ថ្ងៃទី២០-០១-២០១២: ដកស្រង kpt-news
ព្រះសីហនុ៖ មនុស្សម្នាក់បានទទួលរងរបួសស្រាល
និងម្នាក់ទៀតរងរបួសធ្ងន់សន្លប់ ស្តូកស្តឹងនៅនិងកន្លែងកើតហេតុតែម្តងខណៈពេលពួកគេទាំងពីរនាក់ ជិះម៉ូតូ១គ្រឿងឌុបគ្នាហើយត្រូវរថយន្តបើកបុកចំពីមុខ។ ហេតុការណ៍នេះបាកើតឡើង
នៅវេលាម៉ោង០១និង៤០នាទីយប់ទៀបភ្លឺ ថ្ងៃទី២០ខែមករាឆ្នាំ២០១២នៅតាមបណ្តោយផ្លូវ២ធ្នូត្រង់ចំណុចតំបន់ការា អូខេខាងក្រោយមន្ទីពេទ្យចំការចេកស្ថិត
ក្នុងក្រុម១៤ភូមិលេខ៤ សង្កាត់លេខ៤ ក្រុងព្រះសីហនុ។រថយន្តបង្កហេតុបានបើករត់គេចខ្លួនបាត់ស្រមោលនិងមិន ត្រូវបានគេស្គាល់អត្តសញ្ញាណនោះទេរីឯជនរងគ្រោះទាំងពីរនាក់ត្រូវបាន រថយន្តសាម៉ុយរបស់មន្ទីពេទ្យឯកជនមកដឹកយកទៅធ្វើការជួយ សង្គ្រោះភ្លាមៗផងដែរ។ទាក់ទិនទៅនិងករណីនេះត្រូវ
បានសាក្សីរស់នៅក្បែរកន្លែងកើតហេតុ និយាយថាពួកគេពុំបានឃើញច្បាស់លាស់រវាងម៉ូតូជនរងគ្រោះនិងរថយន្ត បង្កហេតុបុកគ្នារបៀបណានោះទេហើយរថយន្តបង្កហេតុនោះជារថយន្តម៉ាក អីនោះដែរគឺគ្រាន់តែដឹងថារថយន្តបង្ក
ហេតុក្រោយពីបានបុកជាមួយម៉ូតូ ជនរងគ្រោះភ្លាមគេបានបើកយ៉ាងលឿនរត់គេចខ្លូនទៅតាមតំបន់ផ្លូវ រង្វង់មូលតោពីរបាត់ស្រមោលតែម្តងរីឯជនរង
គ្រោះក្នុងពេលកើតហេតុទំនង ដូចជាស្រវឹងស្រានិងមានសា្មរតីមិនចងចាំអ្វីទេទោះបីជាបងប្អូនដែល នាំគ្នាទៅជួយព្យាយាមធ្វើការសួរនាំក៏ឥតបានលទ្ធផលអ្វីដែរគឺ បានត្រឹមតែចម្លើយថាពួកគេចាំមិនបានប៉ុណ្ណឹង។សមត្ថកិច្ចប៉ូលិស
បានឲ្យដឹងថាជនរងគ្រោះទាំង២មានទី១ឈ្មោះ ហៀន សារ៉ាត ភេទប្រុសអាយុ២៦ឆ្នាំទទូលរងរបួសស្រាលមានទីលំនៅក្នុងភូមិលេខ៤ សង្កាត់លេខ៤ ក្រុងព្រះសីហនុ មានមុខរបរកម្មករសំណង់ជនរងគ្រោះទី២មានឈ្មោះ ម៉ែន ភេទប្រុសអាយុ២៣ឆ្នាំមានទីលំនៅក្នុង ឃុំអូរត្រេះ ស្រុកស្ទឹងហាវ ខេត្តព្រះសីហនុ មានមុខរបរជាកម្មកសំណង់ដូចគ្នាទទួលរងរបួសធ្ងន់កំពុងដេកសំរាក ព្យាបាលនៅក្នុងមន្ទីរពេទ្យឯកជនរីឯម៉ូតូរបស់ជនរងគ្រោះម៉ាកSUZUKI SMAHពណ៌ខ្មៅពាក់ស្លាកលេខ1T-1939ភ្នំពេញទទួលរងការខូចខាតជាដំណំ បច្ចុប្បន្នត្រូវបានសមត្ថកិច្ចប៉ូលិសនាំយកទៅរក្សាទុក។ចំណែកឯរថយន្ត បង្កហេតុដែលបានរត់គេចខ្លួនរហូតមកដល់ពេលនេះសមត្ថកិច្ចប៉ូលិសនៅ ពុំទាន់រកឃើញអត្តសញ្ញាណនៅឡើយនោះទេ៕
No comments:
Post a Comment