ជិះម៉ូតូលឿនផ្លូវកោងបុករបាំងក្បាលស្ពានបោកក្បាលបាក់.កស្លាប់ក្នុងប្រឡាយទឹក
ផ្សាយថ្ងៃទី១៨-១០-២០១១: ដកស្រង kohsantepheapdaily
ខេត្តកែប ៖ យុវជន២នាក់បានស្លាប់បាត់បង់ជីវិតភ្លាមៗដោយសារបាក់.ក បោកស្លាប់ និងលិចទឹក បន្ទាប់ពីជិះម៉ូតូលឿនទៅបុករបាំងក្បាលស្ពាន ហើយប៉ើងខ្ទាតចូលទៅក្នុងប្រឡាយ បង្កឱ្យមានការភ្ញាក់ផ្អើលកាលពីវេលាម៉ោង១០យប់ថ្ងៃទី១៧ តុលា ២០១១ នៅតាមបណ្តោយផ្លូវជាតិលេខ៣៣ ត្រង់ចំណុចក្បាលស្ពានមួយកន្លែងស្ថិតក្នុងភូមិភ្នំលាវ ឃុំពងទឹក ស្រុកដំណាក់ចង្អើរ។
យុវជនរងគ្រោះ១-ឈ្មោះឱម សម្បត្តិ អាយុ២០ឆ្នាំ ស្នាក់នៅភូមិថ្មី សង្កាត់ព្រៃធំ ក្រុងកែប ២-ឈ្មោះគៀត ម៉ារ៉ាឌី អាយុ២១ឆ្នាំ ស្នាក់នៅ ភូមិអូរក្រសារ សង្កាត់អូរក្រសារ ក្រុងកែប ត្រូវបានសាច់ញាតិនាំយកទៅធ្វើបុណ្យតាមប្រពៃណីទាំងយប់ ដោយក្តីក្តុលក្តួល និងសោកស្តាយ។ សាក្សីនៅកន្លែងកើតហតុ និយាយថា ជនរងគ្រោះទាំង២បើកបរម៉ូតូមានសភាពស្រវឹង ជិះម៉ូតូម៉ាកឌ្រីម C125 ពណ៌ខ្មៅ ចេញពីកន្លែងមួយក្នុងទិសដៅទៅរកញ៉ាំបុកល្ហុងនៅម្តុំវាលវង់ ប៉ុន្តែដល់ផ្លូវកោងមើលមិនឃើញស្ពាន ក៏បុករបាំងក្បាលស្ពានប៉ើងធ្លាក់បោកក្បាលបាក់.កស្លាប់ក្នុងប្រឡាយទឹកតែម្តង ៕
No comments:
Post a Comment