សត្វគោក្របីរាប់រយក្បាលកំពុងសម្រុកចេញទៅវៀតណាមតាមច្រកព្រំដែនតន់ហន់
ផ្សាយថ្ងៃទី១៩-១០-២០១១: ដកស្រង nokorwatnews
ខេត្តកំពត ៖ មានសេចក្តីរាយការណ៍ ពីប្រជាពលរដ្ឋរស់នៅតាមព្រំដែនបាន ឱ្យកាសែតនគរវត្តដឹងថា សត្វគោ ក្របី រាប់រយក្បាលក្នុង១ថ្ងៃៗត្រូវបានក្រុម ឈ្មួញសម្រុកនាំចេញទៅលក់នៅប្រទេសវៀតណាមយ៉ាងគគ្រឹកគគ្រេង នៅច្រកព្រំដែនតន់ហន់ គ្មានការត្រួត ពិនិត្យឬហាមឃាត់ពីមន្ត្រីជំនាញ និង សមត្ថកិច្ចឡើយ ទោះបី
សត្វគោក្របី ទាំងនោះនាំចេញគ្មានច្បាប់អនុញ្ញាតក៏ដោយ។
បើយោងតាមមន្ត្រីជំនាញម្នាក់សូម មិនបញ្ចោញឈ្មោះបានឱ្យនគរវត្តដឹងថា នៅតំបន់ព្រំដែនច្រកតន់ហន់សព្វថ្ងៃ មានក្រុមហ៊ុនចំនួន៣ដែលនាំគោចេញ ទៅប្រទេសវៀតណាម ។ ប៉ុន្តែការនាំ សត្វគោចេញទៅវៀតណាមនោះក្រសួងអនុញ្ញាតិឱ្យនាំតែគោបាត់បង់កម្លាំង ពលកម្មប៉ុណ្ណោះ តែផ្ទុយទៅវិញមន្ត្រី បសុពេទ្យ និងសមត្ថកិច្ចព្រំដែនឃុប ឃិតជាមួយឈ្មួញដោយឱ្យនាំគោពេញ កម្លាំង និងកូនគោឆ្លងដែនទៅវៀតណាម យ៉ាងរលូនភ្លូកទឹកភ្លូកដីមិនខ្វល់ពីច្បាប់ហាមឃាត់អ្វីទាំងអស់
។
បើតាមប្រភពព័ត៌មានរាយការណ៍ពីតំបន់ព្រំដែនបានបញ្ជាក់ឱ្យដឹងថា មិន ត្រឹមតែការនាំចេញសត្វគោពេញ កម្លាំង និងកូនគោទៅប្រទេសវៀតណាម ផ្ទុយពីការអនុញ្ញាតពីក្រសួងកសិកម្ម ប៉ុណ្ណោះទេ សូម្បីតែសត្វក្របីដែល ក្រសួងកសិកម្មកំពុងអភិរក្សមិន អនុញ្ញាតឱ្យនាំចេញទៅក្រៅប្រទេស ក៏មន្ត្រីជំនាញពេទ្យសត្វបើកដៃឱ្យឈ្មួញនាំចេញយ៉ាងរលូនជារៀងរាល់ថ្ងៃរាប់ សិបក្បាល ដោយប្រើឈ្មោះក្រុមហ៊ុននាំ ចេញយ៉ាងគគ្រឹកគគ្រេងដែរ ។
តាមការកត់សម្គាល់ឃើញថាសព្វ ថ្ងៃក្របីត្រូវឈ្មួញជួលប្រជាពលរដ្ឋដឹក ឆ្លងដែន និងដឹកតាមរថយន្តយីឌុបភាគ ច្រើនគ្មានច្បាប់អនុញ្ញាតនោះទេ គឺ គ្រាន់តែឃុបឃិតជាមួយមន្ត្រីបសុពេទ្យ និងសមត្ថកិច្ចព្រំដែនជា ការស្រេចបើ មានការសួរនាំគេប្រើឈ្មោះក្រុមហ៊ុន នេះក្រុមហ៊ុននោះបំភ័យសមត្ថកិច្ចគ្មានជំនាញទៅគឺគ្មានអ្វីជាឧបសគ្គទៀតឡើយ ។
លោកចាន់ ចេស្តា ប្រធានមន្ទីរកសិ កម្ម រុក្ខាប្រមាញ់ និងនេសាទ ខេត្តកំពត ទាក់ទិននឹងករណីខាងលើនេះនគរវត្តបានភ្ជាប់ទូរស័ព្ទទៅសុំការបំភ្លឺពីលោកដែរ ប៉ុន្តែលោកបាននិយាយយ៉ាងគំរោះគំរើយថា ចុះទៅមើលទៅមើលខ្លួនឯងទៅ ហើយក៏បិទទូរស័ព្ទទៅ ដែលទង្វើនេះ មិនសមជាថ្នាក់ដឹកនាំសោះ៕
No comments:
Post a Comment