គ្រឿងចក្របំពាក់ម៉ាស៊ីនច្រូតស្រូវថយក្រោយកិនបុរសម្នាក់ស្លាប់
ថ្ងៃទី២៧-០១-២០១២: ដកស្រ
nokorwatcenter.com
ខេត្ដតាកែវ ៖ បុរសម្នាក់បានស្លាប់ភ្លាមៗកាលពីម៉ោង៤និង១៥នាទី ថ្ងៃទី២៥ ខែមករា ឆ្នាំ២០១២ នៅភូមិស្វាយពារ ឃុំអង្កាញ់ ស្រុកព្រៃកប្បាស ខេត្ដតាកែវ ខណៈដែលគ្រឿងចក្របំពាក់ម៉ាស៊ីនច្រូតស្រូវថយក្រោយកិនពីលើ ។លោក
អនុសេនីយ៍ទោ មឿង នី មេប៉ុស្ដិ៍រដ្ឋបាលឃុំអង្កាញ់បានឱ្យដឹងថា បុរសដែលបាត់បង់ជីវិតឈ្មោះឈុំ កប អាយុ៤១ឆ្នាំ មានប្រពន្ធនិងកូន៣នាក់ក្នុងបន្ទុក បច្ចុប្បន្នរស់នៅក្នុងភូមិតាមូង ឃុំ ព្រៃផ្គាំ ស្រុកអង្គរបុរី ខេត្ដតាកែវ ។លោកមេប៉ុស្ដិ៍បានបន្ដថា តាមការចុះត្រួត
ពិនិត្យនៅកន្លែងកើតហេតុ សាក្សីបានបំភ្លឺថា មុនពេលកើតហេតុគ្រឿងចក្រច្រូតស្រូវបាននិងកំពុងច្រូតស្រូវ ហើយមានអ្នកភូមិច្រើននាក់បាននាំគ្នាដណ្ដើមចំបើងពីខាងក្រោយ រថយន្ដ ។ នៅពេលគ្រឿងចក្រច្រូតបានបើកថយក្រោយពួកគាត់នាំគ្នារត់ចេញ នៅសល់តែបុរសរងគ្រោះម្នាក់ត្រូវអ្នកផ្សេងជាន់ជើង បណ្ដាលឱ្យគាត់ដួលហើយក៏ត្រូវគ្រឿងចក្រថយកិនពីលើតែម្ដង ។ លោកសុខ ភីន អាយុ៤៧ឆ្នាំ មានស្រុកកំណើតនៅភូមិផ្សារជ្រែ ឃុំអង្កាញ់ បានឱ្យដឹងថា ជារៀងរាល់ថ្ងៃឱ្យតែមានម៉ាស៊ីនច្រូតស្រូវប្រជាពលរដ្ឋមួយចំនួនតែងតែ នាំគ្នាដណ្ដើមយកចំបើងដើម្បីទុកឱ្យគោស៊ី ។ លោកបញ្ជាក់ថា ករណីគ្រោះថ្នាក់ខាងលើក៏ពិបាកនឹងបន្ទោសអ្នកបើកបរគ្រឿងចក្រ ច្រូតស្រូវនេះដែរ ព្រោះរាល់លើកអ្នកបើកបរតែងតែហាមឃាត់មិនចង់ឱ្យមានភាពរញ៉េរញ៉ៃ ដណ្ដើមចំបើងដែលនាំឱ្យគាត់ពិបាកច្រូតកាត់ ប៉ុន្ដែអ្នកភូមិចេះតែព្យាយាមធ្វើដោយមិនខ្លាចមានគ្រោះថ្នាក់សោះ ទើបពេលនេះកើតមានបញ្ហាអាក្រក់យ៉ាងដូច្នេះតែម្ដង ។ លោកមេប៉ុស្ដិ៍មឿង នី បានឱ្យដឹងថា ជនរងគ្រោះ
ត្រូវគ្រឿងចក្រកិនបណ្ដាលឱ្យបែកក្បាលចេញខួរស្លាប់នៅនឹងកន្លែង ។ ក្រោយពីកើតហេតុ និងក្រោយពីពិនិត្យសាកសពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។ គេនៅពុំទាន់ដឹងពីដំណោះស្រាយនាំឱ្យបុរសរងគ្រោះស្លាប់នៅឡើយទេ ប៉ុន្ដែតាមមន្ដ្រីនគរបាលអធិការស្រុកព្រៃកប្បាសបានឱ្យដឹងថា ម្ចាស់គ្រឿងចក្រនិងក្រុមគ្រួសារជនរងគ្រោះកំពុងចរចាគ្នាដើម្បី បញ្ចប់បញ្ហា ៕
No comments:
Post a Comment