ថ្ងៃទី២៥-០១-២០១២: ដកស្រងwww.bayontv.com.kh/news
ភ្នំពេញ៖នៅព្រឹកថ្ងៃទី២៥ខែ មករា ឆ្នាំ២០១២នេះ ឯកឧត្តមអ៊ូច បូរិទ្ធរដ្ឋ
មន្រ្តីស្តីទីនៃក្រសួងការបរទេស និងសហប្រតិបត្តិការអន្តរជាតិ បាន
អនុញ្ញាតិអោយឯកឧត្តម A.V.Radkov ប្រធានទីភ្នាក់ងារទេសចរណ៍
និងជាសហប្រធានគណៈកម្មការអន្តររដ្ឋាភិបាលកម្ពុជា-រុស្ស៊ី សម្រាប់
សហប្រតិបត្តិការពាណិជ្ជកម្ម សេដ្ឋកិច្ច វិទ្យាសាស្រ្ត និងបច្ចេកទេស
ដើម្បីពិភាក្សាការងារ។ នៅក្នុងជំនួបដែលបានធ្វើឡើងនៅក្រសួង
ការបរទេសនោះ ឯកឧត្តមអ៊ូច បូរិទ្ធបានថ្លែងអំណរគុណចំពោះប្រជា
ជន និងរដ្ឋាភិបាលនៃអតីតសហភាពសូវៀត ដែលបានជួយកម្ពុជា
នារយៈពេលកន្លងមក ដើម្បីស្តារឡើងវិញហេដ្ឋារចនាសម្ព័ន្ធដែលបាន
ខ្ទេចខ្ទាំក្នុងសម័យ សង្គ្រាម។ឯកឧត្តមក៏បានស្នើអោយប្រទេសរុស្ស៊ី
ជួយដល់ប្រទេសកម្ពុជាបន្ថែម ទៀត លើវិស័យកសិកម្ម ថាមពល និង
ការហោះហើរត្រង់ពីមូស្គូ មកកាន់រាជធានីភ្នំពេញ ដើម្បីបង្កលក្ខណៈ
ងាយស្រួលអោយភ្ញៀវទេសចររុស្ស៊ីបានមកទស្សនា ប្រទេសកម្ពុជា
កាន់តែច្រើនថែមទៀត។ព្រមទាំងស្នើអោយវិនិយោគិន រុស្ស៊ីបង្កើតរោង
ចក្រផលិតជីនៅកម្ពុជាផងដែរ ព្រោះក្នុង១ឆ្នាំៗប្រទេសកម្ពុជាបានទិញ
ជីអ៊ុយអេយ៉ាងច្រើនសន្ធឹក សន្ធាប់ពីប្រទេសរុស្ស៊ីដើម្បីបង្កើនផលិតកម្ម
កសិកម្មនៅក្នុង ប្រទេស។ឯកឧត្តម A.V.Radkovបានស្នើអោយភាគី
កម្ពុជាបង្កើតក្រុមការងារតាមផ្នែកនីមួយ ៗ ដើម្បីងាយស្រួលក្នុងការ
ធ្វើការងារជាមួយគ្នាអោយទទួលបានលទ្ធផល ល្អប្រសើរ៕
No comments:
Post a Comment