បើករថយន្តជ្រែនៅពេលកំពុងភ្លៀងរអិលក្រឡាប់បុកក្បាលនាគក្លោងទ្វារវត្តបាក់ខ្ទេច
ថ្ងៃទី១៨-០១-២០១២: ដកស្រង
kpt-news
កំពត ៖ រថយន្តកូរ៉េចំណុះ២តោនកន្លះ១គ្រឿងខណៈពេលកំពុងបោះពួយក្នុងល្បឿន ដូចព្យុះសង្ឃរាស្រាប់តែភ្លាត់ស្នៀតរេចង្កូតខុសគន្លងផ្លូវរួច ជ្រុលទៅបុកក្បាលនាគក្លោងទ្វារវត្តទាំងកំរោលបួនជ្រុងហើយក្រឡាប់ បះជើងបង្កការភ្ញាក់ផ្អើលដល់អ្នកដំណើរ តែសំណាងល្អពុំមាននរណាម្នាក់ជិះក្នុងរថយន្តរងគ្រោះថ្នាក់អ្វី ឡើយគ្រាន់តែកំពិតក្បាលរថយន្តខ្ទេចមើលលែងយល់និងបានបំផ្លាញរូប សំណាកក្បាលនាគដែលតាំងនៅមុខក្លោងទ្វារវត្ត បណ្ដាលឲ្យបាក់បែកប៉ុណ្ណោះ។ ហេតុការណ៍ស្ទើរព្រលឹងចុងសក់ខាងលើបាន
កើតឡើងកាលពីរសៀលម៉ោង៤ ថ្ងៃទី១៧ខែមករា ឆ្នាំ
២០១២ត្រង់ចំណុចមុខក្លោងទ្វារវត្តអង្គសុរភី ស្ថិតក្នុងឃុំអង្គសុរភី ស្រុកកំពង់ត្រាច ខេត្តកំពត លើកំណាត់ផ្លូវជាតិលេខ៣១ ចន្លោះគីឡូម៉ែត្រ១៣២-១៣៣ ។សាក្សីនៅ
កន្លែងកើតហេតុបានប្រាប់ឲ្យដឹងថា មុនពេលជួបហេតុ
ការណ៍អាក្រក់នេះគេឃើញរថយន្ត១គ្រឿងខាងលើ ម៉ាកកូរ៉េចំណុះ២តោនកន្លះ ធ្វើដំណើរមកពីជើងដោយប្រើល្បឿនដូចហោះ លុះមកដល់ចំណុចគ្រោះថ្នាក់ស្របពេលមានភ្លៀងធ្លាក់យ៉ាងខ្លាំងផង ស្រាប់តែរថយន្តនោះម្តងរេចង្កូតទៅឆ្វេងម្តងរេទៅខាងស្តាំហើយ ទីបំផុតក៏រេទៅខាងឆ្វេងដៃវិញទើបជ្រុលទៅមុខក្លោងទ្វារវត្តរួចបុក ចំក្បាលនាគក្រឡប់ទាំងកំរោលតែម្តង។ សាក្សីបានបញ្ជាក់ទៀតថាស្ថិតក្នុងហេតុការណ៍នេះពិតជាសំណាងមួយផង ដែរដោយសាររថយន្តនេះបានជ្រុលចង្កូតទៅបុកក្បាលនាគមុខវត្តដែល ស្ថិតនៅខាងឆ្វេង តែបើជ្រុលមកក្រឡាប់ខាងស្តាំដៃវិញពិតជាមានមនុស្ស មិនតិចនាក់ទេដែលទទួលគ្រោះថ្នាក់ព្រោះនៅចំណុចកើតហេតុជាទី ប្រជុំជននិងជាផ្សារតូចមួយផងដែរហើយក៏អាចចាត់ទុកជាសំណាងល្អមួយទៅ ចុះដោយសារមនុស្សក្នុងរថយន្តទាំង៤នាក់បូករួមទាំងតៃកុងរួចចាកផុតពី គ្រោះថ្នាក់ ប៉ុន្តែក្បាលនាគដែលជាទ្រព្យសម្បត្តិរួមរបស់វត្តត្រូវបែកបាក់ខ្ទេច គួរឲ្យស្តាយនោះមាន
តែម្ចាស់រថយន្តបង្កទទួលខុសត្រូវទាំងស្រុងហើយ។
ក្រោយពីមានករណីគ្រោះថ្នាក់ចរាចរកើតឡើងសមត្ថកិច្ចជំនាញបានមក អន្តរាគមន៍ ហៅរថយន្តមកអូសទៅរក្សាទុកនៅកន្លែងដើម្បីធ្វើការដោះស្រាយតាមច្បាប់ ចរាចរផ្លូវគោកក្នុងនោះក៏មានការដោះស្រាយសំណងថ្លៃការខូចខាតក្បាល នាគមុខក្លោងទ្វារវត្តផងដែរ។ចំពោះគ្រោះថ្នាក់បង្កដោយខ្លួនឯងនេះ ប៉ូលិសបាន
ប្រាប់ឲ្យដឹងថា កើតឡើងដោយសារអ្នកបើកបរខ្វះការប្រុងប្រយ័ត្រថែមទាំងខ្វះបច្ចេកទេស នៃការបើកបរទើបងាយជួបហេតុការណ៍ដ៏អាក្រក់បែបនេះ។ សមត្ថកិច្ចបានប្រាប់ទៀតថា មនុស្សជិះក្នុងរថយន្តទាំងអស់មានចំនួន៤នាក់ទាំងតៃកុងដោយពួកគេបាន ដឹកទំនិញចាប់ហួយមកពីតំបន់ខេត្តតាកែវយកមកបោះដុំ-រាយនៅក្នុងតំបន់ ខេត្តកំពតហើយក្នុងចំណោមនោះស្គាល់តែឈ្មោះអ្នកបើកបរម្នាក់ប៉ុណ្ណោះ គឺឈ្មោះ ខាន់ ម៉ឹន ភេទប្រុសអាយុ២៨ឆ្នាំ មានទីលំនៅភូមិត្រពាំងខ្នា ឃុំអង្គតាសោម ស្រុកត្រាំកក់ ខេត្តតាកែវ ហើយរថយន្តបង្កហេតុខ្លួនឯងខាងលើម៉ាក ហ៊ីយ៉ាន់ដាយ ចំណុះ២តោនកន្លះ ពាក់ស្លាកលេខ ភ្នំពេញ ៣A-៩៩៩៥ពណ៌ខៀវ៕
No comments:
Post a Comment