេញទំហឹងបណ្តាលឱ្យសន្លប់ស្ដូកស្តឹង កាលពីវេលាម៉ោង៦និង៣០នាទីល្ងាចថ្ងៃទី២៤ មករា នៅចំណុចភូមិត្នោត ឃុំម៉ាក់ប្រាំង ស្រុកទឹកឈូ ។
ជនរងគ្រោះឈ្មោះញ៉ៃ សំបូរ អាយុ៤៧ឆ្នាំ មានទីលំនៅភូមិស្នំប្រាំពីរ ឃុំម៉ាក់ប្រាំង ស្រុក ទឹកឈូ។ តាមការឱ្យដឹងពីស្ដ្រីឈ្មោះសៅ ស្រឿយ អាយុ៤៥ឆ្នាំ ត្រូវជាប្រពន្ធជនរងគ្រោះបានប្រាប់ថា មុនពេលកើតហេតុជនរងគ្រោះបានដើរត្រឡប់មកពីមើលគេរាំធុងបាស់នៅ ជិតភូមិ។ លុះដើរមកដល់ចំណុចកើតហេតុស្រាប់តែមានម៉ូតូឌ្រីមសេ១២៥ ស៊េរី២០១១ ពណ៌ខ្មៅ បើកបរដោយបុរសម្នាក់ជិះមកបុកជនរងគ្រោះពីក្រោយពេញទំហឹងខ្ទាត ទៅលើចិញ្ចើមផ្លូវបណ្តាលឱ្យដួលសន្លប់ស្ដូកស្ដឹងតែម្តង ។ ភ្លាមៗនោះបុរសជាអ្នកបើកម៉ូតូបានចុះទៅជួយរឹតទ្រូងជនរងគ្រោះ តែមិនបានដឹងខ្លួនវិញទេ ។ ប្រភពដដែលបន្ដទៀតថា ខណៈកំពុងតែរឹតនោះស្រាប់តែឈ្មោះហេង ភេទប្រុស ត្រូវជាមិត្ដភក្ដិកូនជនរងគ្រោះជិះម៉ូតូមកដល់ក៏ចុះទៅមើលហើយ ស្រែកហៅឱ្យគេជួយជនរងគ្រោះ ចំណែកបុរសជាអ្នកបង្កឃើញដូច្នេះឆ្លៀតឱកាសជិះម៉ូតូចេញទៅបាត់ ។ក្រោយកើតហេតុជនរងគ្រោះត្រូវក្រុម គ្រួសារបញ្ជូនទៅសង្គ្រោះនៅមន្ទីរពេទ្យខេត្ដតែសភាពធ្ងន់ធ្ងរពេក ក៏បញ្ជូនបន្តទៅព្យាបាលនៅមន្ទីរពេទ្យព្រះកុសុមៈ៕
No comments:
Post a Comment