ថ្ងៃទី១៧-០១-២០១២: ដកស្រងwww.bayontv.com.kh
ភ្នំពេញ៖ នៅសល់តែ៦ ថ្ងៃទៀតប៉ុណ្ណោះថ្ងៃបុណ្យចូលឆ្នាំប្រពៃណីចិននឹងឈានចូលមកដល់ ។ប្រជាជនចិន និងកូនកាត់ចិននៅទូទាំងពិភពលោក
កំពុងតែរង់ចាំថ្ងៃនោះយ៉ាងអន្ទះសារ ដោយឆ្នាំថ្មីនឹងឈានចូលមកដល់ក្នុងពេលឆាប់ៗនេះគឺជាឆ្នាំនាគ ដែលតាមជំនឿជនជាតិចិន តំណាងអោយឬទ្ធានុភាពដ៏ខ្លាំងក្លារ។ដោយឡែកនៅប្រទេសកម្ពុជាពលរដ្ឋខ្មែរកូន
កាត់ចិនក៏កំពុងតែត្រៀមលក្ខណៈដូចគ្នានេះដែរ ដូចជាការសំអាត
គេហដ្ឋាន ការទិញវត្ថុចាំបាច់តុបតែងផ្ទះនិងវត្ថុសែនព្រេនដល់ជីដូន
ជីតាកុងម៉ា និងអ្នកដែលបានចែកដ្ឋានទៅទាំងអស់ ។ល។និង។ល។
ទាក់ទងទៅហ្នឹងចូលឆ្នាំចិននេះដែរ លោកឧកញ៉ាដួង ឈីវ ប្រធានសមាគមន៍ចិនប្រចាំនៅប្រទេសកម្ពុជាបានឲ្យដឹងថា ជារៀងរាល់ឆ្នាំ
សមាគមន៍ចិនតែងតែសុំច្បាប់ពីអាជ្ញាធរក្នុងការ ប្រតិបត្តិពិធីផ្សេងៗ ដូចជាកាឡក ម៉ុងសាយ ហែរអ្នកតា ឬពិធីកំសាន្តផ្សេងៗទៀតជាសាធារណៈ។
តាមប្រពៃណីជនជាតិចិន ការលោតម៉ុងសាយ និងហែរនាគគឺជាការចាំបាច់សម្រាប់អ្នកដែលមានជីវភាពធូរធារ ជាពិសេសឆ្នាំនេះជាឆ្នាំរោង ការហែរនាគមានរហូតទៅដល់បីក្រុមក្នុងចំណោម៦ក្រុម ដែលត្រូវហែរសម្តែងនៅរាជធានីភ្នំពេញនៅក្នុងឱកាសបុណ្យចូលឆ្នាំ ចិនខាងមុខ។
លោកឧកញ៉ាដួង ឈីវបានពន្យល់បន្ថែមទៀតថា ថ្ងៃចូលឆ្នាំចិនគឺជាឱកាសដែលញាតិមិត្តក្រុមគ្រួសារ បងប្អូនបានជួបជុំគ្នា សែនកុងម៉ាជាមួយគ្នា និងបានពិសារអាហារជាមួយគ្នាយ៉ាងសប្បាយរីករាយ។
ដោយឡែកការសែនព្រេននៅក្នុងឱកាសនោះផងដែរ គឺគេសែនទៅតាមស្ថានភាពជីវភាពគ្រួសារ ពោលគឺមិនមានការប្រណាំងប្រជែងគ្នានៅក្នុងការសែននោះឡើយ។ជាមួយ គ្នានេះការជូនអាំងប៉ាវអោយគ្នាទៅដល់សាច់ញាតិ ឬក្នុងសមាជិកគ្រួសារក៏ជារឿងសំខាន់មួយដែរនៅក្នុងប្រពៃណីចូល ឆ្នាំចិន, នេះបើតាមការបញ្ជាក់ពីលោកឧកញ៉ា ដួង ឈីវ ។
ទាក់ទិនទៅហ្នឹងសេរីភាពក្នុងការគោរពនិងប្រតិបត្តិជំនឿសាសនានៅ ប្រទេសកម្ពុជា ប្រធានសមាគមចិននៅកម្ពុជាបានលើកឡើងថា រាជរដ្ឋាភិបាលកម្ពុជាដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបាន បានបើកយ៉ាងទូលំទូលាយ ជាក់ស្តែង ការប្រតិបត្តិបុណ្យចូលឆ្នាំចិនតាំងពីដើមរៀងមក។
សូមបញ្ជាក់ថា នៅថ្ងៃទី ១៧ និង១៨ ខែមករានេះ ក្រុមសិល្បៈធៀនជិញរបស់ប្រទេសចិន ដ៏ល្បីល្បាញបានមកសម្តែងនៅប្រទេសកម្ពុជានៅសាលសន្និសីទកោះពេជ្រ ដែលនេះជាផ្នែកមួយផ្សារភ្ជាប់ទៅហ្នឹងការអបអរនៃពិធីបុណ្យចូល ឆ្នាំប្រពៃណីចិនផងដែរ៕
No comments:
Post a Comment