ថ្ងៃទី០៥-០១-២០១២: ដកស្រងbayontv
កំពត៖ ឯកឧត្តម វេង សុខុន រដ្ឋលេខាធិការក្រសួងធនធានទឹក និងឧតុនិយម បានចុះត្រួតពិនិត្យលទ្ធផលនៃគម្រោងប្រព័ន្ធស្រោចស្រព ស្ទឹងកែវ ខេត្តកំពត កាលពីថ្ងៃទី០៣ ខែមករា ឆ្នាំ ២០១២។គម្រោងសិក្សា និងស្ដារឡើងវិញប្រព័ន្ធ
ស្រោចស្រព ស្ទឹងកែវ នេះគឺត្រូវបានអនុវត្តស្របតាមកិច្ចព្រមព្រៀងឥណទានសម្បទានរវាង សាធារណរដ្ឋប្រជាមានិតចិន និងរាជរដ្ឋាភិបាលកម្ពុជា ដែល
ត្រូវចំណាយទឹកប្រាក់សារុបចំនួន ៤២.៦១៨.៨៨០ដុល្លាអាមេរិក។ ហើយគោលបំណងចំបងរបស់គម្រោងនេះ គឺធ្វើការសិក្សា និងស្ដារឡើងវិញ ដើម្បីយកទឹកមកប្រើប្រាស់ ស្រោចស្រពលើផ្ទៃដីកសិកម្មចំនួន២២,៦៤៤ហិកតា និងសម្រាប់ដោះទឹកជំនន់ គម្រោងនេះបានចាប់ផ្ដើមដំណើរការពីថ្ងៃទី០១ ខែឧសភា ឆ្នាំ
២០១១ ហើយគ្រោងបញ្ចប់ក្នុងរយៈពេល១០ខែសូមបញ្ជាក់ថា គម្រោងអភិ
វឌ្ឍន៍ប្រព័ន្ធស្រោចស្រពស្ទឹងកែវ រួមមាន៖ សារុបប្រឡាយតូច-ធំប្រវែង
៨៤,២០គីឡូម៉ែត្រ ការងារផ្លូវគមនាគមន៍សរុបប្រវែង៩៨,០០គីឡូម៉ែត្រ មានសំណង់បញ្ចាល់ទឹកកាត់ស្ទឹងមួយកន្លែងប្រវែង ៦៨៩ម៉ែត្រ មានសំណង់តូច-ធំចំនួន១៦៣សំណង់គម្រោងនេះ គ្រប់ដណ្ដប់លើផ្ទៃដីកសិកម្មចំនួន២២.៦៤៤ហិកតា ក្នុងនោះអាចស្រោចស្រពផ្ទៃដីស្រែចំការ និងដំណាំរួមផ្សំផ្សេងៗចំនួន១១,២០០ហិកតា៕
No comments:
Post a Comment