ប្រេងធ្លាក់ថ្លៃទាបពីរថ្ងៃជាប់គ្នាដោយសារក្ដីបារម្ភពីវិបត្តិអឺរ៉ុប
ផ្សាយថ្ងៃទី១៥-១១-២០១១: អន្ដរជាតិដកស្រង postkhmer
ញូវយ៉កៈ ប្រេងត្រូវបានទិញលក់ក្នុងតម្លៃទាបក្នុងរយៈពេលពីរថ្ងៃនៅទីក្រុងញូវយ៉ក
ដោយសារការព្យាករថា សហគមន៍អឺរ៉ុប នឹងព្យាយាមទប់ស្កាត់វិបត្តិបំណុលរបស់ខ្លួន ដែលជាសញ្ញាបង្ហាញនូវការធ្លាក់ចុះស្តុកប្រេងនៅអាមេរិក ដែលជាប្រទេសប្រើ
ប្រាស់ប្រេងឆៅធំជាងគេរបស់ពិភពលោក។
តម្លៃប្រេងក្នុងកិច្ចសន្យាអនាគត ប្រែប្រួលតិចតួច បន្ទាប់ពីធ្លាក់ចុះ ០,៩ភាគរយកាលពីថ្ងៃចន្ទ ខណៈអត្រាការប្រាក់កម្ចីរបស់អ៊ីតាលី បានកើនឡើងដល់កម្រិតខ្ពស់បំផុតចាប់តាំងពីខែមិថុនា ឆ្នាំ១៩៩៧ ដោយជំរុញឲ្យមានក្តីបារម្ភកាន់តែខ្លាំងថា វិបត្តិរបស់អឺរ៉ុប មានសភាពកាន់តែអាក្រក់។
របាយការណ៍របស់គណៈកម្មាធិការពាណិជ្ជកម្មកិច្ចសន្យាទិញលក់ទំនិញអនាគត បានបង្ហាញថា សន្និធិប្រេងឆៅ និងប្រេងរបស់អាមេរិក អាចធ្លាក់ចុះនៅសប្តាហ៍ទីពីរនេះ នេះបើយោងតាមការអង្កេតរបស់ទីភ្នាក់ងារព័ត៌មាន Bloomberg មុនពេលក្រសួងថាមពលអាមេរិកចេញរបាយការណ៍នៅថ្ងៃស្អែកនេះ។ មូលនិធិការពារហានិភ័យ បានបង្កើនសាច់ប្រាក់យ៉ាងច្រើនលើប្រេង ពោលគឺកើនឡើងច្រើនបំផុតចាប់តាំងពីខែឧសភា៕
No comments:
Post a Comment