វិស័យទេសចរណ៍ជាកំណើនសេដ្ឋកិច្ច ៥ ភាគរយនៃផលទុនជាតិសរុបនិង៣០ភាគរយនៃការនាំចេញសេវាកម្មរបស់ពិភពលោក
ផ្សាយថ្ងៃទី០៨-១១-២០១១: ដកស្រង nokorwatnews
ភ្នំពេញ ៖ លោក ថោង ខុន រដ្ឋមន្ត្រី ក្រសួងទេសចរណ៍បានបញ្ជាក់ថា វិស័យ ទេសចរណ៍ដែលជាកំណើនសេដ្ឋកិច្ច មួយស្មើនឹង៥ភាគរយនៃផលទុនជាតិសរុប (GDP) និង៣០ភាគរយនៃការនាំចេញ សេវាកម្មរបស់ពិភពលោក ។ វិស័យ ទេសចរណ៍ក៏បានបង្កើតការងារមួយក្នុងចំណោមការងារទាំង១២នៅលើពិភព លោកដែរ។ ដោយឡែកក្នុងរយៈពេល៩ខែ ដើមឆ្នាំ២០១១នេះ ភ្ញៀវទេសចរ អន្តរជាតិបានមកទស្សនា កម្ពុជាមានចំនួន ២.០៨៤.៧៨៩នាក់កើនឡើង ១៥,៦ ភាគរយ បើធៀបនឹងរយៈពេលដូចគ្នា នៅឆ្នាំ២០១០ ។ ព្រមជាមួយគ្នានោះ ចំនួនទេសចរជាតិនិងអន្តរជាតិ ដែល បានទៅទស្សនាកំសាន្តតាមតំបន់ទេស ចរណ៍រមណីយដ្ឋាននិងសហគមន៍ទេសចរណ៍ នានាក៏មានការកើនឡើងយ៉ាងច្រើន សន្ធឹកសន្ធាប់ផងដែរ ។
ក្នុងពិធីបើកសិក្ខាសាលាស្តីពីភោជនីយដ្ឋានស្អាត អាហារដ្ឋានស្អាត និងសេវាល្អនៅឯសណ្ឋាគារកាំបូឌីយ៉ាណាកាល ពីថ្ងៃសុក្រចុងសប្តាហ៍កន្លងមកនេះដែល មានការចូលរួមពីមន្ត្រីមកពីស្ថាប័នពាក់ ព័ន្ធហើយសិក្ខាសាលានេះគឺមានគោល បំណងដើម្បីរៀបចំចងក្រងជាបទដ្ឋាន គតិយុត្តិធ្វើការផ្សព្វផ្សាយតាមគ្រប់រូបភាព ពិសេសគឺផ្តល់អាទិភាពឱ្យមន្ទីរ ទេសចរណ៍រាជធានីខេត្តទាំងអស់ចាប់ពី ពេលនេះតទៅរហូតដល់បណ្តាឆ្នាំខាង មុខត្រូវចុះណែនាំឱ្យភោជនីយដ្ឋាន និង អាហារដ្ឋានទាំងអស់នៅទូទាំងប្រទេស ត្រូវមានការកែប្រែឥរិយាបថថ្មី។ នៅគ្រប់ ភោជនីយដ្ឋានទាំងអស់ត្រូវតែមានអនាម័យ សណ្តាប់ធ្នាប់ល្អ បន្ទប់ទឹក បង្គន់ ស្អាត ម្ហូបអាហារ មានគុណភាព អនា ម័យល្អមានតម្លៃសមរម្យនិងមានសេវាបម្រើគួរជាទីពេញចិត្ត ពិសេសមិនមាន ការបោះសំរាមឬដាក់សំរាមនៅភោជនីយដ្ឋានខ្លួនក្រៅកន្ត្រកសំរាមឡើយ ។
លោកថោង ខុនបានបន្តថា តាមការ ព្យាករណ៍របស់យើងនៅឆ្នាំ២០១១កម្ពុជាបានទទួលភ្ញៀវទេសចណ៍ជាតិ និងអន្តរ ជាតិបានប្រមាណ២.៨លាននាក់ក្នុងអត្រាកំណើនប្រមាណ១៥ភាគរយហើយដល់ឆ្នាំ២០១៥និងទទួលបាន៤,៥លាននាក់ ។ ក្រសួងទេសចរណ៍មានគម្រោងផែនការ កំណត់យកឆ្នាំ២០២០ជាគោល ដើម្បី ទាក់ទាញភ្ញៀវទេសចរជាតិអន្តរជាតិ ចូលមកទស្សនាកម្ពុជាឱ្យបាន៧លាននាក់។
