បុរសវ័យ៥៣ឆ្នាំម្នាក់ត្រូវខ្មាន់កាំភ្លើងបាញ់ធ្លាយប្រអប់មាត់ពេលដេកលក់
ផ្សាយថ្ងៃទី២២-១១-២០១១: ដកស្រង nokorwatnews
ខេត្ដកំពត ៖ បុរសវ័យ៥៣ឆ្នាំម្នាក់ ត្រូវ
ពួកអនាមិកប្រដាប់ដោយអាវុធ អាកាលួចបាញ់សម្លាប់បែកខ្ទេចប្រអប់មាត់ទាំងកណ្ដាលយប់ ខណៈកំពុងដេក លើ
គ្រែសំយាបមុខផ្ទះ។ ហេតុការណ៍នេះបានកើតឡើងនៅវេលាម៉ោង១១ និង៤៥
នាទីយប់ ថ្ងៃទី២០ ខែវិច្ឆិកា ឆ្នាំ២០១១ នៅក្នុងភូមិកោះចំការ ឃុំបឹងសាលាខាងត្បូង ស្រុកកំពង់ត្រាច ខេត្ដកំពតជាភូមិមួយដែលជាប់ព្រំដែន វៀតណាម។
លោកឯក នាង នាយប៉ុស្ដិ៍រដ្ឋបាល ឃុំបឹងសាលាខាងត្បូងបានប្រាប់ឱ្យដឹងថា ជនរងគ្រោះដែលត្រូវជនអានាមិក លួចបាញ់សម្លាប់មានឈ្មោះ សែម រុន ភេទប្រុស អាយុ៥៣ឆ្នាំ រស់នៅភូមិ ឃុំ កើតហេតុខាងលើ។
លោកនាយប៉ុស្ដិ៍បានបន្ដថា បើតាមការសន្និដ្ឋានរបស់សមត្ថកិច្ច ការស្លាប់ខាងលើនេះជាករណីគំនុំមិនមែនជាករណីប្លន់ទ្រព្យសម្បត្ដិទេ ព្រោះជនរងគ្រោះជាកសិករក្រីក្រ។
បើតាមប្រភពព័ត៌មានពីក្រុមគ្រួសារ ជនរងគ្រោះខាងលើបានឱ្យដឹងថា ជារៀង រាល់ថ្ងៃជនរងគ្រោះតែងតែដេកនៅលើ គ្រែសំយាបមុខផ្ទះមិនដែលមានរឿងអ្វីកើតឡើងទេ ដោយឡែកនៅថ្ងៃកើតហេតុស្រាប់តែមានពួកអានាមិកលួចបាញ់សម្លាប់ជនរងគ្រោះយ៉ាងសាហាវបណ្ដាលឱ្យបែកខ្ទេចប្រអប់មាត់ស្លាប់ នៅនឹងកន្លែងដែលជនរងគ្រោះកំពុង ដេក។បើនិយាយពីករណីប្លន់វិញផ្ទះរបស់ពួកគាត់គ្មានទ្រព្យសម្បត្ដិអ្វីគួរឱ្យក្រុមចោរប្លន់នោះទេព្រោះពួកគាត់សព្វថ្ងៃក្នុងគ្រួសារមានជីវភាពក្រីក្រណាស់ សង្ឃឹមលើការធ្វើស្រែមួយឆ្នាំ រស់មួយឆ្នាំមិនគ្រប់ផង។
ប្រភពព័ត៌មានដដែលបន្ដទៀតថា នេះជាករណីគំនុំទើបត្រូវ ប៉ុន្ដែប្រហែលជារឿងអាថ៌កំបាំងផ្ទាល់ខ្លួនរបស់ជនរង គ្រោះដែលក្រុមគ្រួសារមិនដែលធ្លាប់បានដឹងសោះ។
សូមបញ្ជាក់ថា ជនរងគ្រោះឈ្មោះ សែម រុនន្ទា បន្ទាប់ពីសមត្ថកិច្ចពិនិត្យសាកសពបានដឹងថា ជនរងគ្រោះស្លាប់ដោយសារគ្រាប់កាំភ្លើងធុនអាកាចំនួនមួយគ្រប់បាញ់ត្រូវចំមាត់ធ្លាយទៅក្រោយជាករណីគំនុំលួចបាញ់សម្លាប់ ពេលជនរងគ្រោះកំពុងដេកមិនដឹងខ្លួន។ បើតាមការប្រាប់ជាសម្ងាត់ពីក្រុមអ្នករស់នៅជិតខាងបានឱ្យដឹង
ថាអ្នកស្លាប់ជនរងគ្រោះសមត្ថកិច្ចកំណត់មុខសញ្ញាបានហើយ៕
No comments:
Post a Comment