ថ្ងៃទី១១-០១-២០១២: ដកស្រង.bayontv
ភ្នំពេញ៖ តាមរយៈធនាគារ អភិវឌ្ឍន៍អាស៊ី ADB ក្រោមគម្រោងមូលនិធិអភិ
វឌ្ឍន៍បច្ចេកវិទ្យា( Technology Development Fund-TDF ) អគ្គនាយកឧស្សាហ
កម្ម នៃក្រសួងឧស្សាហកម្ម រ៉ែ និងថាមពល បានជូនដំណឹងដល់ម្ចាស់រោងចក្រ-សិប្បកម្ម និង សហគ្រាសធុនតូច និងមធ្យម ក្នុងគោលបំណងបង្កើនភាពប្រ
កួតប្រជែងរបស់សហគ្រាសធុនតូច និងមធ្យម ( SMEs ) ឲ្យមានភាពប្រកួតប្រជែងកាន់តែប្រសើរឡើង តាមរយៈការអភិវឌ្ឍបច្ចេកវិទ្យា និង ការណែនាំអំពីប្រព័ន្ធគ្រប់គ្រងលំដាប់ថ្នាក់ពិភពលោក។ សេចក្ដីជូនដំណឹងដែលទទួល
បាននៅថ្ងៃទី១០ ខែមករា ឆ្នាំ២០១២ បានឲ្យដឹងថា មូលនិធិអភិវឌ្ឍន៍បច្ចេក
វិទ្យា ( TDF ) គឺជាគម្រោងសាកល្បង ដែលធ្វើឡើងរួមគ្នា ដោយធនាគារអភិវឌ្ឍន៍អាស៊ី និងក្រសួងឧស្សាហកម្ម រ៉ែ និង ថាមពល ក្នុងគោលបំណងបង្កើនភាពប្រកួតប្រជែងរបស់សហគ្រាសធុនតូច និងមធ្យម(SMEs) ដែលស្ថិតនៅក្នុងវិស័យកែច្នៃម្ហូបអាហារ ដោយជួយពួកគេឲ្យមានភាពប្រកួតប្រជែងកាត់តែប្រសើរឡើងតាមរយៈការ អភិវឌ្ឍបច្ចេកវិទ្យានិងការណែនាំអំពីប្រព័ន្ធ
គ្រប់គ្រងលំដាប់ថ្នាក់ ពិភពលោក ។ មូលនិធិនេះជាមូលនិធិគ្មានសំណងដែលនឹងត្រូវផ្ដល់ដល់គម្រោងរបស់ SMEs ណាដែលមានលក្ខណៈសម្បត្តិគ្រប់
គ្រាន់។ មូលនិធិនេះ នឹងត្រូវផ្ដល់ជូនតាមលក្ខណៈទូទាត់ ជាដំណាក់កាល ដែលអាចផ្ដល់ជូនថវិកាចាប់ពី ៥.០០០ ដល់ ៣០.០០០ដុល្លារអាមេរិក ដោយសហគ្រាសធុនតូច និង មធ្យមត្រូវរួមចំណែកបដិភាគយ៉ាងតិចបំផុត ៥០% នៃការចំណាយលើគម្រោងនេះ។ពិសេសជាងនេះទៅទៀត មូលនិធិអភិវឌ្ឍន៍បច្ចេកវិទ្យា នឹងផ្ដល់ជូនសហគ្រាសណាដែលមានម្ចាស់ ឬ អ្នកគ្រប់គ្រងជាស្ដ្រីតាមកូតា ៤០-៤៥% ។សេចក្ដីជូនដំណឹងដដែលបញ្ជាក់ថា ម្ចាស់រោងចក្រ-សិប្បកម្ម និង សហគ្រាសធុនតូច និងមធ្យមទាំងអស់ដែលចង់ទទួលបានជំនួយគាំទ្រពីមូលនិធិអភិវឌ្ឍន៍ បច្ចេកវិទ្យា មកទទួលយកឯកសារពាក្យស្នើសុំនៅលេខាធិការដ្ឋាន នៃអនុគណៈកម្មាធិការសហគ្រាសធុនតូច និង មធ្យមSMEs ចាប់ពីថ្ងៃជូនដំណឹងនេះតទៅ ហើយពាក្យស្នើសុំវិញ គឺចាប់ផ្តើម
ដាក់តាំងពីថ្ងៃទី៣រហូតដល់ថ្ងៃទី២០ខែមករា ឆ្នាំ២០១២ ជាកំណត់ ៕
No comments:
Post a Comment