ថ្ងៃទី២៥-០១-២០១២ដកស្រងwww.bayontv.com.kh/news
ភ្នំពេញ៖ លោក សាយ៉េដ ចាវ៉ាដ ហ្គាវ៉ាម សាហ៊ីឌី (Sayed Javad Ghavam Shahidi) ឯកអគ្គរដ្ឋទូតសាធារណរដ្ឋឥស្លាមអ៊ីរ៉ង់ ដែលចប់អាណត្តិការទូត
បានបញ្ជាក់បា្រប់ក្នុងសវនាការជាមួយសម្ដេចអគ្គមហាពញាចក្រី ហេង
សំរិន ប្រធានរដ្ឋសភាកម្ពុជា កាលពីព្រឹកថ្ងៃទី២៤ ខែមករាថា បើទោះ
បីជាលោកបានបញ្ចប់អាណត្តិការទូតនៅកម្ពុជាក្ដី ប៉ុន្តែលោកនឹងខិតខំ
ធ្វើយ៉ាងណាបន្តថែមទៀតលើទំនាក់ទំនងកិច្ច សហប្រតិបត្តិការរវាង
អ៊ីរ៉ង់ និងកម្ពុជាអោយកាន់តែល្អប្រសើរឡើង។លោកឯកអគ្គរដ្ឋទូតបានលើកឡើងថា រដ្ឋសភាកម្ពុជាបានដំណើរការងារយ៉ាងល្អ ហើយមាន
តួនាទីសំខាន់នៅក្នុងការជម្រុញការអភិវឌ្ឍលើគ្រប់វិស័យ ចំពោះប្រ
ទេសជាតិ ដោយឡែកតែចំពោះស្ថានការណ៍នៅអ៊ីរ៉ង់វិញកំពុងរង
សម្ពាធការគាប សង្កត់ពីសហគមន៍អឺរ៉ុប និងបណ្ដាប្រទេសមួយចំនួន
ប៉ុន្តែអ៊ីរ៉ង់នៅតែមានជំហរធ្វើយ៉ាងណា ដើម្បីអោយដំណើរការបាន
ល្អប្រសើរ។ លោក សាយ៉េដ ចាវ៉ាដ ហ្គាវ៉ាម សាហ៊ីឌី ក៏បានសុំការ
អញ្ជើញសម្ដេចប្រធានរដ្ឋសភាជាផ្លូវការសម្រាប់ដំណើរ ទស្សន
កិច្ចនៅប្រទេសអ៊ីរ៉ង់ ដើម្បីបង្កើនទំនាក់ទំនងទ្វេរភាគីរវាងសភា
ទាំងពីរអោយកាន់តែរឹង មាំខ្លាំងកា្លឡើងថែមទៀត។សម្ដេចអគ្គ
មហាពញាចក្រី ហេង សំរិន បានវាយតម្លៃខ្ពស់ចំពោះលោកឯក
អគ្គរដ្ឋទូតដែលត្រូវបានតែងតាំង ប្រចាំកម្ពុជាចាប់ពីឆ្នាំ២០០៧
មកម្លេះ ហើយបានបំពេញភារកិច្ចយ៉ាងសកម្មបើទោះជានិវេស
នដ្ឋានទូតនៅទីក្រុង ហាណូយក៏ដោយ ក្នុងនោះលោកបានជម្រុញអោយទំនាក់ទំនងមិត្តភាពកិច្ចសហប្រតិបត្តិការ រវាងប្រជាជន និងប្រទេសទាំងពីរកម្ពុជាអ៊ីរ៉ង់អោយកាន់តែមានលក្ខណៈល្អប្រសើរឡើង ពិសេសការផ្លាស់ប្តូរដំណើរទស្សនកិច្ចរបស់ថ្នាក់ដឹកនាំនីតិបញ្ញតិ នីតិប្រតិបត្តិរបស់ប្រទេសទាំងពីរ។
ជាក់ស្ដែងកាលពីពាក់កណ្ដាលឆ្នាំ២០១០ លោក ម៉ូសេន គូខាន់ ប្រធានក្រុមមិត្តភាពអ៊ីរ៉ង់ កម្ពុជា និងសមាជិកក្រុមប្រឹក្សាជាន់ខ្ពស់នៃរដ្ឋសភាពិគ្រោះយោបល់អ៊ីរ៉ង់ បានមកបំពេញទស្សនកិច្ចជាផ្លូវការនៅកម្ពុជា ហើយនៅខែសីហា ឆ្នាំ២០១០ ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិកម្ពុជាបានទៅបំពេញទស្សនកិច្ចជាផ្លូវ ការនៅសាធារណរដ្ឋឥស្លាមអ៊ីរ៉ង់។
ជាការឆ្លើយតបចំពោះការអញ្ជើញរបស់លោកឯកអគ្គរដ្ឋទូតសាធារណរដ្ឋ ឥស្លាមអ៊ីរ៉ង់ សម្ដេចបានទទួលការយល់ព្រមចំពោះការអញ្ជើញនេះ ហើយនឹងជ្រើសរើសយកពេលវេលាណាមួយសមស្រប ដើម្បីទៅបំពេញទស្សនកិច្ចផ្លូវការនៅប្រទេសអ៊ីរ៉ង់។ សម្ដេចបានបន្តថា ប្រទេសទាំងពីរបានចុះអនុស្សារណៈយោគយល់គ្នាចំនួន៣លើកិច្ច សហប្រតិបត្តិការទ្វេរភាគីនៅឆ្នាំ២០១០ ទី១ស្ដីពីការយោគយល់គ្នាលើការលើកលែងទិដ្ឋាការការទូត និងផ្លូវការ ទី២ការបង្កើតកិច្ចពិគ្រោះយោបល់ទ្វេរភាគី និងទី៣ស្ដីពី កិច្ចសហប្រតិបត្តិការលើវិស័យប្រេងកាត និងជំនួយបច្ចេកទេស៕
No comments:
Post a Comment