ជាមួយគ្នានេះដែរ លោក ថោ ខុន រដ្ឋ មន្ត្រីក្រសួងទេសចរណ៏ក៏បានណែនាំឱ្យ ស្ថាប័នពាក់ព័ន្ធក្នុងវិស័យទេសចរណ៏ទាំងរដ្ឋនិងឯកជនត្រូវគ្រប់គ្រងធ្វើការទទួល ខុសត្រូវដាក់ចេញនូវបទដ្ឋានគតិយុត្តិ ដើម្បីផ្សព្វផ្សាយឱ្យយល់ដឹងពីតួនាទី ភារកិច្ចហើយត្រូវប្តេជ្ញាចិត្តខ្ពស់គោរពនិងខិតខំប្រឹងប្រែងសំដៅធានាភាពស្អាត ឱ្យមានអនាម័យនៅតាមភោជនីយដ្ឋាន អាហារដ្ឋាន មណ្ឌលកំសាន្តនានា ត្រូវ បង្តើនភាពស្អាតជានិច្ចហើយមន្ទីរទេសចរណ៍គ្រប់ខេត្តក្រុងនិងត្រូវណែនាំឱ្យ រាល់ម្ចាស់ភោជនីយដ្ឋានកំណត់ស្តង់ដារសេវាកម្មមុខម្ហូបនីមួយៗឱ្យបានគ្រប់ ម្ចាស់ភោជនីយដ្ឋានអាហារដ្ឋានផងដែរ ។
លោកបានបន្តថាការធ្វើឱ្យវិស័យម្ហូបអាហារនៅកម្ពុជាកាន់តែធានាបានទាំងគុណភាពអនាម័យនិងមានលក្ខណៈស្តង់ដារព្រមទាំងផ្តល់ការពេញចិត្តដល់ភ្ញៀវទេសចរ គឺប្រាកដជាឆ្លើយតបបានទាន់ ពេលវេលាទៅនឹងតម្រូវការទីផ្សារបច្ចុប្បន្ន និងទៅអាស៊ានឆ្នាំ២០១១- ២០១៥ ហើយក៏ឆ្លើយតបទៅនឹងការលើកកម្ពស់សមត្ថភាពជំនាញទេសចរណ៍ទាំង៣២ មុខដែលអាស៊ានបានដាក់ចេញនូវជំនាញ ផ្នែកការផលិតកម្មម្ហូបអាហារ និងផ្នែក សេវាកម្មអាហារដ្ឋានភេសជ្ជៈ ។ លោក បញ្ជាក់ថា បច្ខុប្បន្ននេះ វិស័យទេស ចរណ៍បានដើរតួរនាទីជាសកម្មភាពមួយដ៏សំខាន់ក្នុងសកម្មភាពមនុស្ស និងសេដ្ឋ កិច្ចយ៉ាងច្រើន ។ នៅឆ្នាំ២០១០ភ្ញៀវ ទេសចរអន្តរជាតិប្រមាណ៩៤០លាន នាក់បានធ្វើដំណើរឆ្លងកាត់ព្រំដែន អន្តរ ជាតិដែលបង្កើតចំណូលបាន១ពាន់កោដដុល្លារ ។ ក្នុងរយៈពេល៦ខែដើមឆ្នាំ២០១១ នេះទេសចរអន្តរជាតិប្រមាណ៤៤០លាននាក់បានធ្វើដំណើរពាសពេញពិភពលោក ក្នុងអត្រាកំណើន៥ភាគរយ ។ ទេសចរ អន្តរជាតិនឹងកើនឡើងក្នុងចំនួនប្រមាណ៤៣លាននាក់ជារៀងរាល់ឆ្នាំសម្រាប់រយៈពេលពីរទសវត្សខាងមុខនេះ ។
លោកបានលើកឡើងថាពិភពលោកទាំងមូលនឹងទទួលបានទេសចរអន្តរជាតិ ប្រមាណ១ពាន់លាននាក់និងនៅឆ្នាំ២០២០ ទេសចរអាចកើនដល់១,៤០០លាននាក់ និងនៅឆ្នាំ២០៣០ប្រមាណ១,៨ ០០លាន នាក់នៅក្នុងនោះតំបន់អាស៊ីប៉ាស៊ីហ្វិកនឹង បន្តដើរតួនាទីជាគោលដៅទេសចរណ៍ ដ៏ចម្បងរបស់សកលលោកពិសេសប្រទេសចិន គឺជាគោលដៅទេសចរណ៏និងជាទី ផ្សារផ្គត់ផ្គង់ទេសចរណ៍មួយដ៏សំខាន់ក្នុងតំបន់៕
No comments:
Post a Comment