រដ្ឋាភិបាលសាធារណរដ្ឋកូរ៉េ នឹងបន្តគាំទ្រដល់ការអភិវឌ្ឍនៅកម្ពុជា ទាំងហិរញ្ញប្បទាន និងទាំងបច្ចេកទេស
ផ្សាយថ្ងៃទី១៥-១១-២០១១: ដកស្រង nokorwatnews
ភ្នំពេញ៖ លោក Chang Ho-Jin ឯកអគ្គរដ្ឋទូតសាធារណរដ្ឋកូរ៉េ ប្រចាំកម្ពុជា បានថ្លែងថា រដ្ឋា ភិបាលនៃសាធារណរដ្ឋកូរ៉េនឹងបន្តគាំទ្រដល់ការអភិវឌ្ឍនៅកម្ពុជា ទាំងខាងហិរញ្ញប្បទាននិងខាងបច្ចេកទេស ។
លោកឯកអគ្គរដ្ឋទូត Chang Ho-Jin បានថ្លែងយ៉ាងនេះ នៅក្នុងជំនួបពិភាក្សាជាមួយ លោកឧបនាយករដ្ឋមន្ត្រី គាត ឈន់ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ កាលពីរសៀល ថ្ងៃទី ១៤ វិច្ឆកា ២០១១ នៅទីស្តីការក្រសួងសេដ្ឋកិច្ច និងហិរញ្ញវត្ថុ ។ លោកឯកអគ្គរដ្ឋទូត ក៏បានវាយតម្លៃខ្ពស់ចំពោះការខិតខំប្រឹងប្រែងរបស់រាជរដ្ឋាភិបាលកម្ពុជា ក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋ
មន្ត្រីនៃព្រះរាជាណាចក្រ កម្ពុជា ដែលមានចក្ខុវិស័យ និងយុទ្ធសាស្ត្រនៃការអភិវឌ្ឍន៍ត្រឹមត្រូវ ដែលផ្តល់មកនូវសមិទ្ធ ផល និងផ្លែផ្កានៃកំណើនសេដ្ឋកិច្ចគួរឲ្យកត់សំ
គាល់ ។
នៅក្នុងឱកាសនោះលោកឧបនាយករដ្ឋមន្ត្រី គាត ឈន់ ក៏បានថ្លែងអំណរគុណ យ៉ាងជ្រាលជ្រៅចំពោះធនាគារនីហរ័ណ-អាហរ័ណកូរ៉េ និងរដ្ឋាភិបាលសាធារណរដ្ឋកូរ៉េ ដែលផ្តល់ឥណទានសម្បទានជាបន្តបន្ទាប់ រួមវិភាគទានដល់ការស្តារ និងកសាងហេដ្ឋារច នាសម្ព័ន្ធរួបវ័ន្តជាច្រើននៅកម្ពុជា ។ ការផ្តល់ហិរញ្ញប្បទានដ៏ថ្លៃថ្លានេះ គឺជាសក្ខីភាពនៃការ ពង្រឹង និងពង្រីកនូវចំណងមិត្តភាព និងកិច្ចសហប្រតិបត្តិការ រវាងរដ្ឋាភិបាល និងប្រជាជន នៃប្រទេសទាំងពីរ
កម្ពុជា-កូរ៉េ ឲ្យកាន់តែប្រសើរឡើងថែមទៀត ។
តាមសេចក្តីជូនដំណឹងរបស់ក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា គិតចាប់ ពីឆ្នាំ២០០១ រហូតមកដល់បច្ចុប្បន្ន រដ្ឋាភិបាលសាធារណរដ្ឋកូរ៉េ បានផ្តល់ជូនរាជ
រដ្ឋាភិ បាលកម្ពុជា នូវឥណទានសម្បទានមានទឹកប្រាក់សរុបចំនួន ៣៤១,៤៣
លានដុល្លារអាមេ រិក សម្រាប់អនុវត្តគម្រោងចំនួន១២ ដែលក្នុងនោះគម្រោង
ចំនួន ៥ បានបញ្ចប់ និងគម្រោង ចំនួន ៧ទៀតកំពុងដំណើរការ។
ជាមួយគ្នានេះ សម្រាប់កិច្ចសហប្រតិបត្តិការនាពេលអនា គត រាជរដ្ឋាភិបាលកម្ពុជានៅមានបេក្ខភាពគម្រោងចំនួន ១០ ទៀតសម្រាប់ស្នើឥណទានពី រដ្ឋាភិបាលសាធារណរដ្ឋកូរ៉េ ដែលមានតម្រូវការឥណទានប្រមាណ ៤៩០ លានដុល្លារ
អាមេរិក ។ ការផ្តល់ឥណទានសម្បទានដោយរដ្ឋាភិបាលនៃសាធារណរដ្ឋកូរ៉េបានឆ្លើយតប ទាន់ពេលវេលា និងចំទិសដៅនៃយុទ្ធសាស្ត្រអភិវឌ្ឍន៍របស់រាជរដ្ឋាភិបាលកម្ពុជា ជាពិ សេស ការកសាងហេដ្ឋារចនាសម្ព័ន្ធរូបវ័ន្ត ដែលគាំទ្រកំណើនសេដ្ឋកិច្ចនៅក្នុងរយៈពេល វែង បង្កើតការងារ និងកាត់បន្ថយភាពក្រីក្រ ដែលជាគោលដៅប្រកបដោយមហិច្ឆតារបស់ រាជរដ្ឋាភិបាលកម្ពុជា ៕
No comments:
Post a Comment